Mt 7:6 - Chuj San Sebastian Bible

⁶ A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Chuj San Mateo Bible

⁶ A slolonel Dios yicn̈ej yaji, lajan icha juntzan̈ ton̈ perla sb'i, te caro stojol. Yuj chi', max yal cac'an d'a eb' malaj yelc'och Dios d'a sat. Yujto a eb' chi', lajan yaj eb' icha juntzan̈ noc' tz'i' scot d'ayon̈, tzon̈ schi'an noc'. Ay pax eb' icha juntzan̈ noc' chitam, ton̈ej slaj steq'uem tas scac' d'ay.

Mt 7:6 Iomraidhean Croise

Pr 11:22

A swach'l yilx junc 'ix 'ix may snab'en, lajn 'icha junc q'uen argoya nab'a oro 'aych 'a sn̈i junc no chitam.

Pr 23:9

Man̈ eyal junc paxti wach' 'a eb' may snab'en, yujto ton̈j 'oj ex sb'uch eb' yuj e paxti cha.

Pr 26:11

'Icha no tz'i tzxeji, tzcha le'n pax no xej cha, 'ixta eb' may snab'en, tzcha meltzj can pax 'at eb' 'a stu nab'enal.

Pr 26:4

Man̈ ex ta'wc 'a eb' 'anma may snab'en, yic tzyaln eb' sman̈ nab'enal chi 'ayex, sec matz e b'o 'icha tas tzb'o eb' cha.

Mt 15:26

Palta man̈ wach'oc, toto tzto'x 'ec' yoch eb' 'unnab'il, tz'ajx 'a no cotc tz'i', xchi 'a 'ix.

Mt 24:10

A 'a jun tiempoal cha, til wal mach 'oj meltzjoc pax 'a spatic, 'oj chichnc 'och eb' 'a eb' yitb'eym xon cha. Caw 'oj ya'ch eb' chaml 'a yib'n̈ eb'.

Mt 7:5

Toto 'ixta tzeyutj eyalni, caw chab'sat ex. Yowlal tze b'ab'l 'ijcan 'elt jun patzb' chi 'a yol e sat cha. 'Ixta to b'i'an 'oj stac' eyilni, ax eyi'n 'elt jun c'alem chi 'a yol sat jun eyit 'anmal cha.

2 Co 11:26

Til wal 'ajtc b'eync in 'eq'ui. 'Ay 'aj 'ay smay yuj a niwc a', yet' pax yuj eb' 'elc'um. 'Ay 'aj 'ay smay yuj eb' wit chon̈ab', yet' pax yuj eb' man̈ wit chon̈b'oc. 'Ay 'aj 'ay smay 'a jun tzo'n̈ chon̈ab', yet' 'a b'esan, yet' pax 'a yib'n̈ a mar. 'Ay pax 'aj 'ay smay 'a scal eb' tzcob' yalch sb'a cu'tacoquec.

A Scarta San Pablo D'a Eb' Aj Filipos 3:2

Caw tzeyil wal e b'a 'a jun tzo'n̈ eb' 'anma tu snab'en. Caw maysch'olnil tzyutj sb'a eb', yujto tznib'j eb' tzpol-l jac stz'umal e niwnal. A sb'eyb'al eb' cha, lajn 'icha no tz'i', caw yajb'entac tzyutj sb'a eb'.

A Ch'an̈ Carta D'a Eb' Hebreo 10:29

Ax ticnec, toto tzqui patquilj can 'el Yunnal Dios, toto man̈x 'a yel'ch schic'l 'a qui satec, toto tzca'c sq'uixwloc Yespíritu Dios, atn jun 'ay schamc'ojlal 'ayn̈ec, toto 'ixta', ¿jantc tom wal niwn yailal 'oj qui cha 'a yib'n̈ eb' ma'ix yiclni ley yic Moisés? Yujto a schic'l Yunnal Dios cha, a 'a'jnac 'el'choc strato Dios 'ayn̈ec. Yu'uj, c'uxn x'el qui mul 'ayn̈ec.

A Ch'an̈ Carta D'a Eb' Hebreo 6:6

Yuj cha, toto tzquijec 'el qui nab'en 'a Cristo, ¿tast wal 'oj cutquec qui meltzj pax jun 'ejm xo, yic tzqui nan qui b'a? Yujto a yic tzqui'nec 'el qui nab'en 'a 'a, tzyal 'el'chi, caw an̈ wan ca'nec 'och Yunnal Dios 'a spenc culs jun 'ejm xo. Wan ca'nec sq'uixwloc 'a sat eb' 'anma'.

A Schab'il Carta San Pedro 2:22

'Ay jun paxti yel, a tzaln 'ixtic: A no tz'i', tzlajw xej no', tzle'n pax no xej chi jun 'ejm xo. Yet' no chitam, tzlajwn̈ej sb'icx no', tz'atx no 'a scal b'i'ch muc'uc, tzb'alb'i'chan pax sb'a no', xchi. 'Icha e no cha, 'ixta eb' tic, yujto tzya'x 'at sb'a eb' 'a scal maysch'olnil jun 'ejm xo.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.