Nm 1:5 - Chuj San Sebastian Bible

^5-15 Atn sb'i jun tzo'n̈ eb' yajl tic 'oj colwjoc eyet'oc: 'A yin̈tl Rubén, atn Elisur yunnal Sedeur; 'a yin̈tl Simeón, atn Selumiel yunnal Zurisadai; 'a yin̈tl Judá, atn Naasón yunnal Aminadab; 'a yin̈tl Isacar, atn Natanael yunnal Zuar; 'a yin̈tl Zabulón, atn Eliab yunnal Helón; 'a eb' yin̈tl José, 'a eb' yic Efraín, atn Elisama yunnal Amiud; ax 'a eb' yic Manasés, atn Gamaliel yunnal Pedasur; 'a yin̈tl Benjamín, atn Abidán yunnal Gedeoni; 'a yin̈tl Dan, atn Ahiezer yunnal Amisadai; 'a yin̈tl Aser, atn Pagiel yunnal Ocrán; 'a yin̈tl Gad, atn Eliasaf yunnal Deuel; ax 'a yin̈tl Neftalí, atn Ahira yunnal Enán, xchi Dios.

Chuj San Mateo Bible

^5-15 Aton sb'i juntzan̈ eb' yajal yovalil scolvaj ed'oc tic: A d'a yin̈tilalcan vin̈aj Rubén, aton vin̈aj Elisur yuninal vin̈aj Sedeur. A d'a yin̈tilalcan vin̈aj Simeón, aton vin̈aj Selumiel yuninal vin̈aj Zurisadai. A d'a yin̈tilalcan vin̈aj Judá, aton vin̈aj Naasón yuninal vin̈aj Aminadab. A d'a yin̈tilalcan vin̈aj Isacar, aton vin̈aj Natanael yuninal vin̈aj Zuar. A d'a yin̈tilalcan vin̈aj Zabulón, aton vin̈aj Eliab yuninal vin̈aj Helón. A d'a eb' yin̈tilalcan vin̈aj José, a d'a eb' yic vin̈aj Efraín, aton vin̈aj Elisama yuninal vin̈aj Amiud, a d'a eb' yic vin̈aj Manasés, aton vin̈aj Gamaliel yuninal vin̈aj Pedasur. A d'a yin̈tilalcan vin̈aj Benjamín, aton vin̈aj Abidán yuninal vin̈aj Gedeoni. A d'a yin̈tilalcan vin̈aj Dan, aton vin̈aj Ahiezer yuninal vin̈aj Amisadai. A d'a yin̈tilalcan vin̈aj Aser, aton vin̈aj Pagiel yuninal vin̈aj Ocrán. A d'a yin̈tilalcan vin̈aj Gad, aton vin̈aj Eliasaf yuninal vin̈aj Deuel. A d'a yin̈tilalcan vin̈aj Neftalí, aton vin̈aj Ahira yuninal vin̈aj Enán, xchi Dios.

Nm 1:5 Iomraidhean Croise

1 Cr 27:16

Ax eb' yajl yaj 'a yib'n̈ junjn macn̈ eb' yin̈tl Israel atn eb' tic: a Eliezer yunnal Zicri, a yajl yaj 'a yib'n̈ eb' yin̈tl Rubén, ax 'a eb' yic Simeón, atn Sefatías yunnal Maaca;

Nm 10:14

Ax eb' soldado 'et'jnac sbandera Judá, a eb' b'ab'el; a Naasón yunnal Aminadab a 'aych syajlilc eb'.

Nm 10:18

'Ixta to b'i'an, 'ix cot eb' soldado 'et'jnac sbandera Rubén; a Elisur yunnal Sedeur a 'aych syajlilc eb'.

Nm 2:10

Ax 'a stojlal sur, ata 'oj 'aj scamplamento eb' soldado 'et'jnac sbandera eb' yin̈tl Rubén. A eb' soldado 'a yin̈tl Rubén cha, a Elisur yunnal Sedeur a 'aych syajlilc eb', a sb'isl eb' 'ay 46,500 soldado.

Nm 2:3

A 'a stojlal 'aj tzq'uel c'u, ata 'oj 'aj scamplamento eb' soldado 'et'jnac sbandera eb' yin̈tl Judá. A Naasón yunnal Aminadab a 'aych syajlilc eb' soldado 'a yin̈tl Judá, a sb'isl eb' 'ay 74,600 soldado.

Nm 7:12

'A yic b'ab'l c'u, 'ix yij cot Naasón win yunnal Aminadab yofrenda, win yajl yaj 'a eb' yin̈tl Judá. 'A schab'l c'ual, 'ix yij cot Natanael win yunnal Zuar yofrenda, win yajl yaj 'a eb' yin̈tl Isacar. 'A yoxl c'ual, 'ix yij cot Eliab win yunnal Helón yofrenda, win yajl yaj 'a eb' yin̈tl Zabulón. 'A schan̈l c'ual, 'ix yij cot Elisur win yunnal Sedeur yofrenda, win yajl yaj 'a eb' yin̈tl Rubén. 'A yol c'ual, 'ix yij cot Selumiel win yunnal Zurisadai yofrenda, win yajl yaj 'a eb' yin̈tl Simeón. 'A swacl c'ual, 'ix yij cot Eliasaf win yunnal Deuel yofrenda, win yajl yaj 'a eb' yin̈tl Gad. 'A yucl c'ual, 'ix yij cot Elisama win yunnal Amiud yofrenda, win yajl yaj 'a eb' yin̈tl Efraín. 'A swajxquil c'ual, 'ix yij cot Gamaliel win yunnal Pedasur yofrenda, win yajl yaj 'a eb' yin̈tl Manasés. 'A sb'aln̈il c'ual, 'ix yij cot Abidán win yunnal Gedeoni yofrenda, win yajl yaj 'a eb' yin̈tl Benjamín. 'A slajn̈il c'ual, 'ix yij cot Ahiezer win yunnal Amisadai yofrenda, win yajl yaj 'a eb' yin̈tl Dan. 'A yuxlchil c'ual, 'ix yij cot Pagiel win yunnal Ocrán yofrenda, win yajl yaj 'a eb' yin̈tl Aser. Ax 'a slajchwil c'ual, 'ix yij cot Ahira win yunnal Enán yofrenda, win yajl yaj 'a eb' yin̈tl Neftalí. Lajnn̈ej yofrenda junjn eb' 'ix yac'a, atn jun tzo'n̈ tic: Q'uen plato b'ob'il yet' plata, 1,430 gramos yal-l junjn eb' q'ue'en, xalu b'ob'il yet' plata, 770 gramos yal-l jun jun, (a tzyal 'echtab' tzc'anlb'ax 'a scajnub' Dios). A jun tzo'n̈ cha, b'ut'n yet' 'ixm harina caw wach', calb'il yet' aceite, a chi xyac' eb' yofrendaoc. 'Ix ya'n pax eb' junjn niwquil cuchara nab'a oro, 'ay 110 gramos yal-l jun jun, b'ut'n yet' incienso, yet' pax junjn no quelm wacax, junjn no mam calnelu, junjn no quelm calnelu jun ab'il sq'uinl tz'ajx tz'a xajmb'alil, yet' junjn no mam chiwo yic tz'ajx no xajmb'al-l yuj mul. Ax 'a slajub', xya'n pax eb' no xajmb'al yic junc'ojlal: Chatcwan̈ no mam wacax, otcwan̈ no mam calnelu, otcwan̈ no mam chiwo, yet' pax otcwan̈ no quelm calnelu junjn ab'il sq'uinal. Lajnn̈ej sb'isl no xyac' junjn eb'.

Nm 7:2

Ax eb' yajl yaj 'a junjn macn̈ 'in̈tal eb' israel, atn eb' colwjnac yi'n q'ue wan sb'isl ewin yit chon̈b' cha,