Mt 5:3 - Chuj San Sebastian Bible

³ A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Chuj San Mateo Bible

³ —A eb' snachajel yuuj to man̈ vach'oc eb' d'a yichan̈ Dios, te vach' yic eb', yujto ayxo och eb' d'a yol sc'ab' Dios aj satchaan̈.

Mt 5:3 Iomraidhean Croise

2 Cr 33:12

Palta ax yic xyab'n wal syal cha, 'ix leslwi 'a Jehová sDiosal, xyi'n 'ejm sb'a si'mb'il 'a yojltac sDiosal yet' eb' smam yicham.

2 Cr 33:19

Tz'ib'b'il pax slesal, yet' tas x'aj yo'ch sc'ojl Dios 'a yuj slesl cha. An̈jtona', tz'ib'b'il smasnil smul yet' stenmtaquil, yet' jun tzo'n̈ macsej sb'o chan̈ 'a jolmctac witz yet' 'a 'aj sb'o 'ejm yechl comn dios tzcuch Aserá yet' jun tzo'n̈ xo yechl comn dios, yic mantzac yij 'ejm sb'a 'a Dios. A jun tzo'n̈ cha, ata tz'ib'b'il can 'a ch'an̈ libro yic yab'xil eb' schecb' Dios.

2 Cr 33:23

Palta may xon 'aj 'ix yij 'ejm sb'a 'a yojltac Jehová jun 'ejmoc, 'icha yutjnac yi'n 'ejm sb'a smam.

2 Cr 34:27

'ix a'ch wal 'a a c'ojol, xe'n 'ejm a b'a 'a wojltac an Dios in, yic 'ix ab'ni to 'ay yowl in c'ojl 'a yib'n̈ jun lugar tic, yet' 'a yib'n̈ eb' cajn 'a 'a. Yujto ach 'och 'emmquilal 'a wojltac, xa tzilnjat a pichul, caw ach 'oq'ui, an̈jtona 'in, 'ix wab' tas 'ix ala. An Jehová in, an tzwala.

2 Cr 7:14

palta toto 'oj eyic' 'ejm e b'a, ax sb'inax in b'i eyu'uj, tzex leslwi 'ayin, tzeyaln e b'a 'ayin, tzlajw cha, tze jeln e b'eyb'al. Toto 'ixta', 'oj wab' e lesl 'a satcha'an̈, ax wa'n lajwc e mul, ax wa'n pax yaxb'oc e lu'um.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Salmos 1:1

Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.

Salmos 112:1

¡Alx cab' wach' paxti 'a Jehová! A eb' 'ay yel'ch Jehová 'a 'a, caw wach' yic eb', yujto tzalj eb' sb'eylb'an schecnb'il 'aycni.

Salmos 128:1

Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

Salmos 146:5

Wach' yic eb' tzchan scolwal sDiosal Jacob, atn eb' tzya'ch sc'ojl 'a Jehová qui Diosalec.

Salmos 2:12

'Emn̈ec n̈ojn 'a yojltac Yunnal Dios yet' e xiwc'ojlal. Man̈ eyi' cot yowl sc'ojl 'a eyib'an̈, sec matz ex satl yu'uj, yujto yajn̈j wal cha, tzcot yowal. ¡Caw tzaljc'ojlal yic eb' to a Dios tzya'ch yipc sc'ojol!

Salmos 34:18

La'n yaj 'a stz'ey eb' to man̈x 'anmac yaj spixn tzyab'i, tzcoln 'el eb' tzsomchj 'el snab'en yuj scusc'ojlal cha.

Salmos 41:1

Wach' yic eb' tznan eb' meb'a', yujto a Jehová a 'oj colnc 'el eb' 'a yic stiempoal 'ay yailal.

Salmos 51:17

A jun xajmb'al tza nib'j ach in Diosal, atn yic tzqui nan qui b'a yuj qui mul. Caw matz on̈ a patquilj can 'el an̈ tzquij 'ejm qui b'a 'a yic tzqui nan qui b'a cha.

Salmos 84:12

Mamin Jehová, smasnil tas tztac' o'oj, caw wach' yic eb' tzach 'a'n 'och yipc sc'ojol.

Pr 16:19

Yel xo wach' 'emmquilal tzlaj cutquec qui b'a, junn̈j pax tzon̈ canc yet' eb' meb'a', 'a yib'n̈ pax to tzqui nib'jec to rico on̈c yet' eb' b'an̈quintac yeq'ui.

Pr 29:23

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.

Pr 8:32

A ticnec ex wunnal, 'ab'c wal tas 'oj alxoc 'ayex, b'eylb'ejc jelnal sec 'ayn̈j e tzaljc'ojlal.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Mt 11:6

Yuj cha, a eb' matz somchj 'el snab'en wu'uj, caw wach' yic eb'. 'Ixta tzeyutj eyaln 'a Juan chi e c'ochi, xchi Jesús 'a eb'.

Mt 13:16

Palta ax xo tic, caw wach' eyico', yujto tzeyila, tzeyab'n paxi.

Mt 19:14

Yuj cha, xyaln Jesús 'a eb' scuywum chi 'ixtic: —Chajec cot eb' 'unn 'ayin. Man̈ e tench wan eb'. Yujto cojn eb' lajn snab'en 'icha eb' 'unn tic, an̈j eb' 'ay yaln yic yoch 'a yol sc'ab' Dios 'aj satcha'an̈, xchi 'a eb'.

Mt 24:46

Atn eb' wan smunlj 'icha tznib'j win patron̈ cha, yic 'oj jawc win jun 'ejm xo. Caw wach' yic eb' cha.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Mt 3:2

'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Mt 8:11

Tzwaln pax 'ayex, til wal eb' 'oj cot 'a 'aj tzq'uel c'u, yet' 'a 'aj tz'em c'u. 'Oj 'em wocn eb' swa yet' Abraham yet' Isaac, yet' Jacob 'a 'aj 'aych jun 'aj satchan̈ Yajlil.

Mr 10:14

Yic xyiln Jesús jun cha, 'ix cot yowl 'a eb', 'ix yaln 'ixtic: —Chajec cot eb' 'unn 'ayin, man̈ e tench wan eb', yujto cojn eb' lajn snab'en 'icha eb' 'unn tic, cojn eb' 'ay yaln yic yoch 'a yol sc'ab' Dios.

Lc 11:28

Palta xyaln pax Jesús 'ixtic: —Yel xo wal 'ec'b'al swach'l yic eb' tz'ab'n tas tzyal Dios, tzyiclni pax eb', xchi.

Lc 18:14

An tzwal 'ayex, a win tecm 'el tumn cha, yic mantzac pax win 'a yatut, yajn̈j cha, xyaln Dios to wach' win 'a sat. Palta ax win fariseo cha, ma'ix yal Dios to wach' win 'a sat. Yujto a eb' tzyij chan̈ sb'a, man̈x 'a jac yel'ch 'oj 'aj eb'. Ax eb' tzyij 'ejm sb'a, caw niwn yel'ch 'oj 'aj eb', xchi Jesús.

Lc 22:29

Yuj cha, 'oj ex wa'ch yajlil, 'icha in 'aj woch yajlil yuj qui Mam Dios.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Jn 20:29

—Tomás, xa'ch a c'ojl 'ayin, yujto in ela. Ax eb' matz in 'ilni, palta toto tzya'ch eb' sc'ojl 'ayin, yel xo wach' yic eb', xchi Jesús.

Dt 8:2

Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

Santiago 1:10

Palta ax xo rico ex, toto tznachj 'el eyu'uj, to may eyel'ch 'a yol eyico', 'oj e tzalj jun xo. Yujto a eb' rico, 'icha yel snichte', 'ixta 'oj 'aj 'el'ch eb'.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Apoc 19:9

'Ay jun ángel 'ix aln 'ixtc 'ayin: —Tza tz'ib'j jun tzo'n̈ 'oj wal tic: A eb' 'awtb'il 'a jun q'uin̈ nupnel yic jun tzcuch Calnelu, caw wach' yic eb', xchi. 'Ix yaln pax 'ayn 'ixtic: —A jun tzo'n̈ paxti tic caw yel, yic Dios, xchi 'ayin.

Apoc 22:14

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.

Apoc 3:17

Yujto wan eyaln 'ixtic: An̈ec tic caw rico on̈c 'a sat Dios, caw wach'n̈ec. May jac qui paltailec, xcob' e chioc. Palta man̈ jac tznachj 'el eyu'uj, chajtlto may e ch'olnil, may jac eyel'chi. Yuj cha, 'icha junc mach caw may xon jac tas 'ay 'a 'a, matz uj yilni, jitn 'el paxi, 'ixta 'ex.