Mt 7:19 - Chuj San Sebastian Bible

¹⁹ 'Icha jun tzo'n̈ te may xon sat wach' tzyac'a, tzu'x 'eli, tzjulx can 'at 'a yib'n̈ c'ac', 'ixta 'oj 'aj eb' man̈ wach'c sb'eyb'al.

Chuj San Mateo Bible

¹⁹ Icha juntzan̈ te' chuc sat syac'a', sch'acjieli, syumjib'at d'a yol c'ac', icha chi' ol aj eb' malaj svach'il sb'eyb'al.

Mt 7:19 Iomraidhean Croise

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Dn 4:14

Caw 'ip x'awj cha'an̈, xyaln 'ixtic: Ch'acc 'el jun te cha, tzu'c 'el sc'ab', tzeyi'n 'el xi'il, sactzicnac tzeyutj can 'at sat te'. 'At cab' e no calte'al noc' 'eloc, atn e no 'ayc' 'a yen̈l yich te', yet' e no ch'ic 'ayc' 'a sc'ab' te'.

Mt 3:10

A jun niwn yailal 'oj jawc cha, lajn 'icha junc winc lista yaj yet' sch'acb' 'a yich te 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, ax sjuln can 'at win 'a yib'n̈ c'ac'.

Mt 7:18

A jun tzo'n̈ snun te wach', matz tac' ya'n junc sat maysch'olnil. An̈jtona pax jun tzo'n̈ snun te maysch'olnil, matz tac' ya'n pax junc sat wach'.

Lc 3:9

A jun niwn yailal 'oj jawoc, lajn 'icha junc winc lista yaj yet' sch'acb' 'a yich jun tzo'n̈ 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, tzjuln can 'at win 'a yib'n̈ c'ac', xchi Juan 'a eb'.

Tito 3:14

Caw tzach cuywj 'a eb' quit creyenteal ta', chajtlto caw tzb'o eb' jun tzo'n̈ tas wach', tzlaj colwj pax eb' 'a eb' 'ay tas 'ay sc'a'l tz'och yu'uj, sec wach' 'ay yopiso eb' 'a sat Dios.

A Ch'an̈ Carta D'a Eb' Hebreo 6:8

Palta 'ay pax lum nab'a q'ui'ix, nab'a c'ultc tzpac' 'a 'a, may jac yopiso. Yuj cha, 'oj jawc yowl sc'ojl Dios 'a yib'an̈, c'uxn 'oj tz'a'oc.

San Judas 1:12

A yic tzeya'n mol wa'el, tze ch'oxn e chamc'ojlal, caw tzeyac' e q'uixwloc yuj eb'. Yujto ton̈j tzcomn 'och eb' wac eyet'oc, may jac xiwc'ojlal eb'. 'Icha junc tan̈m calnelu cojxn wal tzya'ilj sb'a, 'ixta eb'. 'Icha junc tacn̈ 'asn ton̈j tzb'eyc' yuj 'ic', 'ixta pax eb'. Lajn eb' 'icha junc te may xon 'aj tzyac' junc sat. Ton̈j tztacj 'eli, tzchami. Tzlajw cha, c'uxn tz'ijx q'uet yet' sch'an̈lyib' smasnil, tzwach' satli.