Mt 5:45 - Chuj San Sebastian Bible

⁴⁵ 'Ixta 'oj eyutc e ch'oxni to yel yunnalx qui Mam 'ayc' 'a satcha'an̈. Yujto a tz'a'n 'emt yoc c'u 'a yib'n̈ eb' maysch'olnil yet' 'a yib'n̈ eb' wach'. An̈jtona', tzya'n pax 'emt n̈ab' 'a yib'n̈ eb' man̈ tojloc snab'en yet' 'a yib'n̈ eb' tojl snab'en.

Chuj San Mateo Bible

⁴⁵ Icha chi' tzeyutej e ch'oxanel e b'a to yel yuninal ex co Mam ay d'a satchaan̈, yujto a tz'ac'anemta yoc c'u d'a yib'an̈ eb' chuc yed' d'a yib'an̈ eb' vach'. An̈ejtona', syac'anpax emta n̈ab' d'a yib'an̈ eb' man̈ tojoloc spensar yed' d'a yib'an̈ eb' tojol spensar.

Mt 5:45 Iomraidhean Croise

Job 25:3

A eb' yángel Dios 'a satcha'an̈, man̈x yalnb'ilc sb'isl eb', ax sacq'uinlal 'ayc' 'a yib'n̈ eb' smasnil.

Salmos 145:9

Caw wal wach'ch 'a yib'n̈ smasnil, caw 'ay a chamc'ojlal 'a yib'n̈ tas b'ob'il o'oj.

Jeremías 5:24

Matz e na xon jac 'ixtic: 'Ay cab' yel'ch Jehová qui Diosalec 'a qui sat, yujto a tz'a'n cot n̈ab' 'a 'icha stiempoal, tzya'n pax 'el-lc sat cawb'enec 'a 'icha stiempoal, man̈ xe chioc.

Mt 5:9

A eb' 'a'm tup owal, caw wach' yic eb', yujto 'oj yal Dios yunnalc eb'.

Lc 6:35

Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

Jn 13:35

Toto tzlaj e chamc'ojloc e b'a junjn ex, 'oj yojcoc 'el eb' 'anma smasnil, to yel in cuywum ex, xchi Jesús 'a eb'.

A Tas Sc'ulejnac Eb' Schecab' Jesús Hechos 14:17

Palta 'ix colwjn̈ej yet' eb', sch'oxn sb'a 'a eb'. Yuj cha, an̈ja ya'n cot n̈ab' 'a quib'n̈ec. Tzya'n sat smasnil tas tzcawjec. A tz'a'n jantcn̈ej tas tzqui c'uxec. Tzya'n pax qui tzaljc'ojlalec, xchi eb'.

Ef 5:1

An̈ec tic, yunnaln̈ec xo Dios ticnec, chamc'ojlb'iln̈ec xo yu'uj. Yuj cha, yowlal tzqui b'eylb'ejc 'icha sb'eyb'al.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

1 Jn 3:9

Toto yel yunnaln̈ec xo Dios, man̈x 'oj qui b'eylb'oc maysch'olnil, yujto jelb'ilx qui nab'enec yuj Dios, lajn x'aj 'icha yico'. A ticnec, man̈xtzac stac' qui b'eylb'anec maysch'olnil cha, yujto yunnaln̈ec xo.