Mt 5:19 - Chuj San Sebastian Bible

¹⁹ 'Ay jun tzo'n̈ checnb'il 'a ch'an̈ ley cha, 'icha to may wal yel'chi. Palta tzann̈j eb' matz yiclni smasnil, tzyaln pax eb' 'a eb' 'anma', sec matz yiclj pax eb', toto 'oj c'och eb' 'a yol sc'ab' jun 'aj satcha'an̈, yel xo wal may yel'ch 'oj 'aj eb' ta'. Palta ax eb' tzyiclni tas tzyal jun ley cha, tzyaln pax eb' 'a eb' 'anma', sec tzyiclj pax eb', ax yic 'oj 'och eb' 'a yol sc'ab' jun 'aj satcha'an̈, yel xo wal niwn yel'ch 'oj 'aj eb'.

Chuj San Mateo Bible

¹⁹ Ay juntzan̈ checnab'il d'a jun ley chi', ichato malaj val yelc'ochi, palta yaln̈ej mach max c'anab'ajan smasanil, syalanpax d'a eb' anima to max sc'anab'ajej pax eb', tato ol c'och eb' d'a yol sc'ab' Dios d'a satchaan̈, val yel malaj val ol aj yelc'och eb' d'a scal eb' ayec' ta'. Palta a eb' sc'anab'ajan tas syal jun ley chi', syalanpax d'a eb' anima to sc'anab'ajej eb', ayic ol c'och eb' d'a yol sc'ab' Dios chi', yel ton val te nivan ol aj yelc'och eb' d'a scal eb' ayec' ta'.

Mt 5:19 Iomraidhean Croise

Salmos 119:128

Tzin b'eylb'ej jun tzo'n̈ a checnb'il tic, ax smasnil b'eyb'al to man̈ yeloc, xin yajcn 'el eb'.

Salmos 119:6

Toto 'ixta', matz in q'uixwi yic tzin nan cot smasnil a checnb'il cha.

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Mt 11:11

Wal yel tzwal 'ayex, a 'a scal eb' 'anma 'a yolyib'n̈q'uinl tic, may junc mach 'ec'b'al yel'ch 'a yib'n̈ Juan Bautista cha. Palta ax eb' 'aych 'a yol sc'ab' Dios, wach'xam eb' caw may yel'chi, yel xo 'ec'b'al swach'l yic eb' 'a yib'n̈ yic Juan cha.

Mt 19:28

—Wal yel tzwal 'ayex: At 'a yic 'oj 'a'tb'oc smasnil tas, ax e chan spac eyico'. An 'Ochnc in 'Anmal tic, 'oj wem wocn 'a in despacho 'a 'aj 'oj checljoc 'el in poder. Ax xo ex 'och in cuywumoc tic, 'oj eyem wocn e lajchwan̈il 'a junjn e despacho. Ax e b'eyc'ojlan eb' quit israelal slajchw macn̈il.

Mt 20:26

Palta ax tic, man̈ 'ichcta 'oj 'aj 'a e cal. Toto 'ay ex, tze nib'j caw niwn eyel'ch 'a e cal, yowlal tzex 'och ya'malc servil eb' eyit cuywumal smasnil. Toto 'ixta', caw niwn eyopiso.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Lc 1:15

Caw niwn 'oj 'aj 'el'ch 'a sat Dios. May xon 'aj 'oj yuc' yal uva. May 'aj 'oj yuc' pax 'an̈. A yic 'oj 'aljoc, ax yochcn Yespíritu Dios 'a 'a.

Lc 11:42

'Oltacx wal ax fariseo ex tic. Tzeyac' cob' sdiesmoal jun tzo'n̈ te 'alwena, yet' jun tzo'n̈ te ruda. Jantcn̈ej jun tzo'n̈ xo 'itaj, c'uxn tzeyac' sdiesmoal. Palta tze na'a, to man̈ yowlalc tojl tzeyutj e nab'en. Man̈ yowlalc tze chamc'ojlej Dios. Octom wal xe b'eylb'ej jun tzo'n̈ tic, ax jun tzo'n̈ xo tze b'o cha, matz eyactj can cab' e b'oni.

Lc 9:48

Xyaln 'a eb' scuywum chi 'ixtic: —Tzann̈j mach tzchan junc 'unn 'icha jun tic, yujto wico', an ton tzin scha'aj. Man̈ cojnoc in tzin scha'a, tzchaj pax jun mach checjnacn coti. A mach yel xo tzyij 'ejm sb'a 'a e cal, atn jun chi yel xo wal niwn yel'chi, xchi 'a eb'.

A Tas Sc'ulejnac Eb' Schecab' Jesús Hechos 1:1

An Lucas in tic, tzin tz'ib'j 'at 'aych Teófilo. 'Ay jun b'ab'l un̈ tz'ib'b'ilx 'at wuj 'ayach. Ata xwala, jantc tas 'ix sb'o Jesús, yet' tas xyac' cuyxoc, yictax syamn 'och scuywji,

Ro 3:8

'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

Ro 6:1

¿Tas tze na'a? ¿Tom wach' an̈ja qui b'onec maysch'olnil, sec yel xo wal 'oj yac' Dios niwnc'ojlal 'ayn̈ec, ax swach' checlj 'el swach'c'ojlal 'ixta'?

Ro 6:15

A ticnec, 'ayn̈ec 'ec' 'a yol sc'ab' swach'c'ojlal Dios, man̈xoc 'a yol sc'ab' ley yic Moisés. Palta ¿tas tze na'a? ¿Tom yuj cha, tztac' an̈ja qui b'onec maysch'olnil? Ma'ay, caw wal man̈xtzac stac'a.

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.

Dt 27:26

Catb'tzaxc cab' eb' to matz yiclni jun tzo'n̈ checnb'il tic, yet' pax eb' matz b'eylb'ani, xchi eb' levita. 'Ixta cab' tz'aji, 'oj xchic eb' chon̈ab'.

1 Ti 6:11

Ach xo Timoteo, yic xo Dios aji. Caw man̈ a b'o jun tzo'n̈ maysch'olnil xwal tic. Caw tojl tzotj a b'eyb'al. Cojn Dios 'aj tza'ch a c'ojol, yet' a nab'en. 'Ay cab' a chamc'ojlal. Caw te'n tzotj a b'a ab'n syail. Caw 'emmquil tzotj a b'a.

Tito 3:8

A jun tzo'n̈ tic, caw yel. Tzin nib'j caw te'n tzotj a b'a aln 'el jun tzo'n̈ cuynb'il tic, sec wach' a eb' tzya'ch sc'ojl 'a Dios, 'oj ya'ch wal eb' snab'en sb'on jun tzo'n̈ tas wach'. A jun tzo'n̈ cuynb'il tic, caw wach'. Caw 'ay yopiso 'ayon̈ yet' 'a smasnil 'anma'.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

1 Jn 3:4

A mach tzb'eylb'an maysch'olnil, matz yiclj jun tzo'n̈ schecnb'il Dios. Yujto a mach matz yiclni jun tzo'n̈ schecnb'il cha, maysch'olnil tas tzb'o'o.

Apoc 2:20

Palta 'ay wal jab' in c'ojloc 'ayex. Yujto tze chaj 'och 'ix Jezabel 'a e cal. A jun 'ix cha, tzcob' yalch sb'a schecb'oc Dios, palta ton̈j tzyixtj paxti 'ix eb' tzin 'a'n servil. Yujto a tz'a'n sc'ojloc eb', sec tzb'o eb' 'ajmulal, tzchin pax eb' jun tzo'n̈ xajmb'al tz'ajx 'a jun tzo'n̈ tzalx 'och diosal.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.