Mt 8:16 - Chuj San Sebastian Bible

¹⁶ Ax 'a sq'uic'b'alil, til wal eb' tz'ixtx yuj ewin demonio, 'ix 'ijx 'at eb' 'a Jesús. Junn̈j paxti'al xyala, x'el ewin demonio chi 'a eb'. An̈jtona', 'ix ya'n b'oxc can sc'ojl smasnil eb' ya'ay.

Chuj San Mateo Bible

¹⁶ Axo d'a yic numumixo sq'uic'b'i, tzijtum eb' ayoch enemigo d'ay ix ic'jib'at d'a Jesús. Junn̈ej b'elan̈ lolonel ix yala', ix el eb' enemigo chi'. An̈ejtona' ix yac'can b'oxoc masanil eb' penaay.

Mt 8:16 Iomraidhean Croise

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Mt 12:22

'Ay jun winc x'ijx cot 'a Jesús, matz tac' yilni, matz uj spaxtin paxi, yujto 'aych jun demonio 'a 'a. Ax Jesús a 'ix 'a'n b'oxc sc'ojol, yuj cha, xb'o yilni, 'ix b'o spaxtin paxi.

Mt 14:14

Ax yic 'ix 'elt Jesús 'a yojl te barco cha, 'ix yilni til wal eb' 'anma 'ayx 'ec' pax ta'. Yuj cha, x'o'ch sc'ojl 'a eb', 'ix ya'n b'oxc sc'ojl jun tzo'n̈ eb' ya'ay x'ijx cot 'a 'a.

Mt 8:15

Yuj cha, x'och yamn Jesús 'a sc'ab' 'ix. Yajn̈j wal cha, 'ix sicb' jun c'a'l yab'il chi 'a 'ix. Xq'ue wan 'ix, syamn 'och 'ix ya'n servil eb'.

Mt 8:33

Ax eb' yilmal e no', caw xiw eb', x'at eb' 'eloc. 'Ix c'och eb' mu'c 'a yol chon̈ab'. Ata xyal-l eb' yuj tas 'ix uji, xyaln pax eb' yuj ewin demonio cha.

Mt 9:2

Ata 'ay jun winc sicb'nac 'eli. C'otn 'ec' win 'a swaynub'. 'Ay eb' 'anma x'i'n 'at win 'a Jesús. Ax 'ix yilni to xya'ch eb' sc'ojl 'a 'a, yuj cha, xyaln 'a win sicb'nac 'el chi 'ixtic: —Tzaljan̈ ach winac, tic 'ix 'ajx can lajwc a mul, xchi 'a winac.

Mr 2:3

'Ay jun win sicb'nac 'eli, 'ix 'ijx cot yuj chan̈wn̈ eb' winac.

Mr 9:25

Ax 'ix yiln Jesús, til wal 'anma wan syamn sb'a, yuj cha, 'ix tumwj 'a jun demonio chi 'ixtic: —Ach demonio 'a'm chacn̈il, macm sti 'anma', tzwal 'ayach, 'eln̈ 'a jun 'unn tic, man̈x ach 'och jun 'ejm xo 'a 'a, xchi Jesús.

Lc 13:12

Ax yic xyiln Jesús, to 'ayc' 'ix ta', 'ix yawtn cot 'ix 'a stz'ey, 'ix yaln 'a 'ixtic: —Ach 'ix, tic ach colchj can 'el 'a jun a yailal tic, xchi 'a 'ix.

Lc 4:40

Ax 'a yic yemc'ual, c'uxn x'ijx cot eb' ya'ay 'a 'aj 'ayc' Jesús. Chucchc yab'ilal tz'i'n junjn eb'. 'Ix stzayn 'och sc'ab' 'a junjn eb'. 'Ixta to b'i'an, xlaj b'ox can eb' yu'uj.

Lc 4:41

Til wal eb' 'aj 'ix yij 'el ewin demonio, xlaj yalnc chan̈ ewin demonio chi 'ixtic: —Ach tic, Yunnal ach Dios, xchi ewin 'a 'a. Palta 'ix stenn 'och wan Jesús ewinac, ma'ix schaj paxtinc ewinac, yujto yojc xon ewinac to a Cristo.

A Tas Sc'ulejnac Eb' Schecab' Jesús Hechos 5:15

Yuj cha, xlaj 'ijx 'elt eb' ya'ay 'a yoltc caye yet' swaynub'. Ata 'ix stan̈wj eb' yec' Pedro, sec toq'ue tz'ec' jac yen̈l 'a yib'n̈ eb'.