Mt 6:25 - Chuj San Sebastian Bible

²⁵ Yuj cha, tzwal 'ayex, man̈ ex 'och 'il yuj e tzatzl 'a tic, yuj tas 'oj e c'uxu', mto yuj tas 'oj eyuc'; man̈ e na yuj e pichl tzeya'chi. A Dios x'a'n qui tzatzlec, ocxo tas tzqui c'uxec, ¿tom ma'oj yac'a'? A x'a'n qui niwnalec tic, ocxom wal qui pichlec, ¿tom ma'oj yac'a'?

Chuj San Mateo Bible

²⁵ Sval d'ayex, man̈ ex och ilc'olal yuj tas ol ic'an yec' tiempo eyuuj, yuj tas tze va'a yed' pax tas tz'aj e pichchaji. A Dios tz'ac'an co q'uinal, ocxom tas sco va'a, ¿tom man̈ ol yac'a'? A ix ac'an co nivanil, ¿tom man̈ ol yac' pax co pichul?

Mt 6:25 Iomraidhean Croise

Salmos 55:22

'A'ch smasnil a somc'ojlal 'a yol sc'ab' Jehová, ax 'oj 'a'nc a te'nal. A mach yiclum 'a 'a, may xon b'a'n̈ 'oj chaxc telwc yu'uj.

Jeremías 45:5

Caw man̈ smojc a c'ann tas tzach 'aj a q'ue'ch ricoal. Man̈ a c'ana', yujto 'oj wa' cot yailal 'a yib'n̈ smasnil 'anma'. Palta an Jehová in, an tzwala, to yaln̈j 'ajtil 'oj eq'ui, ma'oj ach in cha milxoc chamoc, xchi Dios, xin chi 'a Baruc.

Mt 10:19

Palta a yic 'oj eyajx 'och 'a yol sc'ab' eb' yajl cha, man̈ e na yuj tas 'oj eyala'. Man̈ ex 'och 'il yuj tas 'oj eyutc eyaln 'a eb', yujto a 'a jun rato cha, a Dios 'oj 'a'n nachjc 'el eyu'uj tas 'oj eyala'.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mt 6:31

Yuj cha, caw man̈ ex 'och 'il, man̈ eyal 'ixtic: ¿Tas wal 'oj qui c'uxec? ¿Tas wal 'oj cuq'uec? ¿'aj wal 'oj cot qui pichlec? man̈ xe chioc.

Mt 6:34

Yuj cha, man̈ ex 'och 'il yuj tas eyaj q'uic'an. Yujto man̈ eyojcoc tas 'oj jawc q'ui'n cha, matz tac' tze na yu'uj. Colb'iln̈ej tzqui nac yuj tas tzjaw 'a quib'n̈ec 'a junjn c'u.

Mr 13:11

'Oj eyijx 'at 'a yojltac ewin yajal, palta caw matz e na yuj tas 'oj eyala'. Caw matz ex 'och 'il. A jun tzo'n̈ paxti 'oj 'ajxoc 'ayx yuj Yespíritu Dios 'a jun rato cha, a tzeyala. Yujto man̈oc ex 'oj e paxtini, palta a Yespíritu Dios 'oj paxtinoc.

Mr 4:19

palta cojxn jun tzo'n̈ yic yolyib'n̈q'uinl tic tzna eb'. Tzjuw 'el snab'en eb' yuj snib'n 'och sricoal. Til wal jun tzo'n̈ tas tzcomn nib'j 'och eb'. An̈j 'a jun tzo'n̈ chi tzya'ch eb' snab'en; yuj cha, caw tzjuw 'el spaxti Dios 'a eb', lajn tz'aj eb' 'icha jun tzo'n̈ 'in̈t may xon jac sjolm tzyac'a.

Lc 12:11

A yic 'oj eyijx 'at 'a jun tzo'n̈ capiya, mto 'oj eyijx 'at 'a yojltac ewin juez, mto ewin yajal, man̈ ex 'och 'il yuj tas 'oj eyutc e pacn 'a eb', man̈ e na yuj tas 'oj eyala'.

Lc 8:14

Ax jun tzo'n̈ xo 'in̈t xc'ochcn 'a scal c'ultac, tzyal 'el'chi 'ay eb' 'anma tz'ab'n spaxti Dios. Palta ax yic tzb'ey tiempo, til wal tas tzna eb': tzna eb' ricoal, tznan pax eb' yuj yic sniwnal. Yuj wal jun tzo'n̈ cha, tzjuw 'el eb'. Lajn tz'aj eb' 'icha 'ixm trigo may xon jac sjolm tzyac'a.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

1 Co 7:32

Tzin nib'ej, to matz ex 'och 'il. A eb' may yistzil, tzna eb' tas 'oj yutc ya'n servil Cajlilec, sec tzalj yet' eb'.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.

2 Ti 2:4

Q'uinloc 'ay junc soldado 'aych 'a yopiso ticnec. Matz tac' scomn 'a'n 'at sb'a 'a junc xo comn munljel, yujto cojn jun syajlil 'aj tztac' ya'n servil.

A Sb'ab'el Carta San Pedro 5:7

Jantcn̈ej quilc'ojlalec ca'c 'och 'a yol sc'ab' Dios, yujto a 'aych 'il on̈ yilnec.