Nahúm 2:1 - Chuj San Sebastian Bible

¹ Ex soldado 'aj Nínive, wan scot jun mach 'oj satn 'el e chon̈ab'. Q'uen̈ec 'a sjolm e cuartel. Macwjan̈ec. Jalc 'och eyespada 'a e nan̈al. Molb'tzej e b'a e masnil.

Chuj San Mateo Bible

¹ Ex aj Nínive, a mach ol ex sataneloc, vanxo sjavi d'ayex. Q'ueocab' eb' e tan̈vumal d'a chaan̈, maquec b'e. Tzeq'uecoch q'uen eyespada d'a e nan̈al. Molb'ejec masanil eb' e soldado.

Nahúm 2:1 Iomraidhean Croise

2 Cr 25:8

Wach'xam tza na'a, to a yet' scolwal eb' chi 'ay yip eb' a soldado ya'n owal, a Dios 'oj ach 'a'nc 'ajxc ganar 'a sat eb' 'ajc'ojol, yujto a Dios 'ay spoder scolwji, 'ay pax spoder ya'n lajwoc, xchi.

Salmos 50:14

A 'e xajmb'al tzin nib'ej, atn alj wach' paxti 'ayin. 'A'c 'el'choc e ti tzeyac' 'ayn an Dios in tic, to caw niwn wel'chi.

Salmos 65:2

Smasnil 'anma tzjaw 'ayach, yujto tzab'n̈j slesl eb'.

Is 14:6

atn win tz'a'n 'och syailal eb' nacion̈ yet' yowl sc'ojol. Toxn matz 'och wan win yixtn eb' 'anma', 'oltac wal tz'ec' eb' 'anma yuj yowl sc'ojl winac, toxn matz 'och wan win spechn b'eyc'oc eb'.

Is 29:7

Smasnil jun tzo'n̈ chon̈b' man̈x yalnb'ilc sb'isl cha, atn eb' tzyac' owl yet' jun chon̈b' tzcuch Yet'l Xajmb'al. 'Oj 'och oyn eb' 'a 'a, yic tzma'n lan̈chjoc eb' smuroal snani. A eb' cha, lajn 'oj 'aj eb' 'icha junc mach 'ay swejel yic tzwaycni.

Is 29:8

A 'a 'ac'wl cha, tzwaychej swa'i, ax tz'el swayn̈ 'a jun rato cha, caw 'ayt swejel. Lajn pax 'icha junc mach tzcot stacn̈til 'a 'ac'wal, tzwaychej yu'n tas tzyuq'uej, ax tz'el swayn̈ cha, caw 'ayt stacn̈ti'al, tacn̈tzuynac yol sjaj. 'Icha jun 'anma cha, 'ixta 'oj 'aj smasnil jun tzo'n̈ chon̈b' chi 'oj yac' owl 'a tzaln Sión.

Is 52:7

Til wal sja'l yilxi yic tzjaw junc win alm 'ab'x 'a eb' lum tzalctac, junc 'et'jnac wach' 'ab'ix, atn yab'xil junc'ojlal, tzyaln 'el yab'xil colnb'il yic tz'el eb' 'anma 'a libre, tzyaln 'ixtc 'a yib'n̈ eb' 'aj Sión: A 'e Diosal x'och reyal, xchi.

Jeremías 25:9

yuj cha, 'oj wawtc cot smasnil eb' chon̈b' 'ay 'a stojlal norte, yet' pax in checb' Nabucodonosor sreyl chon̈b' Babilonia, yic wach' tzjaw eb' yac' owl 'a jun chon̈b' tic, yet' 'a smasnil jun tzo'n̈ xo nacion̈ 'ay 'a stz'ey, yet' smasnil eb' cajn 'a 'a. 'Oj in satl eb' smasnil. Jun 'ejmn̈ej 'oj wac' lajwc 'ejm eb'. Ax eb' 'oj 'ilnc eb', 'oj xiw eb' yuj eb', 'oj b'uchxoc eb' yuj eb'.

Jeremías 50:23

A Babilonia, mac'b'il poj smasnil yolyib'n̈q'uinl yu'uj. Ax ticnec, a 'oj ma'xoc pojoc, choc' 'oj 'ajcni. Caw tu 'oj yab' smasnil eb' nacion̈ yic 'oj yilnc 'och eb' yuj tas 'oj 'ajcn Babilonia cha.