Nm 23:8 - Chuj San Sebastian Bible

⁸ Palta, ¿tas wal tzwutj in catb'tzan junc 'anma', toto man̈oc Dios tzcatb'tzani? ¿Tas wal tzwutj waln can 'el tu paxti'al 'a yib'an̈, toto man̈oc Jehová tzalni?

Chuj San Mateo Bible

⁸ Palta, ¿tas val tz'aj in catab'an anima to man̈oc Dios scatab'ani? ¿Tas val tz'aj vac'an chucal tato man̈oc Jehová tz'ac'an chucal d'ay?

Nm 23:8 Iomraidhean Croise

Pr 26:2

A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Nm 22:12

Yuj cha, 'ix yaln Dios 'a 'ixtic: —Man̈ ach 'at yet' jun tzo'n̈ winc cha, matz tac' a catb'tzan jun tzo'n̈ 'anma cha, yujto an tzwac' in wach'c'ojlal 'a yib'n̈ eb', xchi Dios.

Nm 22:6

Yuj cha, cotn̈ muc'uc, wul catb'tzej can jun tzo'n̈ 'anma tic in c'ana', yujto caw jeln pax eb' 'a quib'n̈ on̈. Comnoc 'oj stac' wa'n ganar wi'n 'el eb' 'a yol in chon̈b' tic. Yujto wojtac, a tas tza catb'tzej, yet' tas 'aj tzal a wach' paxti', to tz'el'chn̈ej, xchi Balac.

Nm 23:20

Xyal Jehová 'ayin, to tzwal wach' paxti 'a yib'n̈ jun chon̈b' cha. A tas tzyala, matz tac' in jeln 'eli.

Nm 23:23

A 'a eb' yin̈tl Jacob, may yel'ch eb' tzyal jelnal sb'a, may yel'ch eb' b'alm 'a sat eb'. A ticnec b'i'an, yowlal tzalx 'ixtc 'a yib'n̈ eb' israel: Til wal satjub'tacl 'ix sb'o Dios yet'oc, xchi cab' eb' 'anma yuj eb'.

Nm 23:7

Xlajw cha, 'ix syamn 'och Balaam yaln 'ixtic: Atta 'ayn 'ec' 'a jun lum witz 'a stojlal 'aj tzq'uel c'u, 'a yol yic Aram, yic in ya'n 'ijxoc cot Balac sreyl Moab. 'Ix yaln 'ixtc 'ayin: Lem, cotn̈ muc'uc, wul catb'tzej can eb' israel tic, alcn 'el tu paxti 'a yib'n̈ eb' yin̈tl Jacob, xchi 'ayin.