Mt 5:46 - Chuj San Sebastian Bible

⁴⁶ Toto cojn eb' 'ay schamc'ojlal 'ayx tze chamc'ojlej, ¿tom 'oj e cha spac jun chi tze na'a? An̈jtona ewin tecm 'el tumin, 'in 'ixta pax tzyutj sb'a ewinac.

Chuj San Mateo Bible

⁴⁶ Tato an̈ej eb' tzex xajanan tze xajanej, ¿tom ol e cha spac jun chi' tze na'a? Ina eb' vin̈ tecumel tumin, an̈eja' icha pax chi' syutej sb'a eb' vin̈.

Mt 5:46 Iomraidhean Croise

Mt 11:19

Xlajw cha, in jaw an 'Ochnc in 'Anmal tic. An xo tic, tzin wan̈ej, tzwu'jn̈ej tas. Palta tzyal eb' 'ixtc wu'uj: A Jesús cha, cojn wal snib'n wa sb'a, 'u'm 'an̈ paxi. Caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xchi eb' wu'uj. Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

Mt 18:17

Palta toto an̈ja matz chaj yab' 'a eb', yel xo wach' tzeyal 'a iglesia. Toto an̈ja matz chaj yab' pax 'a eb', cann̈j cab' 'ixta'. 'Icha junc comn 'anma man̈ 'ojtnacoc Dios, mto junc tecm 'el tumin, 'ixta cab' tz'ajcn 'a e sat.

Mt 5:47

An̈jtona', toto cojn eb' e wach'c'ojl 'aj wach' e paxtini, ¿tom 'ay yel'ch jun chi tze na 'ixta'? An̈jtona eb' man̈ 'ojtnacoc Dios, 'in 'ixta pax tzyutj sb'a eb'.

Mt 6:1

Tzeyil wal e b'a, man̈ cojnoc cab' 'a sat eb' 'anma wach' tzeyutj e b'a. Toto cojn 'a sat eb' wach' tzeyutj e b'a, may jac spac 'oj e cha 'a qui Mam 'ayc' 'a satcha'an̈.

Mr 2:15

Ax yic xc'och Jesús wac 'a yatut win Leví cha, yic 'ix 'em wocn swa yet' eb' scuywum, 'ay pax nan̈l eb' tecm 'el tumn 'ix 'em wocn yet' eb', yet' nan̈l xo eb' maysch'olnil sb'eyb'al. Yujto til wal eb' tox x'och tza'n yu'uj.

Mr 2:16

Ax ewin cuywjum 'a ley yic Moisés, yet' ewin fariseo, 'ix yiln ewinac to wan swa Jesús yet' eb' maysch'olnil sb'eyb'al cha, yuj cha, 'ix yaln ewin 'ixtc 'a eb' scuywum Jesús cha: —¿Tas yuj tzwa Jesús yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewinac.

Lc 15:1

Smasnil eb' tecm 'el tumin, yet' jun tzo'n̈ xo eb' maysch'olnil sb'eyb'al, 'ix jaw eb' 'a Jesús yic tz'ab'xni eb' 'a 'a.

Lc 18:13

Ax win tecm 'el tumn cha, najttac xcan lin̈n winac. Caw 'ix xiw winac. Toxn ma'ix q'ue q'ueln xon win jac 'a satcha'an̈. Caw man̈x oc yaj yilx win yuj scusc'ojlal. Xyaln win 'ixtic: Ach in Diosal, comnoc tz'o'ch wal a c'ojl 'ayin, to caw yel 'ajmul in si'mb'il, xchi win 'a Dios.

Lc 19:2

Ata 'ay jun win rico, Zaqueo sb'i. Sat yaj win 'a eb' tecm 'el tumn 'a jun chon̈b' cha.

Lc 19:7

Ax 'ix yiln eb' 'anma jun cha, til wal tas xlaj yal eb' 'a spatquil Jesús, yujto xc'och 'a yatut jun win maysch'olnil sb'eyb'al, 'ix 'och wan ta'.

Lc 3:12

'Ay pax jaywn̈ eb' tecm 'el tumin, 'ix c'och eb' 'a Juan cha, yic tzya'n 'ajxc bautisar sb'a eb' yu'uj. 'Ix sc'anb'n eb' 'ixtc 'a 'a: —Ach qui cuymal on̈, ¿tas tzcutj qui b'eyb'al on̈? xchi eb' 'a 'a.

Lc 5:29

Ax Leví cha, 'ix ya'ch jun niwn q'uin̈ 'a yatut yic tz'och wa'el, sec tzwa Jesús yet'oc. Til wal eb' tecm 'el tumin, yet' jun tzo'n̈ xo eb' 'anma x'em wocn 'a te mexa yet' eb'.

Lc 5:30

Palta ax ewin fariseo yet' jun tzo'n̈ xo spartido ewinac, atn ewin cuywjum 'a ley yic Moisés, tu xyal ewin 'a eb' scuywum Jesús. 'Ix yaln ewin 'ixtic: —¿Tas yuj junn̈j tzex wa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewin 'a eb'.

Lc 7:29

A eb' comn 'anma', yet' eb' tecm 'el tumin, yic xyab'n eb' tas 'ix yal Juan, 'ix sch'oxl eb' to caw tojl Dios, yujto xyac' eb' 'ajxc bautisar sb'a yuj Juan cha.

Lc 7:34

Xlajw cha, in jaw an 'Ochnc in 'Anmal tic, an xo tic, tzin 'ochn̈j wac 'a 'aj 'ay jun tzo'n̈ q'uin̈. Palta 'ayx tzeyal pax wu'uj: A Jesús cha, cojn wal snib'n wa sb'a, 'u'm 'an̈ paxi, caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xe chi wu'uj.