Mt 6:19 - Chuj San Sebastian Bible

¹⁹ Man̈ qui molb'tzoquec qui ricoal 'a yolyib'n̈q'uinl tic. A jun tzo'n̈ cha, tzlajw yuj no 'ij, tzc'uxmaxi, tz'och eb' 'elc'm 'a 'a.

Chuj San Mateo Bible

¹⁹ Man̈ e mol e b'eyumal d'a yolyib'an̈q'uinal tic. A juntzan̈ chi', tz'och ijaxoc, sc'ab'ati, tz'och eb' elc'um d'ay.

Mt 6:19 Iomraidhean Croise

Job 24:16

Ax eb' 'elc'um, a 'a 'ac'wl tz'och eb' 'elc'l 'a te n̈a, ax 'a c'ual, ton̈j tzmacn̈aj sb'a eb'; matz nib'j eb' yil sacq'uinal.

Job 31:24

May 'ajtil to cojn 'a q'uen tumn xwa'ch in nab'en, ma'ix wa'ch pax q'uen oro yipc in c'ojol.

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.

Salmos 62:10

A mach tzyac' ganar tumn 'a spatc maysch'olnil mto yuj 'elc'al, caw matz tac' ya'n 'och jun chi yipc sc'ojol. Toto tzq'ue'ch yet' tas 'ay 'a 'a, matz tac' ya'n 'och sricoal chi yipc sc'ojol.

Ex 22:2

Toto 'ay junc mach wan yoch 'elc'l 'a junc n̈a, ax tz'aji tzyamchji; q'uinloc tzlajwi, mto tzcham yuj yelc'mal cha, toto 'ac'wal, may mach tztac' ya'n yowlal.

Pr 11:4

A wal yic 'oj jawc jun c'u yic 'oj 'och b'eyc'ojlal 'ayn̈ec, caw wal man̈x 'a yel'ch qui ricoalec cha, cojxn qui tojl b'eyb'alec, a 'oj qui colnec 'el 'a yol sc'ab' chamel.

Pr 16:16

Yel xo wach' a jelnal tzqui sayc 'ec' 'a yib'n̈ to tzqui sayc 'ec' q'uen oro. Yel xo pax wach' to a wach' nab'enal tzqui sayc 'eq'ui, 'a yib'n̈ to tzqui sayc 'ec' q'uen plata.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Sofonías 1:18

A wal 'a jun c'u yic 'oj ya'nc Jehová yowl sc'ojl cha, caw ma'oj colchjoc 'el eb' 'anma yuj q'uen oro, mto yuj q'uen plata, yujto yuj yowl sc'ojl cha, 'oj satl smasnil nacion̈. Wal 'a yajn̈ej ax slajw 'el smasnil 'anma 'a yolyib'n̈q'uinl tic, 'icha tz'aj junc tas satl yuj c'ac'.

Mt 19:21

Toto tza nib'j man̈x 'a jac a paltail, 'ixic, 'at chon̈cn 'el jantcn̈ej tas 'ay 'ayach, tza'n stojl 'a eb' meb'a', sec 'oj a cha a ricoal 'a satcha'an̈. Tzlajw cha, tzach japx 'ayin, ax och in cuywumoc, xchi Jesús 'a winac.

Mt 6:20

Yel xo wach' a 'a satcha'an̈, ata tzqui molb'tzejec qui ricoal. Yujto a jun qui ricoal 'a satchan̈ cha, matz 'ocht 'ij, matz c'uxmaxi, man̈x 'a 'elc'm tz'och 'a 'a.

Lc 12:21

'Icha jun winc cha, 'ixta 'oj 'aj eb' wan smolb'tzan sricoal 'a mun yol yico', toto may pax tas wan smolb'tzan eb' 'a yic Dios, xchi Jesús 'a eb'.

Lc 12:33

Chon̈c can 'el jantcn̈ej tas 'ay 'ayex, ax stojl cha, tze siyj 'a eb' meb'a'. 'Ixta 'oj eyutc e b'on junc e mucuc may b'a'n̈ tz'ichmaxi. Ata 'oj molxoc jun 'icha e ricoal 'a satcha'an̈. A jun cha, may b'a'n̈ 'oj lajwoc. May junc 'elc'm tztac' sc'och yelc' ta'. An̈jtona', may pax no 'ij 'oj 'och 'a 'a.

Lc 12:39

Nachj cab' 'el junx 'ab'x tic eyu'uj: Q'uinloc 'ay junc 'elc'um, tz'och 'elc'l 'a yatut junc winac. Q'uinloc yojc win 'ajn̈a cha janc' hora tzc'och win 'elc'm cha. Toto 'ixta', tzmaclj win yila', matz chaj 'och win 'a yol yatut cha.

Lc 18:22

—Palta 'ayt wal junx a palta. 'Ixic, 'at chon̈cn 'el jantcn̈ej tas 'ay 'ayach. Tza'n stojl 'a eb' meb'a', sec 'oj a cha a ricoal 'a satcha'an̈. Tzlajw cha, ax a japx 'ayin, ax och in cuywumoc, xchi 'a winac.

Lc 18:24

Ax xyiln Jesús to caw tzcus winac, yuj cha, xyaln 'ixtic: —A wal eb' rico, q'uinloc 'oj 'och eb' 'a yol sc'ab' Dios, caw teb'il 'oj 'och eb'.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.