Mt 5:30 - Chuj San Sebastian Bible

³⁰ Q'uinloc 'ayx pax yuj e wach' c'ab', tzjuw 'el e nab'en. To 'ixta', yel xo wach' tze tzu'l jun e c'ab' cha, tze juln can 'eli, yujto yel xo wach' jab' wal jun e niwnal chi tzsatcni, 'a yib'n̈ to tzex 'atcn 'a infierno yet' e niwnal smasnil. Toto 'ixta', caw maysch'olnil eyico'.

Chuj San Mateo Bible

³⁰ Q'uinaloc ayex yuj e c'ab' ay d'a e vach' tz'ixtaxel e pensar. Tato icha chi', te vach' tato tze tzepel jun e c'ab' chi', tzeyumancaneli. Yujto vach' tato jab'n̈ej e nivanil satcaneli, d'a yichan̈ tzex b'atcan d'a infierno yed' e nivanil chi' smasanil.

Mt 5:30 Iomraidhean Croise

Mt 11:6

Yuj cha, a eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Mt 13:21

palta may ste'nal eb', matz b'ey wal tiempo yuj eb'. Yujto a yic tzjaw yailal, mto tz'ajx 'och 'a yib'n̈ eb' yuj spaxti Dios, yajn̈ej tzjuw 'el snab'en eb'.

Mt 16:23

Palta x'och wal q'ueln Jesús 'a 'a, 'ix yaln 'ixtic: —Ach Satanás 'eln̈ 'a in tz'ey, yujto tza nib'j tzac' juwc 'el in nab'en. Man̈oc jun tzo'n̈ tas yic Dios 'aj tza'ch a nab'en. An̈j jun tzo'n̈ yic 'anma 'aj 'aych a nab'en, xchi 'a 'a.

Mt 17:27

Palta matz qui nib'j to tu tzyab' eb', yuj cha, 'ixc 'a sti a mar. 'At 'ac' 'ejm jun a lucb' 'a yojl a'. A jun chay tzb'ab'l yamchj o'oj, tzejq'ueta. Ax 'a yol sti no 'oj 'ilchjoc jun tumn o'oj. Colb'il 'oj yac' jun tumn chi tztecx 'el 'ayn̈ qui chawn̈il cha. Yuj cha, tzej jun tumn cha, tz'at a'nc 'a eb' tecm 'el tumin, xchi 'a 'a.

Mt 18:8

Toto yuj junc e c'ab' mto yuj junc eyoc tzjuw 'el e nab'en, yel xo wach' tze tzu'li, tze juln can 'eli, sec ma'oj juwc 'el e nab'en 'a jun 'ejmn̈ej. Yujto wach'xam man̈x ex tz'acnoc, toto 'oj e cha e q'uinl 'a jun 'ejmn̈ej, caw wach' eyico'. Palta wach'xam tz'acn e c'ab' yet' eyoc, toto 'oj e 'atcn 'a scal jun c'ac' may b'a'n̈ tztupi, toto 'ixta', caw maysch'olnil eyico'.

Mt 22:13

Yuj cha, xyaln win rey chi 'a jun tzo'n̈ eb' smoso 'ayc' yet' ta': Jalc yoc jun winc tic yet' sc'ab', tzeyi'n ati', tze juln can 'at 'a 'aj 'ay q'uic'q'uinal. Ata 'oj 'oc'oc, ax sjuch'ch'i ye yab'n syal ta', xchi winac.

Mt 25:20

A win chajnac o'e talento cha, a win xb'ab'l c'och 'a winac. 'Ix ya'n win q'uen o'e talento chi 'ix yac' ganar cha, 'ix yaln win 'a win spatron̈ chi 'ixtic: Mamin, a'jnac can o'e talento 'ayin, palta ticnec, yaj pax o'e xo yune q'uen xwac' ganar, xchi winac.

Mt 26:31

Ata xyal Jesús 'ixtc 'a eb': —A 'a jun 'ac'wl tic, c'uxn 'oj somchjoc 'el e nab'en wu'uj. Yujto 'ixtc yaj stz'ib'x can 'a Ch'an̈ U'un̈: ¡'Oj wac' milxc cham jun 'icha yilmal in calnelu yaji, ax eb' 'icha in calnelu cha, 'oj sactzic can 'at eb'! xchi.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Mt 5:29

Q'uinloc 'ay ex, yuj yol e sat 'a e wach', tzjuw 'el e nab'en. To 'ixta', yel xo wach' tzeyij 'el jun yol e sat cha, tze juln can 'eli, yujto yel xo wach' jab' wal e niwnal chi tzsatcni, 'a yib'n̈ to tzex 'atcn 'a infierno yet' e niwnal smasnil. Toto 'ixta', caw maysch'olnil eyico'.

Mr 9:43

Toto yuj junc e c'ab' tzjuw 'el e nab'en, yel xo wach' tze tzu'l jun e c'ab' cha, sec ma'oj juwc 'el e nab'en yuj 'a jun 'ejmn̈ej. Yujto wach'xam junxn̈ej e c'ab', toto 'oj e cha e q'uinl 'a jun 'ejmn̈ej, caw wach' eyico'. Palta wach'xam tz'acn e c'ab', toto 'oj e 'atcn 'a infierno 'a scal c'ac' may b'a'n̈ tztupi, toto 'ixta', caw maysch'olnil eyico'.

Lc 12:5

Palta 'oj wal 'ayex, mach 'aj smoj tzex xiwi: Xiwn̈ec 'a Dios, atn jun 'oj lajwc ex smilni, 'ay pax spoder ex ya'n pax 'at 'a infierno. Atn wal jun chi 'aj smoj tzex xiwi.

Lc 17:2

Toto 'ay mach tz'a'n juwc 'el snab'en junc eb' 'unn to, octom tzjalx 'och junc niwquil q'uen cha 'a sjaj, tzjulx can 'at 'a yojl a mar yic mantzac juw 'el snab'en jun chi yu'uj, toto 'ixta', yel xo wal wach' yico'.

Ro 9:33

Yaljnac Dios yab'xil Cristo 'a Ch'an̈ U'un̈, 'aj alb'il can 'ixtic: A 'a chon̈b' Sión, ata 'oj wa'cn 'och jun mach 'icha junc q'uen q'uen 'aj tztench eb' yoc, tztelw eb' yu'uj, 'ixta 'oj 'aj 'a sat eb'. Palta a eb' 'oj ya'ch sc'ojl 'a 'a, ma'oj somchjc 'el eb' yu'uj, xchi.

1 Co 8:13

Yuj cha, q'uinloc 'ay junc mach 'oj juwc snab'en yuj tas tzin c'uxu. To 'ixta', yel xo am wach' man̈x 'a chib'j 'oj in chi', sec wach' may junc eb' 'oj juwc 'el snab'en wu'uj.

Gl 5:11

An xo tic, ex wu'tac, ex wanab', q'uinloc an̈j 'ijnoc walni, to yowlal tz'ajx circuncidar junjn mach, to 'ixta', tecn am matz ya'ch eb' wit israelal yailal 'a wib'an̈. Q'uinloc tzwal 'ixta', ax eb' cha, matz chichn 'och eb' 'a yab'xil schaml Cristo 'a spenc culus.

A Sb'ab'el Carta San Pedro 2:8

Tzyaln pax junx tic 'ixtic: 'Icha junc q'uen 'aj tztench eb' 'anma yoc, tztelw eb' yu'uj, 'ixta 'oj 'aj 'a sat eb', xchi 'a Ch'an̈. Yujto 'ixta Cristo 'a sat eb' matz ya'ch sc'ojl 'a 'a. Ton̈j tzsomchj 'el eb' yu'uj, yujto matz yiclj eb' spaxti'. Yictax pecti', checl xon yaj eb', to 'ixta 'oj yutc sb'a eb'.