Nm 12:5 - Chuj San Sebastian Bible

⁵ Ax Jehová, 'ix 'eml 'a scal jun 'asn 'ix 'och oyn 'a sti Mantiado cha. Yajn̈j cha, 'ix 'awj 'a Moisés, 'a Aarón yet' 'a María, yic xc'och eb' 'a yojltac Jehová,

Chuj San Mateo Bible

⁵ Ix lajvi chi' ix emul Jehová d'a scal jun nivan asun, ix och moyan d'a sti' scajnub' chi', ix avtaj vin̈aj Aarón yed' ix María chi' yuuj. Axo ix c'och eb' d'a yichan̈, ix yalan icha tic:

Nm 12:5 Iomraidhean Croise

Salmos 99:7

A Dios 'ix sc'umj sb'a yet' eb' 'anma chi 'a scal jun topn̈ 'asun, 'ix syiclni eb' jun tzo'n̈ schecnb'il yet' sley xya'cn 'a eb'.

Ex 19:9

'Ix yaln Jehová 'ixtc 'a 'a: —A ticnec, an Jehová in, 'oj in ch'ox in b'a 'aych 'a scal jun niwquil q'uic' 'asun, ax in paxtin et'oc. 'Oj yab' eb' 'anma chi tas 'oj wutc paxtinc in b'a et'oc, sec 'ixta 'oj ach yutc eb' ach ya'n 'och 'a sc'ojol, ticnec yet' 'a smasnil tiempo, xchi Dios. 'Ix yaln pax Moisés tas xyutj eb' chon̈b' yaln 'a 'a.

Ex 34:5

Ax Jehová 'ix 'eml 'a scal jun 'asn 'a stz'ey Moisés 'a sjolm lum witz cha, atnta 'ix yal Jehová sb'i 'a winac.

Ex 40:38

A yic 'aych eb' israel 'a yol b'e, a jun 'asn yic Jehová 'aych 'a yib'n̈ scajnub', a tzyil eb' 'a c'ual, ax 'a 'ac'wal, a sc'aq'uil, a tz'i'n b'ey eb'.

Nm 11:25

Xlajw cha, 'ix 'eml Jehová 'a scal jun 'asun, 'ix syamn 'och spaxtin yet' Moisés cha. A yic cha, 'ix yi'n 'el jac espíritu 'aych 'a Moisés, ax 'a eb' 70 yichm wincal israel cha, axta 'ix ya'cn 'ochi. Yuj cha, 'ix syamn 'och eb' spaxtin 'icha junc schecb' Dios. Palta cojn wal jun 'ejm 'ix paxtin eb' 'ixta', man̈x 'ic yal eb' jun 'ejm xo.

Nm 12:4

Yuj cha, yajn̈ej 'ix yaln Jehová 'ixtc 'a Moisés, 'a Aarón yet' 'a María: 'Ixquec eyoxwn̈il 'a yol Mantiado 'aj tzin chaj in b'a eyet'oc, xchi. Cojn wal cha, 'ix 'at eb' yoxwn̈il.