Nehemías 13:1 - Chuj San Sebastian Bible

¹ A 'a yic jun tiempoal cha, 'ix 'awtx ch'an̈ libro yic Moisés yab' eb' chon̈ab'. X'ilchj 'a ch'an̈ chajtlto a eb' amonita yet' eb' moabita, may b'a'n̈ tztac' yoch eb' 'a scal eb' schon̈b' Dios

Chuj San Mateo Bible

¹ A d'a jun tiempoal chi', ix avtaj ch'an̈ ley Moisés yab' eb' anima. Ix ilchaj yuj eb' d'a ch'an̈ to a eb' amonita yed' eb' moabita malaj b'aq'uin̈ syal yaj eb' d'a scal eb' schon̈ab' Dios,

Nehemías 13:1 Iomraidhean Croise

Nehemías 9:3

Ya' sb'a lin̈n chan̈ eb' 'a yet'l cha, 'oxe hora 'ix 'awtx ch'an un̈ yic sley Jehová Dios 'a sat eb', ax 'a junx 'oxe hora, ata xyal q'uet eb' smul, xyaln sb'a' eb' 'a Jehová.

Nehemías 13:23

An̈jtona', a 'a yic jun tiempoal cha, xwiln paxi to 'ay eb' wit israelal xyij sb'a yet' eb' 'ix 'aj Asdod, eb' 'ix 'aj Amón yet' eb' 'ix 'aj Moab.

A Ch'an̈ Schab'il Libro Yic Yab'ixal Eb' Rey 23:2

A yic 'ix jaw eb' 'ix 'at win rey 'a yatut Jehová yet' smasnil eb' 'anma 'ay 'a Judá, yet' eb' 'ay 'a Jerusalén, yet' eb' ya'mal 'och sti eb' 'anma 'a Dios, yet' eb' schecb' Dios, yet' smasnil eb' 'anma 'a jun nacion̈ cha, eb' may yel'chi, yet' eb' niwn yel'chi. A yic yamn xo eb' 'anma smasnil 'ix ya'n win rey 'awtxoc ch'an̈ slibroal trato x'ilchj 'a yatut Jehová.

A Tas Sc'ulejnac Eb' Schecab' Jesús Hechos 15:21

Tzwal 'ixta', yujto 'a yictax pecti', 'ay eb' tz'awtn 'elt ley yic Moisés 'a junjn scapiya eb' quit israelal. An̈jtona ticnec, an̈ja yaln 'el eb' 'a junjn sc'ul 'iljelal, xchi Jacobo 'a eb'.

A Tas Sc'ulejnac Eb' Schecab' Jesús Hechos 13:15

Ata x'awtx ley yic Moisés, yet' jun tzo'n̈ tas tz'ib'b'il can yuj eb' schecb' Dios pecti'. Xlajw cha, ax eb' yajl yaj 'a capiya cha, 'ix ya'n eb' yal jun winc 'ixtc 'a Pablo yet' 'a Bernabé: —Ex wit chon̈ab', toto 'ay junc tas tze nib'j tzeyac' scuy eb' 'anma', tztac' eyaln 'el ticnec, xchi.

Lc 10:26

—¿Tas tz'ib'b'il can 'a ley yic Moisés? ¿Tas xchi ta tzela? xchi Jesús 'a winac.

Am 1:13

A Jehová tzaln 'ixtic: A wal eb' 'aj Amón, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Yujn̈ej snib'n eb' yi' jacx slum, yuj cha, xlaj stecnc 'elt eb' yolsc'ojl eb' 'ix 'ix yet'x yune cajn 'a yol yic Galaad.

Jeremías 48:1

A Jehová tztac' yuj smasnil, atn sDiosal Israel, a 'ix aln 'ixtc 'a yib'n̈ chon̈b' Moab: ¡'Oltac wal chon̈b' Nebo, caw 'ix lan̈chj 'ejmi! An̈jtona pax chon̈b' Quiriataim, tox 'ix 'ajx ganar, caw 'ix 'ijx 'ejmi. Tox 'ix ma'x 'ejm lan̈chjoc smuroal 'a sat lu'um.

Is 34:16

Sayc eyil 'a ch'an̈ libro yic Jehová, 'awtjec ch'an̈ 'aj tzyal 'ixtic: A smasnil no noc' tzb'inax tic, may junc no man̈ 'ayc 'ec' ta', may junc no to may no snun 'ayc' yet'oc, yujto a Jehová 'ix nani, to 'ixta 'oj 'aj smolb'tzan sb'a e no yuj Yespíritu Dios.

Nehemías 4:3

'Ayc' pax Tobías win amonita 'a stz'ey, xyaln 'ixtic: A jun tzo'n̈ q'uen tzya'ch eb' muroal tic, q'uinloc tzq'ue lin̈n junc no wax 'a yib'an̈, yajn̈ej tz'el lan̈njoc ste'n 'el no', xchi.

Nehemías 2:19

Palta ax yic xyab'n Sanbalat yet' Tobías cha, yet' pax Gesem win árabe, caw 'ix b'uchjw eb' 'ayn̈ on̈, man̈x 'a quel'ch 'a eb' on̈, xyaln eb' 'ixtic: —¿Tas 'oj e b'o'? ¿Tom tze nib'j tzeyac' tu nab'enal 'a win rey? xchi eb'.

Nehemías 2:10

Palta 'ay chawn̈ eb' yajal, atn Sanbalat 'aj Horón yet' Tobías yajl yaj 'a eb' 'aj Amón, a yic 'ix yab'n eb' to in c'och colwjoc 'a eb' wit israelal cha, ma'ix schaj sc'ojl eb'.

Nm 22:5

Yuj cha, 'ix 'at ya'nc win Balac cot jun win 'ay tas tztac' yu'uj, atn Balaam, win yunnal Beor. Ata cajn win 'a jun lugar tzcuch Petor, 'a sla'nil sti a Éufrates 'a yol smacb'en Amav. 'Ix ya'n 'at Balac jun tzo'n̈ schecb' 'a Balaam cha, yic tz'at yalnc eb' 'a 'ixtic: A 'a Egipto, ata 'ix cot jun chon̈b'al eb' 'anma', ax ticnec 'ix b'ut'j 'ejm eb' 'a sat in lu'um, 'ix jaw eb' 'a in tz'ey.

Nehemías 8:2

A win Esdras cha, ya'mal 'och sti eb' 'anma yaj win 'a Dios. 'Ix yi'n cot win ch'an̈ ley 'a sat eb' 'anma yamn yaj cha, 'a b'ab'l c'u yic yucl 'uj. Ata syam sb'a smasnil eb' winac, smasnil eb' 'ix 'ix, yet' smasnil eb' 'unn tzax nachj 'el yu'uj.