Mt 8:26 - Chuj San Sebastian Bible

²⁶ 'Ix ta'w 'a eb' 'ixtic: —¿Tas yuj caw tzex xiwi? Caw jab' wal tzeya'ch e c'ojl 'a Dios, xchi 'a eb'. Xlajwn̈ej cha, xq'ue wa'an, 'ix stenn 'och wan jun 'ic' chi yet' a mar cha. Yuj cha, caw sictac x'aj smasnil.

Chuj San Mateo Bible

²⁶ —¿Tas yuj tzex te xivi? Te teveln̈ej tzeyac'och Dios d'a e c'ool, xchi d'a eb'. Ix lajvi chi', ix q'ue vaan. Ix scachanoch vaan jun ic' chi' yed' a' n̈ajab' chi'. Yuj chi' ix numc'aj smasanil.

Mt 8:26 Iomraidhean Croise

Salmos 65:7

Tza'n 'och wan yib'x sat a mar, tza'n pax 'och wan sb'uylji eb' niwc chon̈b' ya'n owal.

Salmos 89:9

Ach tza tench wan a mar yic tzowx chan̈ a', sictac tz'aj a o'oj.

Is 63:12

Atn Jehová 'aych yipc Moisés yic xb'ey 'a yol b'e, jun x'a'n spoj sb'a a mar 'a yojltac eb' schon̈ab', sec tzb'inax 'a smasnil tiempo yuj eb'.

Nahúm 1:4

A tzalni, yic tztup chan̈ a mar yet' eb' a niwc a tzb'eyi. A pax tzalni, yic tztacj chan̈ eb' lum lum yax sat, atn lum Basán, lum jolm witz Carmelo, yet' lum Líbano, atn lum 'aj 'ay te nichte' wan laj stacj 'ejm lojljoc.

Habacuc 3:8

Mamin Jehová, man̈oc 'a eb' a niwc a xcot owal. Man̈oc 'a a mar xc'ac'b' 'och yowl a c'ojol, yic ach 'at ac' owal, yuj a satn 'el eb' 'ajc'ojol, 'icha to ach q'ue 'a yib'n̈ a chej, yet' 'a yojl a caruaje yic owal.

Mt 16:8

Ax Jesús, yojtac tas wan yaln eb', yuj cha, xyaln 'ixtc 'a eb': —¿Tas yuj tzeyala to may e pan? Caw jab' wal tzeya'ch e c'ojl 'a Dios.

Mt 17:20

—Ma'ix 'eli, yujto ma'ix eya'ch Dios 'a e c'ojol. Wal yel tzwal 'ayex, toto tzeya'ch e c'ojl 'a 'a, wach'xam caw jab' 'icha jun pilc sat te rechiwo, 'oj stac' eyaln 'ixtc 'a jun witz tic: Eln̈ 'a et'l tic, 'ixc 'a junc xo lugar, 'oj e chioc. To 'ixta', 'oj 'el eyu'uj. Smasnil tas 'oj stac' eyu'uj, toto yel tzeya'ch Dios 'a e c'ojol.

Mt 6:30

A jun tzo'n̈ te c'ultc cha, ton̈j 'ayc' te ticnec, ax q'uic'an tz'a 'a yol jorna. Wach'xam 'ixta yec' te', palta a Dios a tz'a'n swach'l yilx te'. Yuj cha, yel xo wal 'oj yac' e pichl ax tic, palta 'in jab' wal tzeya'ch e c'ojl 'a 'a.

Mt 8:27

Caw 'ix sat sc'ojl eb' yuj si'mb'il, 'ix laj yal-lanc eb' 'ixtic: —¿Tas laj sb'o jun winc tic? 'In tzyiclj 'ic' yet' a mar tas xyala, xchi eb'.

Lc 4:35

Yuj cha, 'ix tumwj 'a win demonio chi 'ixtic: —Tz'in xa chi, 'eln̈ 'a winac, xchi. Yajn̈j wal cha, xtelw can 'at t'ocnjoc win yuj jun demonio cha. 'Ixta to b'i'an, x'el jun demonio chi 'a winac. Palta may jac x'i'n can winac.

Ro 4:20

A yic ya'n can Dios sti 'a winac, man̈ chab'c'ojlalc yutjnac win yab'ni. Caw ya'jnac 'och win 'a sc'ojol. Caw te'n yutjnac win snab'en. Yaljnac win wach' paxti 'a Dios,

Apoc 10:2

'Ayc' jun ch'an̈ yune un̈ 'a yol sc'ab', jacn ch'an̈. A yoc 'a swach', stec' 'ejm 'a yib'n̈ a mar. Ax yoc 'a surito, stec' 'ejm 'a sat lu'um.