Nahúm 3:3 - Chuj San Sebastian Bible

³ 'Ay q'ue eb' soldado 'a yib'n̈ chej tz'ec' eb'. Caw tzcopmj yespada eb' yeq'ui. Tzictzni yilx q'uen lanza. Smil-l xo sb'isl eb' x'ejmi, b'ulctac xoj yaj eb' chamnac. Man̈x yalnb'ilc niwnal t'ocq'uixtac yaji. Tzlaj can locn yoc eb' 'anma 'a eb'.

Chuj San Mateo Bible

³ Tz'ilchaj yec' noc' chej. Toxon̈ej copoljub' yec' sc'ac'al q'uen espada tz'eq'ui. Scopoljub' yilji sn̈i' q'uen lanza. Man̈xo b'ischajb'enoc eb' soldado schami. Toxon̈ej cuchcumb'a yajcan snivanil eb' chamnac chi'. Toxon̈ej sloc sb'a yoc eb' anima d'ay.

Nahúm 3:3 Iomraidhean Croise

Gn 3:24

Xlajw yelt can eb' 'anma chi yuj Dios, 'ix ya'n can 'och jun tzo'n̈ eb' querubín 'a stojlal 'aj tzq'uel c'u 'a Edén, yet' jun q'uen espada tzictzni yel sc'aq'uil yic tz'ec' oyyoc, sec wach' man̈x 'a junc mach tztac' yochi, yic tzlon sat te te tz'a'n q'uinl cha.

A Ch'an̈ Schab'il Libro Yic Yab'ixal Eb' Rey 19:35

A 'a yic jun 'ac'wl cha, 'ix xit' jun yángel Jehová smil cham 185 mil eb' soldado asirio 'a scamplamento, ax yic sacb' 'el 'a junx c'u, chamnc xo eb' soldado chi smasnil.

Is 34:3

'Oj 'actxoc can b'uln eb' chamnc cha, til wal stul 'oj 'ec' sjab' jun tzo'n̈ niwnal cha, 'icha wal sb'ey eb' a a', 'ixta 'oj b'ey chic' 'a eb' lum jolmctac witz.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Is 66:16

A Jehová, 'oj sb'eyc'ojloc smasnil 'anma 'a yolyib'n̈q'uinl tic yet' c'ac' mto yet' owal, til wal 'anma 'oj cham yuj jun tzo'n̈ cha.

Ez 39:4

'Oj lajwc cha, ax ach wa'n 'a yol sc'ab' chaml yet' eb' a soldado yet' pax smasnil eb' yic jun tzo'n̈ xo nacion̈ ajun et'oc. 'Oj a chamcn yet' eb' 'a lum jolmctac witz cha, ax no 'usej yet' smasnil e no calte'al noc' 'oj a chin yet' eb'.

Lv 26:37

Mun 'oj laj stenlac sb'a eb' s'at 'eloc, 'icha to tz'at eb' 'elc 'a junc owal, wach'xam may mach tzpechn eb'. May xon junc eb' 'oj ste'wtzoc sb'a 'a yojltac eb' 'ajc'ojl cha.

Nahúm 2:4

Man̈x yalnb'ilc yec' scaruaje eb' 'a yoltc caye, can oyn yec' eb' 'a spatquil 'el chon̈ab', lajn wal yilx 'icha cantil 'aych sc'aq'uil, lajn yec' eb' 'icha letz'lo'om.

Habacuc 3:11

Ax c'u yet' 'uj, 'ix 'och wan eb' sb'eyi, yic 'ix 'elt jupljoc a jul-lab' cha, caw 'ix q'ue wan jupljoc a lanza.