Mt 9:34 - Chuj San Sebastian Bible

³⁴ Palta ax eb' fariseo 'ix yaln eb' 'ixtic: —A jun winc tic, tztac' ton yi'n 'el win ewin demonio, yujto a win syajlil ewin 'aych yet' winac, xchi eb'.

Chuj San Mateo Bible

³⁴ Palta axo eb' vin̈ fariseo ix alani: —A jun vin̈ tic, syal ton yic'anel eb' enemigo chi' vin̈, yujto a jun yajal yaj d'a eb' enemigo chi', a ayoch yed' vin̈, xchi eb' vin̈.

Mt 9:34 Iomraidhean Croise

Mt 10:25

Toto lajn tz'aj 'el'ch junc cuywum yet' scuymal, smoj ton tzalji. 'Ixta pax junc moso yet' spatron̈. An tic, 'icha 'ajn̈a in, ax xo tic, 'icha 'unnab'il ex. 'Ay eb' tzalni to Beelzebú in, yajl waj 'a eb' demonio yaln eb'. Ocxom wal 'ayx ax tic, yel xo wal tu 'oj yal eb' 'ayex.

Mt 11:18

Yujto a sb'eyb'al Juan, may tas tznib'j tzc'uxu, may tas tzyuq'uej. Yuj cha, tzyaln eb', to a win demonio 'aych 'a 'a.

Mt 12:22

'Ay jun winc x'ijx cot 'a Jesús, matz tac' yilni, matz uj spaxtin paxi, yujto 'aych jun demonio 'a 'a. Ax Jesús a 'ix 'a'n b'oxc sc'ojol, yuj cha, xb'o yilni, 'ix b'o spaxtin paxi.

Mt 12:27

Ax tic, tzeyala to yuj spoder win Beelzebú tzin pechn 'el ewin demonio cha. Palta toto 'ixta', ¿machm 'aych yet' eb' e cuywum, yic tzpechn 'el eb' ewin jun xo? Mun a eb' e cuywum chi tzch'oxn 'el e paltail.

Mr 3:22

'Ay jun tzo'n̈ ewin cuywjum 'a ley yic Moisés 'ix cot 'a Jerusalén, 'ix yaln ewin 'ixtic: A win Beelzebú a 'aych yet' Jesús. Yuj cha, tztac' ton yi'n 'el Jesús ewin demonio cha, yujto a win 'aych yet'oc, xchi ewinac. A win Beelzebú cha, a win yajl yaj 'a ewin demonio.

Lc 11:15

Palta 'ay jun tzo'n̈ eb' 'ix aln 'ixtic: A Jesús tic, tztac' ton yi'n 'el ewin demonio, yujto a win Beelzebú 'aych yet'oc, xchi eb'. (A win Beelzebú cha, yajl yaj 'a ewin demonio cha.)

Jn 3:20

Jantcn̈ej eb' tzb'on maysch'olnil, may yopiso jun sacq'uinl tic 'a sat eb'. Matz nib'j eb' tzcha'aj, yujto tzxiw eb' scheclj 'el jun tzo'n̈ maysch'olnil chi tzb'o cha.

Jn 7:20

Ax eb' 'anma chi 'ayc' ta', 'ix yaln eb' 'ixtc 'a 'a: —Ach tic, tecn 'aych junc demonio 'ayach. ¿Mach wal junc tznib'n tzach miln cham tzela? xchi eb' 'a 'a.