Mt 9:22 - Chuj San Sebastian Bible

²² Yuj cha, 'ix sutmj 'at q'uelnjoc Jesús 'a 'ix, 'ix yaln 'ixtc 'a 'ix: —Ach 'ix, tzaljan̈ ticnec, tic ach b'ox can wu'uj, yujto tzin a'ch 'a a c'ojol, xchi 'a 'ix. Yajn̈j wal cha, xb'ox can sc'ojl 'ix.

Chuj San Mateo Bible

²² Yuj chi' ix meltzajb'at q'uelan Jesús d'a ix, ix yalan d'a ix: —Ach ix, tec'tec' tzutej a b'a. Tzach b'oxican vuuj, yujto in ac'och d'a a c'ool, xchi d'a ix. D'a jun rato chi' ix b'oxican ix.

Mt 9:22 Iomraidhean Croise

Mt 15:28

Yuj cha, xyaln pax 'a 'ix 'ixtic: —Ach 'ix, tzwila caw yelc'ojlal tza'ch a c'ojl 'a Dios. Yuj cha, b'o cab' 'icha tza nib'ej, xchi 'a 'ix. Yajn̈j wal cha, 'ix b'ox can sc'ojl 'ix yune 'ix cha.

Mt 17:18

Yic xjaw win 'unn chi 'a 'a, 'ix stumj jun demonio 'aych 'a winac. 'Ix spechn 'eli, yajn̈j wal cha, xb'ox can sc'ojl win yu'uj.

Mt 8:13

Xlajw cha, xyaln pax Jesús 'ixtc 'a win capitan̈ cha: —Paxn̈ 'a atut, 'icha wal tzotj a'n 'och Dios 'a a cojol, 'ixta 'oj 'aj sb'o 'ayach, xchi 'a winac. Ax jun smoso win cha, yajn̈ej xb'ox can sc'ojol.

Mt 9:2

Ata 'ay jun winc sicb'nac 'eli. C'otn 'ec' win 'a swaynub'. 'Ay eb' 'anma x'i'n 'at win 'a Jesús. Ax 'ix yilni to xya'ch eb' sc'ojl 'a 'a, yuj cha, xyaln 'a win sicb'nac 'el chi 'ixtic: —Tzaljan̈ ach winac, tic 'ix 'ajx can lajwc a mul, xchi 'a winac.

Mt 9:29

Yuj cha, 'ix stzayn 'och sc'ab' 'a yol sat eb'. 'Ix yaln 'ixtc 'a eb': —'Icha tzeyutj eya'n 'och 'a e c'ojl tic, 'ixta 'oj 'aj sb'o 'ayex, xchi.

Mr 10:52

—A 'a sat tic, tox 'ix jacwi, yujto xa'ch a c'ojl 'a Dios, yuj cha, tztac' tzach pax ticnec, xchi 'a winac. Yajn̈j wal cha, sjacw sat win yu'uj, xlajw cha, x'at win yet' Jesús 'a 'aj tz'ati.

Mr 5:34

Yuj cha, xyaln 'a 'ix 'ixtic: —Ach 'ix, ach b'oxi yujto xa'ch a c'ojl 'ayin, paxn̈ 'a tzaljc'ojlal, tic 'ix b'ox a c'ojl 'a jun a yailal tic, xchi 'a 'ix.

Lc 17:19

Xlajw cha, xyaln pax 'a jun winc chi 'ixtic: —Q'uen̈ lin̈an, paxan̈. Tic ach b'oxi, yujto xa'ch a c'ojl 'a Dios, xchi 'a winac.

Lc 18:42

—¡Jacw cab' a sat! Tic ach b'oxi, yujto xa'ch a c'ojl 'ayin, xchi 'a winac.

Lc 7:50

Xlajw cha, xyaln Jesús 'ixtc 'a jun 'ix cha: —Ach colchji, yujto in a'ch 'a a c'ojol. Yuj cha, paxn̈ 'a tzaljc'ojlal, xchi Jesús 'a 'ix.

Lc 8:48

Yuj cha, xyaln 'ixtc 'a 'ix: —Ach 'ix, tic tzb'ox can a c'ojl wu'uj, yujto xa'ch a c'ojl 'ayin. Yuj cha paxn̈ 'a tzaljc'ojlal, xchi 'a 'ix.

Jn 4:53

Yuj cha, 'ix snan cot winac, to 'ixta yorail xyal Jesús 'a win 'a yewial cha. Yic yaln 'ixtic: Ma'oj cham jun onnal cha, xchi 'a winac. Yuj cha, xya'n 'och win sc'ojl 'a Jesús, yet' jantcn̈ej eb' 'ay yet' 'a yol yatut cha.

A Tas Sc'ulejnac Eb' Schecab' Jesús Hechos 14:9

wan yab'xni win 'a Pablo. Ax Pablo cha, x'och q'ueln 'a winac. 'Ix yilni to tzya'ch win 'a sc'ojol, chajtlto 'oj stac' sb'ox win yuj Dios.

A Tas Sc'ulejnac Eb' Schecab' Jesús Hechos 16:18

Til wal 'ejm x'ec' 'ix quet'oc. An̈j wal jun chi tzyal 'ix 'a junjn 'ejem. Ax Pablo, man̈xtzac techj yuj yab'ni. Yuj cha, 'ix meltzj 'at q'ueln 'a 'ix. 'Ix yaln 'ixtc 'a jun demonio chi 'aych 'a 'ix: —Tzwal 'ayach, yuj spoder Jesucristo, 'eln̈ 'a 'ix, xchi. Yajn̈j wal cha, x'el 'a 'ix.

A Ch'an̈ Carta D'a Eb' Hebreo 4:2

Yujto alb'il wach' 'ab'x yic colnb'il 'a eb' qui mam quichmec, 'icha x'aj yalx 'ayn̈ec. Palta nab'an̈ej alb'il 'a eb', yujto ma'ix ya'ch eb' 'a sc'ojol, yic yab'n eb'.