Mt 5:32 - Chuj San Sebastian Bible

³² Palta an tzwal 'ayex, toto 'ay mach tzpoj sb'a yet' yistzil, palta man̈ 'ajmuloc yistl cha, toto 'ixta', tzya't win 'ix 'a 'ajmulal. An̈jtona', tzann̈j mach tzyij sb'a yet' junc 'ix tzpoj sb'a yet' yichmil cha, tz'och pax win 'ajmulal yet' 'ix.

Chuj San Mateo Bible

³² Palta a in tic, sval d'ayex, tato ay mach spuc sb'a yed' ix yetb'eyum, tato man̈ yujoc ajmulal, tato icha chi', a vin̈ tz'ac'anoch ix d'a ajmulal. An̈ejtona', yaln̈ej mach junoc vin̈ tz'ic'an jun ix spucnac sb'a yed' vin̈ yetb'eyum, tz'ochpax vin̈ ajmulal.

Mt 5:32 Iomraidhean Croise

Jeremías 3:9

Yujto may yel'ch 'ajmulal chi 'a sat eb' israel, yuj cha, 'ix juw 'el lum lum tic yuj eb'. 'Ix ya'n eb' 'emmquilal 'a q'uen q'ue'en, yet' 'a te te'.

Mt 5:28

Palta an tzwal 'ayex, tzann̈j mach tz'och q'ueln 'a junc 'ix, tznib'n 'ochi, a jun cha, tox x'och 'ajmulal yet' 'ix 'a snab'en.

Lc 16:18

Toto 'ay junc winc tzpoj sb'a yet' yistzil, tzyi'n win junc xo 'ix, a jun winc cha, tz'och 'ajmulal. Toto 'ay pax junc winc tz'i'n junc 'ix spojjnac sb'a yet' yichmil cha, tz'och pax win 'ajmulal.

Lc 9:30

Yajn̈j wal cha, 'ix wul sch'oxnc sb'a chawn̈ winac, atn Moisés yet' Elías.

Lc 9:35

Xlajw cha, 'ix alx 'emt jun paxti 'ixtc 'a scal 'asn cha: Atn jun Wunnal tic, sic'b'il 'el wu'uj, 'a'c 'och e chicn 'a tas tzyala, xchi.

Ro 7:3

Q'uinloc pitznto yichmil 'ix cha, tzyi'n 'ix junc xo winac, to 'ixta', tz'och 'ix 'ajmulal. Al toto tzcham yichmil 'ix, libre yaj 'ix 'a jun ley cha. Toxn̈ej tzyij sb'a 'ix yet' junc xo winac, matz 'och smul 'ix.

1 Co 7:4

Yujto may yaln yic jun e niwnal chi ya'n mandar sb'a sch'ocoj. A eyichmil cha, a 'ay yaln yic 'ayex. An̈jtona', 'ixta pax ax 'ichmilab'il ex, may yaln pax jun e niwnal chi ya'n mandar sb'a sch'ocoj. A eyistl cha, a 'ay yaln yic 'ayex.

Dt 24:2

A yic tox spoj sb'a 'ix yet' win cha, tztac' snupn pax 'ix yet' junc xo winac.