Mt 9:15 - Chuj San Sebastian Bible

¹⁵ Yuj cha, xyaln Jesús 'ixtc 'a eb': —Q'uinloc 'ay junc nupnel tz'och ticnec. A eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal, yic 'ayt 'ec' win tznupn chi yet' eb'? Palta at 'oj jawc stiempoal man̈x 'ayc 'ec' win yet' eb', atta 'oj 'och eb' 'a c'ajb'c'ojlal. 'Ixta 'in yet' eb' in cuywum.

Chuj San Mateo Bible

¹⁵ Yuj chi' ix yalan Jesús d'a eb': —Q'uinaloc ay junoc q'uin̈ nupnajel. A eb' avtab'il sb'at ta', ¿tom syal yoch eb' d'a tzec'ojc'olal ayic ayto ec' vin̈ van yoch yetb'eyum chi' yed' eb'? Palta ato ol ja stiempoal man̈xo ayoquec' vin̈ yed' eb', ato ta' ol och eb' d'a tzec'ojc'olal.

Mt 9:15 Iomraidhean Croise

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Mt 9:14

A 'a jun 'el, 'ix c'och eb' scuywum Juan Bautista 'a Jesús, 'ix sc'anb'n eb' 'ixtc 'a 'a: —¿Tas yuj matz 'och eb' a cuywum 'a c'ajb'c'ojlal? Aln̈ tic on̈, caw tzca'ch qui b'a 'a c'ajb'c'ojlal on̈. An̈jtona', 'ixta pax tzyutj sb'a eb' fariseo, xchi eb' 'a 'a.

Mt 9:16

Q'uinloc 'ay junc 'ichm pichl tzolchji, ¿tom 'ay junc mach tz'a'n 'och junc 'a't nip sniploc? Yujto a jun 'a't nip cha, caw tzpotzi, tzwach' to'n jat jun 'ichm pichl cha.

Mr 2:19

Yuj cha, xyaln Jesús 'ixtc 'a eb': —Q'uinloc 'ay junc nupnel tz'och ticnec, a eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal, yic 'ayc' win tznupn chi yet' eb'? A yic 'ayt 'ec' win yet' eb', matz tac' yoch eb' 'a c'ajb'c'ojlal.

Mr 2:20

Palta at 'oj jawc stiempoal yijx 'el win 'a scal eb', atta 'oj ya'ch sb'a eb' 'a c'ajb'c'ojlal. 'Ixta 'in yet' eb' in cuywum tic.

Lc 17:22

Xlajw cha, xyaln 'ixtc 'a eb' scuywum: —'Ay wal jun tiempoal 'oj jawoc, 'oj eyal 'ixtic: Comnoc wal tzjaw pax jun 'Ochnc 'Anmal jun 'ejm xo, quen cab' wal junc c'u, 'oj e chioc, palta ma'oj eyila'.

Lc 5:34

Yuj cha, xyaln pax Jesús 'ixtc 'a ewinac: —Q'uinloc 'ay junc nupnel tz'och ticnec, a eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal yic 'ayt 'ec' win tznupn chi yet' eb'?

Lc 5:35

Palta at 'oj jawc stiempoal man̈x 'ayc 'ec' win yet' eb', atta 'oj ya'ch sb'a eb' 'a c'ajb'c'ojlal, xchi 'a eb'.

Jn 16:6

Ton̈j tzex caw cus chan̈ yuj jun tzo'n̈ tzwalcn 'ayx tic.

Jn 3:29

Q'uinloc 'ay junc nupnel tz'och ticnec. A win tznupni, tzyi'n junc 'ix. Toto 'ay junc swach'c'ojl win 'ayc' yet' ta', caw tzalj yab'n tas tzyal win tznupn chi yet' 'ix 'ix cha. An̈jtona', 'ixta 'in tzalj ticnec, yujto wan yoch eb' 'anma scuywumoc Jesús.

A Tas Sc'ulejnac Eb' Schecab' Jesús Hechos 14:23

A yic x'ec' Pablo yet' Bernabé 'a junjn iglesia, 'ix ya'n can 'och yopiso eb' tz'och ancianoal. 'Ix leslwi eb' 'a Dios, 'ix 'och pax eb' 'a c'ajb'c'ojlal. Xlajw cha, x'ajx can 'ab'enal eb' creyente 'a yol sc'ab' Cajlil yuj eb', atn 'a 'ajtil 'aych sc'ojl eb'.

1 Co 7:5

Yuj cha, matz tac' e tenn 'och wan tas tznib'j eyitb'eym 'ayx junjn ex. Cojxn toto tze molalej, tzeyactn can jun chi jaye'oc c'u, sec wach' tzex leslwi 'a Dios wal 'a smasnil e c'ojol. Tzlajwn̈ej jaye c'u cha, junn̈j tzex 'ajx cani, sec matz ex 'ajx juwc 'el yuj win Satanás. Yujto 'ay smay, matz tac' e tenn 'och wan e niwnal.

2 Co 11:27

'Ay 'aj caw 'elnc wip in munlji, caw wab'jnac syail. Niwn 'ejm ma'in way xon jab'oc. 'Ay 'aj caw 'ochnc in wejel, yet' in tacn̈ti'al. Til wal 'ejm 'ochnc in pax 'a c'ajb'c'ojlal. 'Ay 'aj caw wab'jnac syal yuj si'ic, 'ay 'aj caw man̈x 'a in pichul.

Apoc 19:9

'Ay jun ángel 'ix aln 'ixtc 'ayin: —Tza tz'ib'j jun tzo'n̈ 'oj wal tic: A eb' 'awtb'il 'a jun q'uin̈ nupnel yic jun tzcuch Calnelu, caw wach' yic eb', xchi. 'Ix yaln pax 'ayn 'ixtic: —A jun tzo'n̈ paxti tic caw yel, yic Dios, xchi 'ayin.

Apoc 21:2

An Juan in tic, xwil jun schon̈b' Dios yicn̈ej yaji, atn jun 'ac' Jerusalén. 'Ix 'elt 'a yojltac Dios 'a satcha'an̈, 'ix 'emli. Caw wach'x yaj 'icha junc 'ix caw a'ijn yaj yet' spichul, tznupn yet' yichmil tzyi'aj.