Mt 6:2 - Chuj San Sebastian Bible

² Yuj cha, a yic tzex colwj 'a eb' meb'a', man̈toc c'uxn tzeyal yab' eb' 'anma yuj tas tze b'o'o. Yujto a eb' chab'sat yaji, 'ixta tzlaj sb'o eb' 'a yol jun tzo'n̈ scapiya, yet' 'a yol caye, sec tzlaj yal eb' 'anma wach'l eb'. Wal yel tzwal 'ayex, tox schaj eb' spac jun swach'l cha, toxn may spac 'oj scha eb' 'a Dios.

Chuj San Mateo Bible

² Yuj chi', ayic tzex colvaj d'a eb' meb'a', malajocab' b'aj tzeyala', yujto a eb' chab' sat syac' eb' yojtaquejel masanil anima, icha chi' sc'ulej eb' d'a yoltac spatil sculto eb' yed' d'a yol calle yic slaj yal eb' anima to vach' eb'. Val yel sval d'ayex, toxo ix scha spac jun svach'il eb' chi'. Toxon malaj jab'oc spac ol scha eb' d'a Dios.

Mt 6:2 Iomraidhean Croise

Salmos 112:9

Tzyac' eb' siylab' 'a eb' meb'a', ax swach' nab'enal eb' cha, 'oj naxoc cot 'a smasnil tiempo. Til wal 'aj 'oj b'inaxc eb' yuj swach'l cha.

Salmos 37:21

A eb' maysch'olnil snab'en, a yic tz'och eb' majan, man̈xtzac yac' meltzjoc eb' smajn cha; ax eb' wach' snab'en, caw tz'o'ch sc'ojl eb' 'a junc mach, 'ela pax tzyutj sb'a eb'.

Pr 19:17

A mach 'ela 'a eb' meb'a', 'icha to a 'a Jehová wan ya'n junc chi majnil, ax Jehová, a 'oj 'a'noc spac jun swach' nab'enal cha.

Pr 20:6

Til wal eb' tzalni to 'ayn̈j schamc'ojlal eb' 'ayn̈ec, palta jaywn̈ej eb' tztac' ca'nec 'och yipc qui c'ojol.

Ec 11:2

Tzyal 'el'chi, to a tas 'ay 'ayn̈ec, tzqui pojc 'ec' 'a scal eb' 'ay tas 'ay sc'a'l tz'och yu'uj, yujto man̈ cojcoquec tas wan sjaw 'a quib'n̈ec yet' qui chon̈ab'.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 58:7

A eb' 'anma tzcham yuj wejel, 'a'c tas tzc'ux eb' eyet'oc, ax eb' may yatut, 'a'c sposada eb' 'a eyatut. Toto 'ay eb' meb'a man̈x 'a jac spichul, pichc eb' eyet'oc, man̈ eyactc eya'n sniwnal sc'ojl eb' eyit chon̈ab'.

Is 9:17

Yujn̈ej wal jun tzo'n̈ cha, man̈x 'oj 'o'ch sc'ojl Jehová 'a eb' quelmtac winac, 'a eb' meb'a 'unn chamnc smam yet' 'a eb' 'ix 'ix chamnc yichmil. Yujto a eb' 'anma tic, jun 'eln̈ej maysch'olnil eb', tu eb' smasnil, cojn tu paxti'al tzyal eb'. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Mt 15:7

Caw chab'sat ex. Yel ton tas yaljnac can Isaías eyu'uj, yic yaln can 'ixtic:

Mt 16:3

'Ay 'aj tzeyal pax 'a junc sq'uin̈b'ial: A ticnec musan, caw q'uic' 'asun, 'oj yac' n̈ab', xe chi. Jeln ex ton eyiln jun tzo'n̈ 'asun, tzeyalni toto 'oj yac' n̈ab', mto ma'ay. 'Ay wal jun tzo'n̈ xo senya tzch'oxni, tas yaj jun tiempoal tic, palta 'in matz nachj 'el jun tzo'n̈ chi eyu'uj, yuj cha, caw chab'sat ex.

Mt 22:18

Palta yojc Jesús to maysch'olnil wan snan eb' 'a spatic. Yuj cha, xyaln 'a eb' 'ixtic: —Ax tic, caw chab'sat ex. ¿Tas yuj tzin eyac' prowal?

Mt 23:5

Yujn̈ej to tznib'j eb' wach' 'a sat eb' 'anma', tzcob' sb'onc eb' jun tzo'n̈ tas wach' yil eb'. 'Ay jun tzo'n̈ tz'um 'aj tz'ib'b'il 'och jac spaxti Dios, tzya'ch eb' 'a sc'ab' yet' 'a snan̈l sat, caw niwc tzyutj 'och eb' stz'ib'ul sec wach' eb' snan 'a sat eb' 'anma'. Ax sjucn pichl eb' tzya'chi, yel xo wal caw jucn yajch sti yuj eb'.

Mt 23:6

A yic tz'och jun tzo'n̈ niwc wa'el, an̈j 'a 'aj caw wach', an̈jta tz'em wocn eb'. Yet' pax 'a yol capiya, an̈j wal 'a jun tzo'n̈ xila eb' niwc winc tz'em wocn eb'.

Mt 24:51

ax ya'n 'och win patron̈ chi jun niwn yailal 'a yib'n̈ eb', ax ya'n can 'at win eb' yet' eb' yit chab'satil cha. Ata 'oj 'oc' eb', caw 'oj juch'ch'oc ye eb' yab'n syail.

Mt 5:18

Wal yel tzwal 'ayex, yowlal 'oj 'el'choc jantcn̈ej tas tz'ib'b'il can 'a ch'an̈ ley cha. Ya' sb'a 'ayt 'ec' yolyib'n̈q'uinl tic yet' satcha'an̈, may wal jac tas 'a Ch'an̈ Un̈ chi 'oj satli. Wach'xam junc letra, mto junc punto, may wal junc tas 'oj satoc, masnto 'oj 'el'choc jantcn̈ej tas 'ay 'a 'a.

Mt 6:16

A yic tzex 'och 'a c'ajb'c'ojlal, man̈ lajnoc tzeyutj e b'a yet' eb' chab'sat yaji. Yujto a eb' cha, caw cusltac tzyutj eb' sat, sec tzlaj yil eb' 'anma', to 'aych eb' 'a c'ajb'c'ojlal. Wal yel tzwal 'ayex, tox schaj eb' spac jun sc'ajb'c'ojlal cha. Toxn may spac 'oj scha eb' 'a Dios.

Mt 6:3

Ax xo tic, a yic tzex colwj 'a eb' meb'a', caw wal matz tac' eyaln 'a junc xo mach. Wach'xam caw e wach'c'ojol, matz tac' eyaln 'a 'a.

Mt 6:5

A yic tzex leslwi, caw matz tac' tzex leslwi 'icha eb' chab'sat yaji. Yujto a eb' cha, ton̈j tznib'j eb' tzq'ue lin̈n leslwoc 'a yol jun tzo'n̈ scapiya, yet' 'a 'aj tzchaj sb'a caye, sec tzlaj yal eb' 'anma wach'l eb'. Wal yel tzwal 'ayex, a yic tzyaln eb' 'anma wach'l eb' cha, atn spac yic eb' chi wan laj schan 'a eb'.

Mt 7:5

Toto 'ixta tzeyutj eyalni, caw chab'sat ex. Yowlal tze b'ab'l 'ijcan 'elt jun patzb' chi 'a yol e sat cha. 'Ixta to b'i'an 'oj stac' eyilni, ax eyi'n 'elt jun c'alem chi 'a yol sat jun eyit 'anmal cha.

Mr 12:39

A 'a yol capiya, an̈j 'a xila eb' niwc winac, an̈jta tznib'j 'em wocn sb'a eb'. Yet' pax 'a yic tz'och jun tzo'n̈ niwc wa'el, an̈j 'a yet'l eb' niwc winc tz'aj eb'.

Mr 7:6

Yuj cha, xyaln Jesús 'ixtc 'a ewinac: —Ax tic, caw chab'sat ex, yel ton tas yaljnac can Isaías eyu'uj, yic stz'ib'n can 'ixtic: A eb' 'anma tic, tzcob' yal eb' to 'ay wel'ch 'a sat eb', palta ax snab'en eb' caw najt yajl 'ayin.

Lc 11:41

Octom a yet' e nab'en tze ch'oxl e wach'il. Toto 'ixta', 'oj sacb'tzaxc e pixan yet' e nab'en. Tzyal 'el'chi, man̈x 'a maysch'olnil 'aych 'ayex.

Lc 11:43

'Oltacx wal ax fariseo ex tic, a 'a yol e capiya, an̈j wal 'a yet'l jun tzo'n̈ eb' niwc winc 'aj tze nib'j tzex 'em wocan. Yet' pax 'a yic tzex 'ec' 'a caye, tze nib'j tzlaj yic' 'ejm sb'a eb' 'anma 'ayex.

Lc 12:33

Chon̈c can 'el jantcn̈ej tas 'ay 'ayex, ax stojl cha, tze siyj 'a eb' meb'a'. 'Ixta 'oj eyutc e b'on junc e mucuc may b'a'n̈ tz'ichmaxi. Ata 'oj molxoc jun 'icha e ricoal 'a satcha'an̈. A jun cha, may b'a'n̈ 'oj lajwoc. May junc 'elc'm tztac' sc'och yelc' ta'. An̈jtona', may pax no 'ij 'oj 'och 'a 'a.

Lc 12:56

Palta ax tic, caw chab'sat ex. Jeln ex ton e nan 'eli, tas 'oj jawc yuj jun tzo'n̈ chi tzeyil 'a satcha'an̈, yet' 'a sat lum tic. Palta ¿tas yuj matz nachj 'el eyu'uj, tas wal yel'ch jun tiempoal tic?

Lc 13:15

Yuj cha, xyaln pax Cajlil 'ixtc 'a winac: —Ax tic, caw chab'sat ex. Toto 'ay junc e wacax, mto junc e b'uru pixn 'a sc'ul 'iljelal, ¿tom matz e jiy 'el ta, tz'at eya'nc yuc' a'?

Lc 20:46

Tzeyil wal e b'a, sec ma'oj e juw yuj sb'eyb'al ewin cuywjum 'a ley yic Moisés. Yujto caw tzalj ewin yet' jun tzo'n̈ sjucn pichl tzb'eyc' yet'oc. Tznib'n ewin tzlaj yic' 'ejm sb'a eb' 'anma 'a 'a, yic tz'ec' ewin 'a plas. Tznib'n pax ewin tzlaj 'em wocn 'a yet'l eb' niwn yel'ch 'a yol capiya. Yet' 'a yic tzo'ch jun tzo'n̈ niwc wa'el, tznib'j wal ewin tz'em wocn 'a 'ajtil caw wach'.

Lc 6:24

Palta ax xo rico ex ticnec, caw 'oltac ex, yujto tox xeyil swach'l 'a tic.

Lc 6:42

Toto man̈ eyojcoc, to 'aych jun patzb' chi 'a yol e sat, ¿tom 'oj stac' eyaln 'a junx chi 'ixtic? Yaj 'elt jun c'alem 'a yol a sat, tzin nib'j tzwij 'elt 'ayach, ¿tom 'oj e chic 'a 'a? Toto 'ixta tzeyutj eyalni, caw chab'sat ex. Yowlal tze b'ab'l 'ijcan 'elt jun patzb' chi 'a yol e sat cha. 'Ixta to b'i'an, 'oj stac' eyilni. Ax eyi'n can 'elt jun c'alem chi 'a yol sat jun eyit 'anmal cha.

Jn 13:29

A win Judas cha, molm tumn yaj win 'a eb'. Yuj cha, 'ay eb' xcob' nanoc, to tzyal Jesús 'a win yuj tas tz'at sman win yuj jun q'uin̈ cha, mto a jac tumn chi tz'at yac' win 'a eb' meb'a snan eb'.

Jn 5:41

Matz in nib'j to 'ay wel'ch 'a sat eb' 'anma'.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Jn 7:18

A mach tzpaxtin 'a yol yico', ton̈j tzb'an̈ sb'a, sec 'ay yel'ch 'a sat eb' 'anma snani. Palta an tic, tzin nib'ej to a jun checjnacn coti, 'ay yel'ch 'a e sat. Yuj cha, caw yel tzwala. May jac 'es tzwac'a.

A Tas Sc'ulejnac Eb' Schecab' Jesús Hechos 10:2

Caw 'ix ya'ch win snab'en 'a Dios. Caw 'ay xiwc'ojlal win 'a 'a, yet' jantcn̈ej eb' jun yaj yet' 'a yol yatut. Til wal tas 'ix yac' pax 'a eb' israel to meb'a'. Caw tzleslwin̈ej win 'a Dios.

A Tas Sc'ulejnac Eb' Schecab' Jesús Hechos 10:31

'Ix yaln 'ayn 'ixtic: Cornelio, 'ix yab' Dios a lesal, 'ix snan cot pax jun tzo'n̈ a siylab' tzac' 'a eb' meb'a'.

A Tas Sc'ulejnac Eb' Schecab' Jesús Hechos 10:4

'Ix 'och q'ueln Cornelio a jun ángel cha. Caw 'ix xiw win yu'uj: —Mamin, ¿tas tzal 'ayin? xchi win 'a 'a. Yuj cha, xyaln 'a win 'ixtic: —Caw 'ix yab' Dios a lesal. 'Ix yiln pax jun tzo'n̈ a siylab' tzac' 'a eb' meb'a'. Caw matz sat sc'ojl 'a jun tzo'n̈ cha.

A Tas Sc'ulejnac Eb' Schecab' Jesús Hechos 11:29

Yuj cha, ax eb' creyente 'aj Antioquía, 'ix 'el 'a sc'ojl eb' scolwj 'a eb' creyente 'aj Judea. A tzyala, jantc tztac' ya'n junjn eb'.

A Tas Sc'ulejnac Eb' Schecab' Jesús Hechos 24:17

'Ayxm sjayloc ab'il man̈ in 'ayc 'ec' 'a Jerusalén. Yuj cha, in c'ochx jun 'ejm xo, yic tzin colwj 'a eb' meb'a', tzwa'n pax jac in siylab' 'a Dios.

A Tas Sc'ulejnac Eb' Schecab' Jesús Hechos 9:36

A 'a chon̈b' Jope, 'ay jun 'ix creyente Tabita sb'i. Ax 'a griego, Dorcas sb'i 'ix. Til wal tas wach' tzb'o'o, tzcolwj 'ix 'a eb' meb'a'.

Ro 12:8

A mach tztac' ya'n snab'enoc eb', yowlal caw tzmunlj 'a yopiso cha. A mach tztac' scolwj 'a eb' meb'a', yelc'ojlal cab' tzcolwj 'a eb'. A mach 'ay yopiso ya'n cuenta eb' yit creyenteal, caw tzyac' 'ip ya'n cuenta eb'. An̈jtona', a mach tz'o'ch sc'ojl 'a eb' 'aych 'a syailal, yowlal tzcolwj 'a eb' 'a tzaljc'ojlal.

1 Co 13:3

Wach'xam tzqui siyjec 'ec' smasnil tas 'ay 'ayn̈ec 'a eb' meb'a', toxn̈ej tzca'c 'och qui b'a 'a yol sc'ab' chamel, toxn̈ej tz'a qui niwnalec tic, toto may qui chamc'ojlalec, nab'an̈ej tzquixtjec qui b'a, may jac spac 'oj qui cha'ec.

Gl 2:10

Cojn jun tic alb'il yuj eb' 'ayn̈ on̈, to an̈ja tzqui na cot eb' meb'a 'on̈. Atn jun tic 'ayx 'och in nab'en in b'oni.

Ef 4:28

Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.

1 Ts 2:6

Tztac' ton caln qui b'a yajlil 'ayex, yujto schecb' on̈ Cristo on̈. Palta 'in ma'ix quij chan̈ qui b'a 'ayx on̈. An̈jtona', may pax junc xo mach 'aj xquij chan̈ qui b'a on̈.

1 Ti 6:18

Yowlal wach' tzyutj eb' sb'eyb'al, til wal jun tzo'n̈ tas wach' tzb'o eb'. Yowlal tzcolwj eb' 'a eb' meb'a', tzsiyn eb' tastc 'ay 'a 'a.

Filemón 1:7

Caw tzin tzalj o'oj, yujto 'ay ab' a chamc'ojlal ta'. O'oj caw tzjaw sniwnal in c'ojl 'a tic, yujto ach tic wu'tac, caw tzac' stzaljc'ojlal eb' creyente ta'.

A Ch'an̈ Carta D'a Eb' Hebreo 13:16

Man̈ ca'c satc qui c'ojl qui b'on jun tzo'n̈ wach'il, tzon̈ colwjec pax 'a eb' quit 'anma'il. Yujto a jun tzo'n̈ tic, qui xajmb'al yaj 'a sat Dios, caw tzalj yet'oc.

A Sb'ab'el Carta San Pedro 4:11

Toto 'ayn̈ec tztac' caln 'eli, a cab' spaxti Dios tzcalc 'eli. Toto 'ayn̈ec pax tzon̈ 'a'w servil, caw yelc'ojlal tzon̈ munljec, yujto a Dios tz'a'n quip. Wach' tzcutjec qui b'on smasnil tas, sec 'oj alxoc wach' paxti 'a Dios yuj Jesucristo. Alx cab'i' to caw niwn yel'chi, niwn spoder 'a smasnil tiempo. 'Ixta cab' tz'aji.

A Ch'an̈ B'ab'el Libro Samuel 15:30

—Caw x'och in mul, palta tzin tew 'ayach, to 'ay cab' wel'ch 'a a sat 'a yojltac eb' 'ichmtac winac yet' 'a yojltac cab' smasnil eb' quit chon̈ab'. Meltzjan̈ wet'oc, yic tz'at ca'nc 'emmquilal 'a yojltac Jehová qui Diosal, xchi Saúl.