Mt 9:6 - Chuj San Sebastian Bible

⁶ A ticnec, 'oj in ch'ox 'ayex, to an 'Ochnc in 'Anmal tic, 'ay in poder wa'n can lajwc smul eb' 'anma 'a yolyib'n̈q'uinl tic, xchi 'a ewinac. Xlajwn̈ej cha, xyaln 'ixtc 'a win sicb'nac 'el cha: —Q'uen wa'an, 'ijchan̈ a waynub' tic, paxn̈ 'a atut, xchi 'a winac.

Chuj San Mateo Bible

⁶ A ticnaic jun, ol in ch'ox d'ayex to a in Ac'b'il in cot yuj Dios voch animail tic, ay vopisio vac'an lajvoc smul eb' ay d'a yolyib'an̈q'uinal tic, xchi d'a eb' vin̈. Ix lajvi chi', ix yalan d'a vin̈ sicb'inaquel chi': —Q'uean̈ vaan. Ic'chaan̈ a vaynub'. Paxan̈ d'a a pat, xchi d'a vin̈.

Mt 9:6 Iomraidhean Croise

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Mt 4:24

C'uxn 'ix puccn 'el yab'xil 'a scal smasnil eb' 'aj Siria. Yuj cha, smasnil eb' ya'ay yuj tzann̈j yab'ilal, 'ix 'ijx cot eb' 'a 'a. An̈jtona yet' eb' tz'ixtx yuj ewin demonio yet' eb' tzcot owya 'a sjolom, yet' eb' sicb'nac 'eli, 'ix ya'n can b'oxc sc'ojl eb' smasnil.

Mt 8:20

Ax Jesús, xyaln 'ixtc 'a winac: —A no wa'ax 'ay yet'l no 'a yol n̈aq'ue'en, no ch'ic, 'ay yet'l no 'aj tzwayi. Palta an xo tic, wach'xam 'Ochnc in 'Anma'il, may wet'l 'aj tzin wayi, xchi 'a winac.

Mt 9:2

Ata 'ay jun winc sicb'nac 'eli. C'otn 'ec' win 'a swaynub'. 'Ay eb' 'anma x'i'n 'at win 'a Jesús. Ax 'ix yilni to xya'ch eb' sc'ojl 'a 'a, yuj cha, xyaln 'a win sicb'nac 'el chi 'ixtic: —Tzaljan̈ ach winac, tic 'ix 'ajx can lajwc a mul, xchi 'a winac.

Mt 9:5

¿'Aja junc man̈ 'ajltacc yel'ch tze na'a? Toto tzcal 'ixtic: Tic 'ix 'ajx can lajwc a mul, xqui chi: Mto q'uen̈ wa'an, b'eyan̈, xqui chi. ¿Tom 'ay junc man̈ 'ajltacoc yel'chi?

Mt 9:7

Yajn̈j wal cha, xq'ue wan winac, xpax win 'a yatut.

Mr 2:10

Palta a ticnec 'oj in ch'ox 'ayex, to an 'Ochnc in 'Anmal tic, 'ay in poder wa'n can lajwc smul eb' 'anma 'a yolyib'n̈q'uinl tic, xchi 'a ewinac. Xlajw cha, xyaln 'ixtc 'a win sicb'nac 'el cha:

Mr 2:7

¿Tas yuj tzyal jun winc tic 'ixta'? Caw tzb'uchwj win 'a Dios, may junc 'anma tztac' ya'n lajwc qui mul, cojxn Dios, xchi ewinac.

Lc 5:21

Ax ewin cuywjum 'a ley yic Moisés yet' ewin fariseo, 'ix snan ewin 'ixtic: ¿'Aj wal xyij cot sb'a winac, yuj chi tzb'uchwj win 'a Dios? Toc 'ay xon junc mach tztac' ya'n lajwc qui mul, cojxn Dios, xchi ewinac.

Jn 10:28

An tzwac' sq'uinl eb' 'a jun 'ejmn̈ej. Yuj cha, man̈x b'a'n̈ 'oj satl eb'. May junc mach 'oj stac' yi'n 'ec' eb' 'a yol in c'ab'.

Jn 17:2

Yujto ach a'jnac wopiso 'a yib'n̈ smasnil 'anma', sec wach' jantcn̈ej eb' tzac' 'ayin, tztac' wa'n sq'uinl eb' 'a jun 'ejmn̈ej.

Jn 5:27

Ya'jnac can pax in poder in b'eyc'ojlan smasnil 'anma', yujto 'Ochnc in 'Anma'il.

Jn 5:8

Yuj cha, xyaln Jesús 'ixtc 'a winac: —Q'uen̈ wa'an, 'ij chan̈ a waynub'. B'eyan̈, xchi 'a winac.

A Tas Sc'ulejnac Eb' Schecab' Jesús Hechos 5:31

A x'a'n yopiso, xyi'n 'at 'a swach' c'ab'. 'Ix ya'n 'och Cajliloc, qui Colmaloquec. Yuj cha, a Jesús, a tz'a'n qui nac qui b'a an̈ israel on̈c tic, sec tzlajw can qui mulc yu'uj.

A Tas Sc'ulejnac Eb' Schecab' Jesús Hechos 9:34

Yuj cha, 'ix yaln Pedro 'a win 'ixtic. —Eneas, tzwal 'ayach, a Jesucristo tz'a'n b'oxc a c'ojol. Yuj cha, q'uen̈ wa'an. 'Ij chan̈ a waynub', xchi 'a winac. Yajn̈j wal cha, xq'ue wan winac.

2 Co 2:10

Al ticnec, a mach 'oj eyac' niwnc'ojlal yuj junc tas, eyu'uj 'oj wac' pax niwnc'ojlal 'a 'a. Wach'xam man̈oc 'ayn tz'och smul, palta 'a sat Cristo, ax wa'n niwnc'ojlal.

2 Co 5:20

Yuj cha, schecb' Cristo caj on̈. 'Icha to caw a Dios wan stew 'at 'ayx cuj on̈. Yuj cha, caw sjel Cristo tzon̈ 'aj qui tew 'at 'ayx on̈, sec tzex can 'a junc'ojlal yet' Dios.

Ef 4:32

Caw wach' tzlaj eyutc e nab'en 'ayx junjn ex. Tzlaj 'o'ch e c'ojl 'ayex. An̈jtona', tzlaj eya'lac niwnc'ojlal 'ayx junjn ex, 'icha xyutj Dios ya'n niwnc'ojlal 'ayn̈ec yuj Cristo.

A Scarta San Pablo D'a Eb' Aj Colosas 3:13

Matz tac' qui pacnec qui b'a 'a eb'. Toto 'ay pax eb' 'ijn tzcac' owl yet'oc, yowlal tzca'c niwnc'ojlal 'a eb'. 'Icha xyutj Cristo ya'n niwnc'ojlal 'ayn̈ec, 'ixta tzcutjec qui b'a ca'n niwnc'ojlal jun xo.