Nm 1:3 - Chuj San Sebastian Bible

³ Tz'el yich sb'isx eb' 'a junc'l ab'il sq'uinal yet' 'a yojltac, atn eb' smoj yoch soldadoil, macquixtac tz'aj eb'. Colwj cab' Aarón et'oc,

Chuj San Mateo Bible

³ Sb'ischaj eb' 20 ab'il sq'uinal, sb'eyn̈ejb'ati, aton eb' smoj val sb'at d'a oval, tz'ac'chajoch eb' d'a macquiltaquil. Colvajocab' vin̈aj Aarón ed'oc,

Nm 1:3 Iomraidhean Croise

A Ch'an̈ Schab'l Libro Samuel 24:9

'Ix ya'n win Joab sb'isl eb' soldado 'a junjn chon̈b' 'a win rey cha, ax x'aji, 'ay wajxque ciente mil winc 'a eb' israel, eb' to smoj yoch 'a owal, 'ay pax junx o'e ciente mil winc 'a Judá.

1 Cr 5:18

A eb' yin̈tl Rubén, yet' eb' yic Gad, yet' pax spacl eb' yic Manasés, 'ay 44,760 eb' soldado caw tec'an. Yet' eb' smacnb'il sat jul-lab', yet' eb' yespada, yet' eb' jul-lab'. Caw matz xiw eb', cuywnac eb' ya'n owal.

2 Cr 25:5

Xya'n Amasías chi syam sb'a smasnil eb' winc yic yin̈tl Judá, yet' eb' yic yin̈tl Benjamín, eb' junc'l ab'il sq'uinal yet' 'a yojltac. 'Ix 'ajx syam sb'a junjn macn̈ eb', a tzyal yin̈til eb'. X'ajx 'och eb' yajl 'a yib'n̈ junjn mil yet' 'a yib'n̈ junjn ciente. A x'aj sb'isl eb', 'ay 'oxe ciente mil eb' soldado lista yaj s'at 'a owal, tztac' sc'anlb'an eb' lanza yet' smacl sat jul-lab'.

Ex 12:17

Yowlal tzeyiclj jun q'uin̈ yic 'ixm pan may yich, yujto a 'a yic jun c'u cha, ata 'oj ex wic' 'elt e masnil 'a yol yic Egipto tic. Junjn ab'il tze nan jun q'uin̈ cha; ley tz'ajcn jun chi 'ayex, 'oj syiclcn̈ej eb' eyin̈tl b'aq'uin̈.

Ex 30:14

Smasnil eb' junc'l ab'il sq'uinal yet' 'a yib'an̈, atn eb' tic tz'a'n jun tumn chi 'ayin.

Ex 38:26

Smasnil eb' winc 'ix yac' tz'ib'xoc sb'a, eb' 'ayx junc'l ab'il sq'uinal yet' 'a yojltac, a sb'isl eb', 'ay 603,550 eb' 'a smasnil. Junjn eb' winc cha, 'ix yac' eb' nan̈l swacl gramo q'uen plata, 'ixta 'ix 'aj q'uen yechtax 'a 'echtab' tzc'anx 'a scajnub' Dios.

Nm 14:29

Smasnil mach 'ec'b'alx sq'uinl 'a junc'l ab'il, atn mach xyac' tzib'xoc sb'a yic sq'ue wan e b'isul, atn eb' chi tu xyutj yaln 'ayin, 'oj cham eb' chi smasnil, 'oj laj can t'ocn sniwnal eb' 'a lum cusltac lum tic.

Nm 26:2

'Ijec chan̈ sb'isl junjn macn̈il eb' winc israel tic, eb' to 'ay sq'uinl 'a junc'l ab'il yet' 'a yojltac, eb' smoj yoch soldadoil, xchi.

Nm 3:15

'Ij q'ue wan sb'isl eb' levita, a tzyal smacquixtacl yaj yin̈tl eb', tz'el yich 'a eb' jun 'ujl sq'uinal yet' 'a yojltac, xchi Dios.

Nm 32:11

A eb' 'anma 'ay sjunc'lil ab'il sq'uinal yet' 'a yojltac, eb' 'elncta wuj 'a Egipto, ma'oj yil eb' lum lum 'aj wa'jnac in ti wa'n 'a Abraham, 'a Isaac yet' 'a Jacob, yujto man̈ tojloc xyutj sb'a eb' 'ayin.

Nm 33:1

'Ixtc wal x'aj sb'ey cot eb' israel yic 'ix 'elt eb' 'a Egipto, stzol-l x'aj eb' scoti. A Moisés yet' Aarón, a eb' xjucb'tzan eb'.

Nm 4:3

Tz'el yich 'a eb' 30 ab'il sq'uinal, tzc'och 'a eb' 50 ab'il. A eb' tic smoj ya'w servil 'a in Mantiado 'aj tzin chaj in b'a eyet'oc.

Dt 24:5

Toto 'ay junc winc tot nupnnac yet' yistzil, matz tac' s'at 'a owal, matz tac' pax yoch win 'a junc xo 'opisoal, libre tzcan win junc ab'il 'a yatut, yic tzya'n win tzaljoc sc'ojl yet' yistzil cha.

Dt 3:18

A 'a jun tiempoal cha, ata xwalcn jun tzo'n̈ checnb'il tic 'a eb' yin̈tl Rubén, 'a eb' yin̈tl Gad, yet' 'a spacl eb' yin̈tl Manasés. 'Ix waln 'a eb' 'ixtic: A Jehová qui Diosalec, a tz'a'n jun lugar tic eyico'oc. Jantcn̈ej ex to tztac' eya'n owal, 'ijec eyamc'ab' yic owl cha, tzlajw cha, tzex b'ab'lj yuj eb' quit israelal tic.