Nm 23:1 - Chuj San Sebastian Bible

¹ Yuj cha, 'ix yaln Balaam 'ixtc 'a Balac: —B'o chan̈ uque'oc yet'l xajmb'al 'a tic. Tzlajw cha, tze'n cot ucwn̈oc no quelm wacax, yet' ucwn̈oc no mam calnelu, xchi.

Chuj San Mateo Bible

¹ Ix yalan vin̈aj Balaam d'a vin̈aj Balac chi' icha tic: —Chec b'ochajq'ue uqueoc altar d'a tic, tza checan ic'chajcot ucvan̈oc noc' quelemtac vacax yed' ucvan̈oc noc' ch'ac calnel, xchi vin̈.

Nm 23:1 Iomraidhean Croise

A Ch'an̈ Schab'il Libro Yic Yab'ixal Eb' Rey 18:22

Toto tzeyal 'ixtc 'ayin: An̈ tic on̈ a Jehová qui Diosal on̈, a tzca'ch yipc qui c'ojol, toto xe chi. 'In tox 'ix yac' win Ezequías chi satl jun tzo'n̈ macsej 'ay 'a jolmctac witz yet' smasnil yet'l xajmb'al yic e Diosal cha. Tox 'ix yal 'ayx 'ex 'aj Judá yet' ex 'aj Jerusalén, to an̈j 'a jun yet'l xajmb'al 'ay 'a Jerusalén, ata tzeyal e b'a.

1 Cr 15:26

'Ix colwj Dios yet' eb' levita x'i'n cot te', yuj cha, 'ix ya'n eb' ucwn̈ no mam wacx xajmb'alil, yet' pax ucwn̈ no mam calnelu.

2 Cr 29:21

Yet' eb' ucwn̈ no quelm wacax, ucwn̈ no mam calnelu, ucwn̈ no quelm calnelu, yet' pax ucwn̈ no cotc chiwo, yuj yajx no xajmb'alil, yic tz'ajx lajwc smul eb' syajlil chon̈ab', yet' eb' 'aj Judá, yet' yuj sacb'tzax yatut Jehová. Xlajw cha, xyaln win rey 'a eb' ya'mal 'och sti eb' 'anma 'a Dios, atn eb' yin̈tl Aarón, to tzyac' eb' xajmb'al to tz'a smasnil 'a yib'n̈ yet'l xajmb'al to yic Jehová.

Job 42:8

Yuj cha, a ticnec b'i'an, 'ijec cot ucwn̈oc no quelm wacax yet' ucwn̈oc no mam calnelu, tz'at eya'n 'a win in checb' Job, ax win 'oj 'a'nc e no xajmb'al-l 'ayn eyu'uj. Ax sleslwi win eyu'uj, ax in chan slesl win cha, sec may 'oj ex wutc yuj e man̈ nab'enal, 'icha wal smoj e chani, yujto man̈ wach'c tas xeyal 'a in patic, 'icha xyutj sb'a win in checb' cha, xchi Dios.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Ez 45:23

A 'a yol uque c'u q'uin̈ cha, tz'ajxn̈ej tz'a no xajmb'al 'a wojltac an Jehová in. 'A junjn c'u, tz'ajx tz'a ucwn̈ quelm wacax yet' ucwn̈ no mam calnelu, e no may spaltail. An̈jtona', junjn no mam chiwo tz'ajx xajmb'al-l 'ayn 'a junjn c'u chi yuj stojloc mul.

Nm 22:41

Ax 'a yic sq'uin̈b'il 'a junx c'u, 'ix yi'n 'at Balac chi win Balaam. Xlajw cha, xyi'n q'ue 'a sjolm jun lum witz tzcuch Bamot-baal, yujto ata checl scamplamento eb' israel.

Nm 23:2

'Ix sb'on Balac tas 'ix yal Balaam, smol b'on eb' jun tzo'n̈ no xajmb'al chi schawn̈il, jun quelm wacax yet' jun mam calnelu chi 'a junjn yet'l xajmb'al cha.

Nm 23:29

Xlajw cha, 'ix yaln pax Balaam 'ixtc 'a winac: —B'o chan̈ uque'oc yet'l xajmb'al 'a tic, tzlajw cha, tza miln cham ucwn̈oc no quelm wacax, yet' ucwn̈oc no mam calnelu, xchi.

Nm 23:30

'Ix sb'o Balac 'icha wal xyutj Balaam yalni, jun quelm wacax yet' jun mam calnelu, 'ix ya'n q'ue 'a yib'n̈ junjn yet'l xajmb'al cha.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

San Judas 1:11

Caw 'oltac wal eb', yujto lajnn̈ej tzyutj eb' sb'eyb'al 'icha win Caín. Yujn̈ej tumin, tzchon̈n 'at sb'a eb', 'icha yutjnac sb'a win Balaam. 'Icha win Coré, milxnac chamoc, yujto cob' ya'jnac owl yet' Dios, 'ixta 'oj 'aj eb' smilx cham jun xo.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.