Mt 7:15 - Chuj San Sebastian Bible

¹⁵ 'Ay eb' tzcob' yalch sb'a schecb'oc Dios, caw tzeyil wal e b'a 'a eb', yujto a yic 'oj c'och eb' 'ayex, caw manso 'oj cob' yutc sb'a eb' 'icha junc calnelu. Palta ax snab'en eb', caw tu', 'icha junc 'ocs caw ow.

Chuj San Mateo Bible

¹⁵ Ay eb' nivanoc syaloch sb'a schecab'oc Dios. Tzeyil val e b'a d'a eb', yujto a ol c'och eb' d'ayex, nivanoc nanam ol yutoc sb'a eb', icha junoc noc' calnel. Palta axo spensar eb', te chuc, icha noc' oques te ov.

Mt 7:15 Iomraidhean Croise

A Ch'an̈ B'ab'el Libro Yic Yab'ixal Eb' Rey 13:18

'Ix yaln pax jun 'ichm winc chi 'ixtc 'a winac, yic tzya'n 'es: —An̈jtona 'in, schecb' in Dios 'icha ach tic. A jun yángel Jehová 'ix aln 'ayn 'ixtic: 'At 'ij meltzjoc winac. Wa cab' win 'a atut, yu' cab' win a a 'a atut cha, xchi 'ayin, xchi winac.

Jeremías 29:21

An Jehová in, tztac' wuj smasnil, e Diosal in paxi, tzwal yuj win Acab yunnal Colaías, yet' pax yuj Sedequías yunnal Maasías, atn eb' tzaln 'el jun tzo'n̈ 'es paxti 'a in b'i: 'Oj wac' milxoc cham eb' yuj Nabucodonosor cha. Q'ueln ex 'och wal 'ax tic, ax smiln cham win eb'.

Ez 13:22

Yuj eyixtm 'anma'il xlaj eya'nc cus sc'ojl eb' tojl snab'en. A jun cha, caw matz in nib'j an tic. Ax eb' maysch'olnil sb'eyb'al, tzeyac' sc'ojloc eb' sec matz jel eb' sb'eyb'al yic tzchan eb' sq'uinl 'ayin.

Ez 22:25

A eb' 'aych yajlil 'a scal eb' 'anma cha, lajn wal eb' 'icha no león tz'el yaw sayn 'ec' schib'ej. A eb' cha, 'anma tzlaj smil eb', tzlaj yi'nc 'ec' eb' tas 'ay 'a eb' 'anma', til wal eb' 'ix 'ix tzcham yichmil yuj eb'.

Ez 22:27

A eb' yajl cha, lajn eb' 'icha no 'ocs tzyam schib'ej, 'anma tzlaj smil eb', tzyi'n 'ec' eb' tas 'ay 'a eb' 'anma cha.

Dn 11:34

A yic 'oj c'och stiempoal spechx b'eyc'oc eb' cha, 'oj scha eb' jac colwal. Til wal eb' junn̈j cob' 'oj yutc sb'a yet' eb' 'a chab'satil.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Zacarías 13:4

A 'a yic jun c'ul cha, a smasnil eb' to in checb' yalni, 'oj q'uixwc 'el eb' yuj tas 'oj ch'oxxoc yil eb' 'a 'icha waychil. Man̈x 'oj ya'ch eb' te pichl n̈achtac sat, 'icha yic eb' in checab', yuj ya'n eb' 'es 'a eb' 'anma'.

Mt 10:17

Caw tzeyil wal e b'a, yujto 'ay eb' 'oj eyi'n 'at 'a eb' yajal, 'oj ex smac' eb' 'a yol jun tzo'n̈ scapiya.

Mt 16:11

A yic xwaln 'ayx yuj yich span ewin fariseo yet' yich span ewin saduceo, ¿tas yuj ma'ix nachj 'el eyu'uj, tas tzyal 'el'chi? A e nani to a jun tzo'n̈ caw pan xwala, xchi 'a eb'.

Mt 16:6

'Ix yaln Jesús 'ixtc 'a eb': —'Ab'ec, tzeyil wal e b'a. A wal yich span ewin fariseo yet' yich span pax ewin saduceo, caw 'ay smay tzex juw 'el yu'uj, xchi 'a eb'.

Mt 24:11

Til wal mach 'oj pitzwc cha'an̈, ax cob' yalnc 'och sb'a eb' schecb'oc Dios, til wal mach 'oj yixtc paxti eb'.

Mt 7:14

Palta ax jun puerta lot'n cha, yic q'uinl yaji, yet' jun b'e tzc'och ta', caw lot'n sat. Yuj cha, jaywn̈n̈ej wal eb' 'anma tz'at ta'.

Lc 12:15

Xlajw cha, xyaln 'ixtc 'a eb' 'anma cha: —Caw tzeyil wal e b'a, sec may junc tas tze comn nib'j 'ochi. Man̈ yujoc to til wal tas 'ay 'ayn̈ec, tzaljc'ojlal que'c 'a yolyib'n̈q'uinl tic, xchi Jesús.

Lc 6:26

A yic 'oj ex yal eb' 'anma wach'il, caw 'oltac ex, yujto 'ixta yutjnac eb' 'anma yaln wach'l eb' cob' yaljnac 'och sb'a schecb'oc Dios pecti'.

Jn 10:12

'Ay 'aj ton̈j tzmajnax junc mach, tz'ilw calnelu, palta man̈toc caw 'ilm calnelu xoni. Toto tzc'och no 'ocs 'a 'a, yajn̈ej tzyactn can e no calnelu chi sch'ocoj. Tz'at 'eloc, yujto man̈ yico'oc e no'. Ax no 'ocs cha, tzyamn can cot no e no calnelu cha. Tzsactzic can 'at e no yuj no'.

A Tas Sc'ulejnac Eb' Schecab' Jesús Hechos 13:40

Yuj cha, tzeyil wal e b'a. To ma'ay, a tas tz'ib'b'il can yuj eb' schecb' Dios, 'oj jawc 'a eyib'an̈. Yujto yaljnac can eb' 'ixtic:

A Tas Sc'ulejnac Eb' Schecab' Jesús Hechos 13:6

'Ix c'axw 'ec' eb' 'a yol yic Chipre cha, 'ix c'och eb' 'a chon̈b' Pafos. Ata x'ilchj jun win yit israelal eb' yu'uj, tzcuch Barjesús. A win cha, tzyalch sb'a wayjlil, tzcob' yal winac, to a Dios tz'a'n yal-l spaxti'.

Gl 2:4

Yel toni, 'ay jun tzo'n̈ eb' yaljnac 'och sb'a creyenteal. Snib'jnac eb', to 'ajxnac circuncidar Tito cha. Palta a eb' cha, ton̈j c'ultac 'ochnc eb' 'a qui calec, sec tzyil eb', chajtl on̈ 'ajc qui colchj 'el 'a yol sc'ab' ley yic Moisés yuj Cristo Jesús. Yujto tznib'j eb' to tzon̈ 'ochc pax 'a yol sc'ab' jun ley chi jun 'ejm xo.

Ef 4:14

Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

Ef 5:6

Man̈ e cha 'ixtxoc paxti e b'a yuj eb' tzalni, to may yowlal qui b'onec jun tzo'n̈ tzwal tic. Caw wal may yel'ch tas tzyal eb', yujto atn 'a yib'n̈ eb' tzb'on jun tzo'n̈ tic, 'oj cot jun niwn yailal yuj yowl sc'ojl Dios, yujto matz yiclj eb' tas tzyala.

A Scarta San Pablo D'a Eb' Aj Filipos 3:2

Caw tzeyil wal e b'a 'a jun tzo'n̈ eb' 'anma tu snab'en. Caw maysch'olnil tzyutj sb'a eb', yujto tznib'j eb' tzpol-l jac stz'umal e niwnal. A sb'eyb'al eb' cha, lajn 'icha no tz'i', caw yajb'entac tzyutj sb'a eb'.

A Scarta San Pablo D'a Eb' Aj Colosas 2:8

Tzeyil wal e b'a. Man̈ e cha juwc 'el e nab'en yuj jun tzo'n̈ eb' jeln tzyutj yaln yico'. Caw jeln eb' ya'n 'es, palta may jac yel'ch tas tzyal eb' cha, yujto man̈oc 'a Cristo tzcot jun yic eb' cha. An̈j sb'eyb'al yic smam yichm eb' tzyala, yet' jun tzo'n̈ xo cuynb'il yic yolyib'n̈q'uinl tic.

2 Ti 3:13

Palta ax eb' maysch'olnil sb'eyb'al, yet' eb' tz'ixtn paxti yit 'anma'il, 'oj wach' 'atcn eb' 'a maysch'olnil. Tzyixtn paxti eb' junc xo mach. Palta tz'ixtx paxti pax eb' jun xo.

2 Ti 4:3

Yujto 'ay jun tiempoal 'oj jawoc, 'ay eb' man̈x 'oj scha alxoc jun tzo'n̈ cuynb'il yel 'a 'a. Til wal jun tzo'n̈ comn paxti 'oj snib'c eb' yab'i'. Yuj cha, til wal eb' cuywjum 'oj smolb'tzoc cot eb'. Palta a eb' cuywjum cha, ton̈j 'oj scomn alc eb' jun tzo'n̈ comn paxti', 'icha tznib'j eb' 'anma cha.

A Schab'il Carta San Pedro 3:17

Ax xo ex chamc'ojlb'il wu'uj, 'aycto xeyab'ni tastc 'oj jawoc, yuj cha, caw tzeyil wal e b'a 'a eb' maysch'olnil xwal tic, sec ma'oj e somchj 'el yuj jun tzo'n̈ chuc cuynb'ilal cha. Toto ma'ay, caw 'oj juwc e nab'en, ax sat 'ejm e te'nal.

1 Jn 4:1

Ex chamc'ojlb'il wu'uj, toto 'ay eb' tzalni to yic Dios jun tzo'n̈ tas tz'ec' yal eb', man̈ e comn chac eyab' mu'c 'a eb'. Yowlal tze b'ab'l 'a'j prowal eb', toto yel a Dios 'aych yet' eb'. Yujto til wal eb' 'a'm 'es 'ay 'a yolyib'n̈q'uinl tic. Tzcob' yalch sb'a eb' schecb'oc Dios.

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.

Apoc 16:13

Ax xwilni, 'ayc' win dragón, yet' jun noc' sb'i, yet' jun xcob' yalch sb'a schecb'oc Dios. A 'a sti junjn eb', ata x'elt junjn demonio. 'Icha yilx no pajtza', 'ixta junjn eb' demonio chi yoxwn̈il.

Apoc 17:6

Ax xwilni, caw 'u'm 'an̈ 'ix yuj schic'l eb' yic xo Dios, atn eb' milb'il chamoc, yujto xyac' eb' testigoal sb'a yuj Jesús. Xcaw sat in c'ojl wiln jun cha.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.

Apoc 20:10

Ax win diablo, win 'ix 'ixtn paxti eb' cha, 'oj julx can 'at 'a scal jun niwquil c'ac' tzn̈ilchji, caln yaj yet' azufre, 'icha pama', atn 'aj julb'il can 'at jun noc' sb'i, yet' jun cob' yaljnac 'och sb'a schecb'oc Dios. Sc'ual yac'wlil 'oj yab' eb' syal ta 'a smasnil tiempo.