Mt 8:22 - Chuj San Sebastian Bible

²² —Con̈ wet'oc. A eb' chamnc to 'a sat Dios, a eb' tztac' smucn eb' yit chamnquil cha, xchi Jesús 'a winac.

Chuj San Mateo Bible

²² Palta ix yalanpax d'a vin̈: —Con̈ ved'oc. A eb' chamnacto el d'a yichan̈ Dios, a eb' chi' syal smucan eb' yetchamnaquil chi', xchi Jesús d'a vin̈.

Mt 8:22 Iomraidhean Croise

A Ch'an̈ B'ab'el Libro Yic Yab'ixal Eb' Rey 19:20

Yuj cha, 'ix yactn can Eliseo e no wacx cha, 'ix 'och tza'n yuj Elías, 'ix yaln 'ixtic: —'Ac' in permiso yic tz'at walcn in b'a 'a in mam in nun, tzin tz'ub'n can 'elt sti eb', tzlajw cha, tzin 'at et'oc, xchi. Xta'w Elías 'ixtc 'a 'a: —Tztac' tzach 'ati, palta tza na cot tas 'ix in b'o et'oc, xchi.

Mt 8:21

'Ay pax junx scuywum 'ix aln 'a 'ixtic: —Mamin, 'oj in 'at et'oc, palta tzin nib'j tzac' in permiso. Tot 'oj in muccn 'el in mam, xchi winac.

Mt 9:9

Ax Jesús, 'ix 'atxi. Yic wan sb'eyi, 'ix yiln jun Mateo sb'i. Wocn 'ejm 'a yet'l 'aj tztecl tumn 'a eb' 'anma'. —'Ochn̈ in cuywumoc, xchi Jesús 'a 'a. Yajn̈j cha, xq'ue wa'an, 'ix 'och scuywumoc.

Mr 2:14

Ax 'a yic wan sb'eyi, 'ix yilni 'ayc' jun winc Leví sb'i, yunnal Alfeo, wocn 'ejm 'a 'aj tztecl stumn eb' 'anma'. —'Ochn̈ in cuywumoc, xchi Jesús 'a 'a. Yuj cha, 'ix q'ue wa'an, 'ix 'och scuywumoc.

Lc 15:24

Yujto a jun wunnal tic, 'icha to chamnc xo, palta ax ticnec 'icha to xpitzw paxi. Satnc ton 'ati, palta xjapx 'ayin, xchi smam cha. Yuj cha, xya'n 'och eb' sq'uin̈ cha.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Lc 9:59

Xlajw cha, xyaln pax Jesús 'ixtc 'a junx winac: —'Ochn̈ in cuywumoc, xchi 'a winac. —Mamin, tza'cn in permiso, to tzin nib'j tot 'oj in muccn 'el in mam, xchi winac.

Lc 9:60

—A eb' chamnc to 'a sat Dios, a eb' tztac' smucn eb' yit chamnquil cha. Palta ach xo tic, 'ixc 'at al-li chajtl tz'aj eb' 'anma yoch 'a yol sc'ab' Dios, xchi 'a winac.

Jn 1:43

Ax 'a junx c'u, 'ix 'at Jesús 'a Galilea. Yic wan sb'eyi, 'ix chan sb'a yet' Felipe, xyaln Jesús 'a 'ixtic: —'Ochn̈ in cuywumoc, xchi 'a 'a.

Jn 21:19

'Ixta xyutj yalni, chajtl 'oj 'aj Pedro chi schami, ax sch'oxn 'eli, to caw niwn yel'ch Dios. Xlajw cha, xyaln pax Jesús 'a 'ixtic: —'Ochn̈ wal tza'n wu'uj, xchi 'a Pedro cha.

Jn 21:22

Yuj cha, 'ix yaln pax Jesús 'a 'ixtic: —Toxn̈ej tzyal in c'ojol, pitznto ax in japxi, may aln ec 'a 'a. Cojnto tzach 'och wal tza'n wu'uj, xchi 'a Pedro cha.

Ef 2:1

A ticnec, 'ix yac' Dios qui q'uinlec yet' Cristo. A 'a yic yalan̈, chamnc on̈c 'a sat yuj qui mulec, yuj pax qui maysch'olnilal,

Ef 2:5

Yuj cha, wach'xam chamnc on̈c 'a sat yuj qui maysch'olnilal, palta xyac' qui q'uinlec yet' Cristo. Yuj wal swach'c'ojlal Dios tzon̈ colchjec.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

A Scarta San Pablo D'a Eb' Aj Colosas 2:13

A 'a yic yalan̈, chamnc ex 'a sat Dios yuj e mul, yuj pax to man̈ ex israeloc, may e circuncisión. Palta ax ticnec, junn̈j xyutj Dios ya'n e q'uinl yet' Cristo. 'Ix ya'n lajwc smasnil qui mulec.

1 Ti 5:6

Palta 'ay pax eb' 'ix chamnc yichmil, cojxn 'a tas tznib'ej, ata tzya'ch eb' snab'en. Yuj cha, wach'xam pitzn eb' 'a sat 'anma', palta ax 'a sat Dios, chamnc xo eb'.