Mt 8:2 - Chuj San Sebastian Bible

² 'Ay jun winc caw ya'ay yuj jun yab'il tzcuch lepra. 'Ix c'och win 'a Jesús, 'ix 'em cumn 'a yojltac, 'ix yaln win 'ixtc 'a 'a: —Mamin, toto tzyal a c'ojol, tztac' in a'n b'oxoc, xchi win 'a 'a.

Chuj San Mateo Bible

² Ay jun vin̈ penaay yuj jun yab'il scuch lepra, ix c'och d'a Jesús. Ix em cuman vin̈ d'a yichan̈. Ix yalan vin̈ d'ay: —Mamin, tato syal a c'ool, syal ac'an b'oxoc in c'ool, xchi vin̈ d'ay.

Mt 8:2 Iomraidhean Croise

A Ch'an̈ Schab'l Libro Samuel 3:39

Yuj cha, wach'xam a Dios in si'n 'och reyal, palta caw wal may wip tzwab'i, yuj stu nab'enal eb' yune 'ix Sarvia. A cab' Jehová 'oj 'a'nc spac 'a jun mach x'och smul tic, xchi David.

A Ch'an̈ Schab'il Libro Yic Yab'ixal Eb' Rey 15:5

'Ix ya'ch Jehová jun yab'il lepra 'a win rey cha. 'Aychn̈ej 'a 'a masnto 'ix chami. Yuj cha, man̈xtoc 'ix can win rey 'a sdespacho, chucx n̈al 'aj 'ix cani. Ax jun yunnal tzcuch Jotam, a x'ochcn yilmalc sdespacho winac, tzya'n pax yajlil 'a yib'n̈ jun nacion̈ cha.

A Ch'an̈ Schab'il Libro Yic Yab'ixal Eb' Rey 5:1

'Ay jun winc Naamán sb'i, scapitan̈il eb' soldado yic sreyl chon̈b' Siria. Caw wal xajn yuj syajlil, yujto yu'uj 'ix ya'n Jehová yac' ganar win sreyl chon̈b' Siria owal. A jun winc tic, caw jeln ya'n owal, palta 'aych jun yab'il tzcuch lepra 'a 'a.

A Ch'an̈ Schab'il Libro Yic Yab'ixal Eb' Rey 5:27

Yuj jun xa b'o tic, a slepra Naamán cha, a 'oj 'ochcn 'ayach, yet' 'a eb' en̈tl 'a smasnil tiempo, xchi Eliseo. Ax yic 'ix spojn can sb'a Giezi yet' Eliseo, 'ayx 'och lepra 'a 'a, caw sacwecnac yilx 'icha q'uen che'ew.

Nm 12:10

A yic 'ix 'elx jun 'asn chi 'a yib'n̈ Mantiado cha, ax María 'ix pitzw chan̈ lepra 'a sniwnal, caw wal sac x'aj yuj jun yab'il cha. Ax Aarón 'ix 'at q'ueln 'a María, ax xyilni to 'ayx 'och lepra 'a 'a.

Mt 10:8

A eb' ya'ay yuj lepra, tz'ec' eyac' b'oxc eb'. Yet' pax jun tzo'n̈ xo eb' ya'ay, tzeyac' b'oxc sc'ojl pax eb'. Tzeya'n pax pitzwc eb' chamnac. An̈jtona', tz'ec' laj eyi'nc pax 'el ewin demonio 'a eb' 'anma'. Xe chaj jun e poder tic 'a nab'an̈ej, yuj cha, 'oj e colwj pax yet' 'a nab'an̈ej jun xo.

Mt 13:58

Jayen̈ej milagro sb'o 'a schon̈b' cha, yujto ma'ix ya'ch eb' 'anma chi sc'ojl 'a 'a.

Mt 14:33

A eb' 'ayc' 'a yojl te', 'ix 'em cumn eb' 'a yojltac Jesús, 'ix yaln eb' 'ixtc 'a 'a: —Wal yel, ach tic Yunnal ach Dios, xchi eb' 'a 'a.

Mt 15:25

Palta x'ec' jun 'ix chi 'a eb', 'ix 'em cumn 'ix 'a yojltac Jesús, xyaln 'ix 'ixtic: —Mamin, caw colwjan̈ 'ayn 'an, xchi 'ix 'a 'a.

Mt 18:26

Ax win moso cha, tz'em cumn win 'a yojltac win rey cha. Caw tztew 'och win 'a 'ixtic: Mamin, caw niwn tzotj a c'ojl 'ayin. Caw jab'jnal 'oj wac' tup in b'oc chi 'aych smasnil, xchi winac.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Mt 20:20

A 'ix yistzil win Zebedeo, 'ix c'och 'ix 'a Jesús yet' chawn̈ eb' yune', atn Jacobo yet' Juan. 'Ix 'em cumn 'ix sc'och 'a yojltac Jesús, yujto tznib'j 'ix sc'an junc tas 'a 'a.

Mt 26:6

Ax Jesús, 'ix c'och 'a Betania, axta 'ix 'och wan 'a yatut Simón, a 'a yic yalan̈, ya'ay win yuj jun yab'il lepra sb'i.

Mt 28:17

Ata xyil eb' Jesús, 'ix ya'n 'ejm sb'a eb' 'a 'a, palta 'ay jaywn̈ xo eb' mant 'ix ya'ch wal 'a sc'ojol.

Mt 28:9

Ax yic wanto sb'ey eb', 'ix ch'oxn sb'a Jesús 'a eb', 'ix sc'anb'n sc'ojl eb'. Yuj cha, xwach' c'och eb' 'a stz'ey, 'ix ya'n 'ejm sb'a eb' 'a 'a, 'ix syamn eb' yoc.

Mt 4:9

'Ix yaln win 'ixtc 'a 'a: —Smasnil jun tzo'n̈ tic, 'oj wac' eco'oc, toto tzach 'em cumn 'ayin, tzaln a b'a 'ayin, xchi win 'a 'a.

Mt 8:1

Ax yic 'ix 'em paxt Jesús 'a jun tzaln cha, til wal 'anma x'och tza'n yu'uj.

Mt 8:25

Yuj cha, 'ix spitzn 'el eb' scuywum chi swayan̈, 'ix yaln eb' 'a 'ixtic: —Mamin, colwjan̈ 'ayn̈ec, wal qui 'atc 'a yich a tic, xchi eb' 'a 'a.

Mt 9:18

Yic wan yaln Jesús jun tzo'n̈ cha, 'ix jaw jun syajlil yatutal 'aj tzyam sb'a eb' israel, 'ix 'em cumn 'a yojltac, 'ix yaln 'ixtic: —'Ay jun wisil, 'at wal scham tic, palta con̈ wet'oc. Tzin nib'j tz'at a tzaych a c'ab' 'a 'unix, sec 'oj pitzwc paxi, xchi.

Lc 4:27

An̈jtona', tze na cot pax yab'xil jun schecb' Dios Eliseo sb'i. Til wal eb' quit israelal yamchjnac yuj lepra. Palta may junc eb' b'oxnc yuj Eliseo cha, an̈j jun win man̈ israeloc 'aj Siria, Naamán sb'i, an̈j win b'oxnc yu'uj, xchi Jesús 'a eb'.

Jn 9:38

Xlajw xoj yaln Jesús jun cha, 'ix 'em cumnjoc win 'a yojltac. 'Ix yaln win 'ixtc 'a 'a: —Mamin, caw tzach wa'ch 'a in c'ojol, xchi winac.

A Tas Sc'ulejnac Eb' Schecab' Jesús Hechos 10:14

Palta xyaln Pedro 'ixtic: —May Mamin, yujto mant 'a jun 'ejmoc xin c'ux junc tas comn yaji, mto junc tas 'ay yowlal yuj ley yic Moisés, xchi.

A Tas Sc'ulejnac Eb' Schecab' Jesús Hechos 10:25

A yic jab'xoj sc'och Pedro cha, 'ix 'elt win Cornelio chi 'a yol yatut. 'Ix chan win sc'ochi. 'Ix 'em cumn 'a yojltac Pedro cha, yic tzya'n 'ejm sb'a 'a 'a.

1 Co 14:25

'Ixta to b'i'an, ax scheclj 'el tas 'ay 'a spixan. Yuj cha, 'oj 'em cuman, ax yaln sb'a 'a Dios. Ax yaln 'ixtic: Yel toni, caw 'aych Dios eyet'oc, 'oj schioc.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.