Nahúm 1:7 - Chuj San Sebastian Bible

⁷ Caw wach' snab'en Jehová, colnb'il yaj 'a yic 'ay junc yailal. A eb' tzya'ch sc'ojl 'a 'a, caw tzcolx eb' yu'uj.

Chuj San Mateo Bible

⁷ Te vach' sc'ol Jehová, a scolvaj d'ayon̈ d'a scal co yaelal. A eb' syac'och sc'ol d'ay, scolji eb' yuuj.

Nahúm 1:7 Iomraidhean Croise

1 Cr 16:34

Calc yuj diosal 'a 'a, yujto wach' snab'en, may b'a'n̈ tzlajw schamc'ojlal.

1 Cr 5:20

'Ix 'och Dios yet' eb', yuj cha, 'ix 'ajx ganar eb' agareno yet' eb' 'aych yet' eb'. 'Ix can eb' 'a yol sc'ab' eb', yujto a yic wan ya'n eb' owl cha, 'ix sc'an eb' scolwal Dios. 'Ix colwj Dios yet' eb', yujto 'ix ya'ch eb' sc'ojl 'a 'a.

2 Cr 13:18

Yuj cha, caw 'emmquilal xoj xyutj sb'a eb' israel 'a yic jun tiempoal cha. A eb' yic Judá caw xyac' ganar eb' 'a yib'n̈ eb' cha, yujto xya'ch eb' sc'ojl wal 'a Jehová, atn sDiosal eb' yet' eb' smam yicham.

2 Cr 32:11

Toto tzyal Ezequías 'ayex, to a Jehová e Diosal 'oj e coln 'el 'a yol in c'ab' an sreyl eb' asirio tic, toto 'ixta', ton̈j tzex yixtj paxti', 'oj e cham yuj wejel, yet' tacn̈tial.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

2 Cr 32:8

A win cha, a eb' soldado 'aych yipc sc'ojol, palta an̈ec xo tic, a Jehová qui Diosalec, a 'aych quet'ec. A 'oj colwjc quet'ec yic 'oj ca'nec owl cha, xchi 'a eb'. Ax eb' chon̈b' cha, caw x'och ste'nal eb' yic xyab'n eb' tas xyal rey Ezequías cha.

Esdras 3:11

'Ay mach tzb'itni yuj yaln wach' paxti', 'ay pax mach tzaln 'ixtic: Calc yuj diosal 'a Jehová, yujto caw wach' snab'en, yujto a schamc'ojlal 'ayn̈ec an̈ israel on̈c tic, may b'a'n̈ 'ay slajub', xchi eb'. Ax smasnil eb' chon̈ab', caw wal tzalj eb' yaln wach' paxti 'a Jehová, yujto 'ix 'el yich jun munljel cha.

Salmos 1:6

A Jehová a tztan̈wni eb' tojl sb'eyb'al, palta ax pax eb' tu sb'eyb'al, wan s'atcn eb' 'a syailal.

Salmos 100:5

Yujto a Jehová caw wach' snab'en; a schamc'ojlal may xon slajub'. Tzyac' 'el'chocn̈ej sti ya'jnac can 'ayn̈ec.

Salmos 20:1

Mamin rey, yab' cab' Jehová a lesal yic 'aych 'och 'a somc'ojlal; a cab' qui Diosal an̈ yin̈tl on̈ Jacob tic tzach colni.

Salmos 25:8

Mamin Jehová caw wach' a nab'en, tojln̈ej ach paxi; yuj cha, tza tojlb'tzej sb'eyb'al eb' tzb'on maysch'olnil,

Salmos 27:5

Yujto a yic 'oj jawc yailal 'a wib'an̈, a 'oj in c'ub'n 'el 'a yatut. 'Icha to 'oj in yac' q'ue 'a sjolm junc niwquil tenam, yic tzin colchji.

Salmos 37:39

A Jehová a tzcolwj yet' eb' 'anma tojl snab'en; a yic tzjaw yailal 'a yib'n̈ eb', a 'a tzcol sb'a eb'.

Salmos 37:40

A 'oj colnc 'el eb', 'oj colxoc can 'el eb' yuj 'a yol sc'ab' eb' maysch'olnil, yujto a 'aych yipc sc'ojl eb'.

Salmos 46:2

Yuj cha, wach'xam tzicb'tan̈x lum lum tic, mto tzpax 'ejm jun tzo'n̈ witz tic 'a yich a mar,

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 59:16

Palta an xo pax tic Mamin, 'oj ach in b'itnoc 'a caw sq'uin̈b'ilto. 'Oj walcn 'el a chamc'ojlal yet' in b'it, yuj pax smasnil tas tztac' o'oj. Yujto a 'aych tzin col in b'a 'a yic stiempoal 'ay in yailal, 'icha to wen̈l aji.

Salmos 71:3

'Ochn̈ wen̈loc 'icha junc n̈aq'ue'en, an̈j 'aych tzin col in b'a 'a junjn 'ejem. Ach aljnac to tzin a col-li, yujto 'icha cuartel, 'ixta aj 'ayin.

Salmos 86:7

A yic 'ayn 'och 'a in yailal, tzwaln in b'a 'ayach, tzwilni to tzin a ta'wjn̈ej.

Salmos 9:10

A eb' tox ach 'ojcan 'eli, 'aych 'och yipc sc'ojl eb', may b'a'n̈ tzactj can eb' tzc'ann a colwal.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

Jeremías 17:17

Man̈ in a'ch 'a xiwc'ojlal, yujto a 'aych tzin col in b'a yic 'ayn 'och 'a in yailal.

Jeremías 24:5

An Jehová in, e Diosal in ax israel ex tic, an tzwala: 'Icha wal jun tzo'n̈ sat higo caw wach' cha, 'ixta yaj eb' 'aj chon̈b' Judá 'a in sat, atn eb' xwa't 'icha presoal 'a Babilonia. Caw wach' 'oj wutc in b'a 'a eb'.

Jeremías 33:11

Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Lm 3:25

Caw wach' Jehová 'a eb' to tzya'ch sc'ojl 'a 'a, atn eb' tzya'ch sb'a 'a yol sc'ab'.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Dn 6:23

Yuj cha, caw stzalj chan̈ win rey chi si'mb'il, xya'n win 'ijxoc q'uet Daniel chi 'a yol yet'l e no león cha. Ax yic xq'uel yuj eb', 'ix yiln eb' caw may jac tas lajwnac 'a 'a, yujto xya'ch sDiosal yipc sc'ojol.

Jl 3:16

'Icha wal sc'an̈ c'u, 'ixta wal 'oj 'ab'xoc in jaj an Jehová in 'a lum tzaln Sión 'a Jerusalén. Ax satcha'an̈ yet' lum lum tic, caw 'oj 'ib'xoc eb'. Palta an 'oj in colcn eb' in chon̈ab', atn eb' israel.

Sofonías 3:12

Cojxn̈ej eb' 'anma tzyij 'ejm sb'a, eb' 'emmquilal yeq'ui, a eb' 'oj wac' cajnc in chon̈ab'. Cojxn̈ej 'ayn 'oj ya'ch eb' sc'ojol.

Mt 27:43

'Ix cob' ya'ch Dios yipc sc'ojol, yuj cha, colwj cab' Dios chi yet' quila', toto yel 'ay schamc'ojlal Dios 'a 'a. 'In xyala, to yunnal Dios, xchi ewinac.

Mt 7:23

Palta 'oj wal 'ixtc 'a eb': Toxn man̈ ex wojcoc. 'Eln̈ec 'a in tz'ey, yujto cojn maysch'olnil xlaj e b'o', 'oj in chic 'a eb'.

Jn 10:14

An tic, lajn in yet' junc 'ilm calnelu caw wach'. Ax eb' 'anma to yajnacx 'och sc'ojl 'ayin, 'icha in calnelu yaj eb'. A 'in Mam, yojc in. An̈jtona 'in, wojc pax in Mam cha. 'Icha wojc in b'a yet' in Mam cha, 'ixta wojc in b'a yet' eb' wic jun xo. 'Oj wac' cham in b'a yuj eb' wic cha.

Jn 10:27

A eb' wico', tzya'ch eb' schicn 'ayin. An xo tic, wojc eb'. 'Icha e no calnelu tz'och tza'n yuj yilmal, 'ixta tz'ajch tza'n eb' wu'uj.

Ro 11:22

Nachj cab' 'el eyu'uj, to niwn swach'c'ojlal Dios. Palta an̈jtona', caw 'a'm cuenta pax si'mb'il. A eb' juwnac 'el cha, caw 'ajxnac cuenta eb' yu'uj. Palta ax xo, til wal swach'c'ojlal tzch'ox 'ayex. Yowlal tzex can 'a swach'c'ojlal cha. To ma'ay, an̈jtona 'ex, 'oj eyijx pax 'el jun xo.

Gl 4:9

Al ticnec eyojc xo Dios. Yel xo wach' tzcala, a Dios tox ex 'ojcan 'eli. Yuj cha, ¿tas yuj tzex meltzj pax 'a jun tzo'n̈ b'eyb'al caw may yel'chi? ¿Tas yuj tze nib'j tzeya'x servil jun tzo'n̈ cha?

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.