Mt 5:21 - Chuj San Sebastian Bible

²¹ 'Ay 'aj xcab'c tas alb'il can 'a eb' qui mam quichmec 'a pecti', 'a 'aj tzyal 'ixtic: Man̈ ex milwoc cham 'anma'. Tzann̈j mach tzma'n cham junc yit 'anma'il, yowlal tz'ijx 'at 'a sat ley, axta tzb'eyc'ojlaxi, xchi.

Chuj San Mateo Bible

²¹ Cab'nac tas alb'ilcan d'a eb' co mam quicham d'a peca'. Xchi icha tic: Man̈ e mac'cham eb' eyetanimail. Yaln̈ej mach smac'ancham junocxo anima, yovalil ol c'och d'a yichan̈ ley, axo ta' ol ch'olb'itaj tas yaji, xchi.

Mt 5:21 Iomraidhean Croise

A Ch'an̈ Schab'l Libro Samuel 20:18

Yuj cha, 'ix chan 'el 'ix yich yaln 'ixtic: —'A yictax pecti', tzalx 'ixtic: A mach tznib'j tzyojquej 'el junc tas, tzc'anb'j cab' yab' 'a Abel, xchi. 'Ixta tz'aj sb'o yaj junc tas.

2 Cr 19:5

'Ix ya'ch eb' juez 'a smasnil chon̈b' to 'aych smuroal 'a yol yic Judá.

Ex 20:13

Man̈ ex milwoc cham 'anma'.

Nm 35:12

Ata tzcol sb'a junc 'anma cha. Wach'xam tzsayx 'ec' yuj junc 'ayt yuj sb'a yet' jun tzcham cha, matz tac' scomn chami, toto mantzac b'eyc'ojlax yuj eb' yajl yaj 'a scal eb' chon̈b' cha.

Mt 5:27

'Ay 'aj xcab'c tas alb'il can 'a sley Dios, yic yaln can 'ixtic: Man̈ e b'o 'ajmulal 'a yol sc'ab' eyitb'eym junjn ex, xchi.

Mt 5:33

'Ay 'aj xcab'c tas alb'il can 'a eb' qui mam quichmec pecti', 'a 'aj tzyal 'ixtic: Toto tze loc sb'i Cajlil, yic tzeya'n e ti', yowlal tzeyac' 'el'choc jun tzo'n̈ tas tzeyalcn cha, xchi.

Mt 5:38

'Ay 'aj xcab'c tas alb'il can pecti', 'a 'aj tzyal 'ixtic: Toto 'ay mach tzma'n poj yol sat, mto tzma'l ye junc mach, 'icha wal cab' tz'aj yab'n syal junc cha, 'ixta pax tz'aj jun tz'och smul cha, xchi.

Mt 5:43

'Ay 'aj xcab'c tas alb'il can pecti', 'a 'aj tzyal 'ixtic: Tze chamc'ojlej eb' wach' tzyutj sb'a 'ayex. Ax eb' 'ajc'ojl yajch 'ayex, tzex chichn 'och 'a eb', xchi.

Dt 16:18

Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

Dt 5:17

Man̈ ex milwoc cham 'anma'.

1 Jn 3:15

Toto tzon̈ chichnec 'och 'a junc quit creyenteal, ax 'a sat Dios, milm on̈c cham 'anma'. Palta cojquec, may junc milm cham 'anma 'ay sq'uinl 'a jun 'ejmn̈ej.