Mt 5:18 - Chuj San Sebastian Bible

¹⁸ Wal yel tzwal 'ayex, yowlal 'oj 'el'choc jantcn̈ej tas tz'ib'b'il can 'a ch'an̈ ley cha. Ya' sb'a 'ayt 'ec' yolyib'n̈q'uinl tic yet' satcha'an̈, may wal jac tas 'a Ch'an̈ Un̈ chi 'oj satli. Wach'xam junc letra, mto junc punto, may wal junc tas 'oj satoc, masnto 'oj 'el'choc jantcn̈ej tas 'ay 'a 'a.

Chuj San Mateo Bible

¹⁸ Val yel sval d'ayex, yovalil ol elc'och masanil tas tz'ib'ab'ilcan d'a jun ley chi'. Yacb'an ayto ec' jun yolyib'an̈q'uinal tic yed' satchaan̈, malaj val jab'oc Slolonel Dios Tz'ib'ab'ilcan chi' ol sateloc. Vach'chom a junoc letra, ma junoc punto, malaj val junoc tas ol sateloc, masanto ol elc'och masanil tas tz'ib'yajcan d'ay.

Mt 5:18 Iomraidhean Croise

Salmos 102:26

Smasnil jun tzo'n̈ tic, 'oj lajwc 'eq'ui, palta ach xo tic, 'aychn̈ej 'eq'ui. Smasnil jun tzo'n̈ tic, 'oj 'ichmaxc eb' 'icha te pichul. Ach 'oj a satli. 'Icha tzyac' junc mach tzjul-l junc spichul, 'ixta wal 'oj otoc.

Salmos 111:8

Jun 'ejmn̈ej wach' yaj eb' sb'o'i. Xya'cn jun tzo'n̈ tic yuj schamc'ojlal yet' stojlal.

Salmos 119:152

Niwn xo tiempo wojcan 'el jun tzo'n̈ a paxti tic, to 'ayc'n̈ej eb' oj 'a smasnil tiempo.

Is 40:8

A te c'ultac tztacj 'ejm te', tzlaj pucl snich te', palta ax spaxti qui Diosal, caw 'ayc'n̈ej 'a jun 'ejmn̈ej, xchi 'ayin.

Is 44:26

Palta an tic, tzwac' 'el'choc tas tzyal eb' in checab', sec wach' tz'aj 'el'ch tas tzyal eb' cha. An 'oj walxi ax scajx pax Jerusalén jun 'ejm xo, ax eb' lum chon̈b' juwnac can 'a yol yic Judá, 'oj 'ajxoc b'o eb' jun 'ejm xo. An 'oj wala', ax sb'ox eb' jun 'ejm xo 'a yet'l 'aj juwnac cha.

Is 51:6

Q'uen̈ec q'ueln 'a satcha'an̈, tzex 'emx q'ueln 'a sat lum tic: A satcha'an̈, 'oj sat 'ejm 'icha tzyac' te tab'. Ax lum lum tic, 'oj 'ichmaxc lum 'icha tzyac' junc pichul. 'Ichan̈ej tz'aj scham no 'us, 'ixta 'oj 'aj scham eb' 'anma cajn 'a sat lu'um. Palta ax colnb'il tzwac'a, 'ayc'n̈ej 'a jun 'ejmn̈ej, a 'in tojlal may slajub'.

Mt 10:15

Wal yel tzwal 'ayex, a yic 'oj jawc jun c'u yic sb'eyc'ojlal Dios, yel xo wal niwn syailal eb' 'oj 'ajxc 'a yib'n̈ eb' 'aj Sodoma yet' eb' 'aj Gomorra.

Mt 10:23

A yic tzya'n eb' stul 'ayx 'a junc chon̈b' 'aj 'ayx 'eq'ui, tzex 'at 'elc 'a junc xo chon̈ab'. Wal yel tzwal 'ayex, a yic mantzac ex lajw 'ec' 'a smasnil jun tzo'n̈ schon̈b' eb' quit israelal, ax in japx an 'Ochnc in 'Anmal tic.

Mt 10:42

Tzann̈j mach tzsiyn junc vaso sicl a 'a junc eb' in cuywum, wach'xam junc may wal yel'chi, palta yujn̈ej to in cuywum, wal yel 'oj scha spac.

Mt 11:11

Wal yel tzwal 'ayex, a 'a scal eb' 'anma 'a yolyib'n̈q'uinl tic, may junc mach 'ec'b'al yel'ch 'a yib'n̈ Juan Bautista cha. Palta ax eb' 'aych 'a yol sc'ab' Dios, wach'xam eb' caw may yel'chi, yel xo 'ec'b'al swach'l yic eb' 'a yib'n̈ yic Juan cha.

Mt 13:17

Wal yel tzwal 'ayex, til wal eb' schecb' Dios pecti', yet' jun tzo'n̈ xo eb' caw tojl sb'eyb'al, snib'jnac eb' yil jun tzeyil tic, palta ma'ix yil eb'. Snib'jnac pax eb' yab' jun tzo'n̈ tzeyab' tic, palta ma'ix yab' eb'.

Mt 16:28

Wal yel tzwal 'ayex, 'ay jun tzo'n̈ ex 'a tic, mantzac ex chami, ax in jaw an 'Ochnc in 'Anmal tic, ax wa'n yajlil, xchi 'a eb'.

Mt 17:20

—Ma'ix 'eli, yujto ma'ix eya'ch Dios 'a e c'ojol. Wal yel tzwal 'ayex, toto tzeya'ch e c'ojl 'a 'a, wach'xam caw jab' 'icha jun pilc sat te rechiwo, 'oj stac' eyaln 'ixtc 'a jun witz tic: Eln̈ 'a et'l tic, 'ixc 'a junc xo lugar, 'oj e chioc. To 'ixta', 'oj 'el eyu'uj. Smasnil tas 'oj stac' eyu'uj, toto yel tzeya'ch Dios 'a e c'ojol.

Mt 18:18

Wal yel tzwal 'ayex, tzann̈j tas 'oj eyal to 'ay yowlal 'a yolyib'n̈q'uinl tic, 'ay pax yowlal 'a sat Dios 'aj satcha'an̈. An̈jtona', tzann̈j tas 'oj eyal to may yowlal 'a yolyib'n̈q'uinl tic, may pax yowlal 'a sat Dios.

Mt 18:3

'Ix yaln 'a eb' 'ixtic: —Wal yel tzwal 'ayex, toto matz e jel e nab'en, toto man̈ lajnoc tz'aj e nab'en 'icha eb' 'unn tic, ma'oj stac' eyoch 'a yol sc'ab' Dios.

Mt 19:23

Xlajw cha, xyaln pax Jesús 'ixtc 'a eb' scuywum: —Wal yel tzwal 'ayex, a wal eb' rico, caw teb'il 'oj 'och eb' 'a yol sc'ab' Dios 'aj satcha'an̈.

Mt 19:28

—Wal yel tzwal 'ayex: At 'a yic 'oj 'a'tb'oc smasnil tas, ax e chan spac eyico'. An 'Ochnc in 'Anmal tic, 'oj wem wocn 'a in despacho 'a 'aj 'oj checljoc 'el in poder. Ax xo ex 'och in cuywumoc tic, 'oj eyem wocn e lajchwan̈il 'a junjn e despacho. Ax e b'eyc'ojlan eb' quit israelal slajchw macn̈il.

Mt 21:21

—Wal yel tzwal 'ayex, toto tzeya'ch Dios 'a e c'ojol, toto may e chab'c'ojlal, tzann̈j tas 'oj stac' eyu'uj. Man̈ cojnoc tas xin b'o 'a te higo tic 'oj stac' eyu'uj. Palta tztac' eyaln 'a jun witz tic: 'Eln̈ 'a et'l tic, julb't a b'a 'a yojl a mar, toto 'oj e chioc, 'oj stac' eyu'uj.

Mt 21:31

A ticnec, tzin c'anb'j 'ayex, ¿mach junc eb' 'unnab'il chi tzyiclni 'icha tznib'j smam cha? xchi Jesús 'a ewinac. —Atn win b'ab'l 'unn chi tzyiclni 'icha tznib'j smam cha, xchi ewinac. Yuj cha, xyaln pax Jesús 'ixtc 'a ewinac: —Wal yel tzwal 'ayex, toto 'ayx 'oj eyoch 'a yol sc'ab' Dios, a wal eb' tecm 'el tumin, yet' eb' 'ix 'ajmul 'ix, 'oj b'ab'l 'och eb' 'ayex.

Mt 23:36

Wal yel tzwal 'ayex, a schaml junjn eb' cha, 'oj 'och e mulc ax to 'ayx 'ec' ticnec.

Mt 24:2

Yuj cha, xyaln 'a eb' 'ixtic: —A jun tzo'n̈ niwc n̈a tic, c'uxn 'oj lan̈chjc 'ejm smasnil, yet' jun tzo'n̈ q'uen tusb'il q'ue tic, tzwal 'ayex to man̈x 'a junc 'oj can 'a yib'n̈ yit q'uenal, xchi 'a eb'.

Mt 24:47

Wal yel tzwal 'ayex, 'oj ya'ch win eb' smoso chi yajlil 'a yib'n̈ smasnil tas 'ay 'a 'a.

Mt 25:12

Palta xyaln 'elt win 'ixtc 'a eb': Ma'ay, wal yel tzwal 'ayex, man̈ ex wojcoc, xchi win 'a eb' 'ix. 'Ixta tzyal jun 'abx tic.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 25:45

Palta 'oj wal 'ixtc 'a eb': Wal yel tzwal 'ayex, a yic ma'ex colwj 'a jun tzo'n̈ eb' tic, wach'xam may yel'ch eb', tzyal 'el'chi, a 'ayn ma'ex colwji, 'oj in chic 'a eb'.

Mt 5:26

Wal yel tzwal 'ayex, ma'oj eyel 'a libre, masnto tz'acn 'oj eya'cn jun e multa chi smasnil.

Mt 6:16

A yic tzex 'och 'a c'ajb'c'ojlal, man̈ lajnoc tzeyutj e b'a yet' eb' chab'sat yaji. Yujto a eb' cha, caw cusltac tzyutj eb' sat, sec tzlaj yil eb' 'anma', to 'aych eb' 'a c'ajb'c'ojlal. Wal yel tzwal 'ayex, tox schaj eb' spac jun sc'ajb'c'ojlal cha. Toxn may spac 'oj scha eb' 'a Dios.

Mt 6:2

Yuj cha, a yic tzex colwj 'a eb' meb'a', man̈toc c'uxn tzeyal yab' eb' 'anma yuj tas tze b'o'o. Yujto a eb' chab'sat yaji, 'ixta tzlaj sb'o eb' 'a yol jun tzo'n̈ scapiya, yet' 'a yol caye, sec tzlaj yal eb' 'anma wach'l eb'. Wal yel tzwal 'ayex, tox schaj eb' spac jun swach'l cha, toxn may spac 'oj scha eb' 'a Dios.

Mt 8:10

Ax yic xyab'n Jesús jun tzo'n̈ cha, caw sat sc'ojl yab'ni. Yuj cha, xyaln 'ixtc 'a eb' ajun yet'oc: —Wal yel tzwal 'ayex, mant 'a junc quit israelal xwil ya'n 'och sc'ojl 'a Dios 'icha jun win tic.

Mr 10:15

Wal yel tzwal 'ayex, a eb' matz chan Dios Syajlilc 'icha tzchaj junc 'unin, ma'oj 'och eb' 'a yol sc'ab', xchi Jesús 'a eb'.

Mr 10:29

—Wal yel tzwal 'ayex, tzann̈j mach tzyactj can yatut wu'uj, mto yu'tac, yanab', smam snun, yunnal, mto slum tzyactj can wu'uj, yuj jun wach' 'ab'x yic colnb'il,

Mr 11:23

Q'uinloc 'ayx tzeyal 'a jun witz tic: 'Eln̈ 'a et'l tic, julb't a b'a 'a yojl a mar, q'uinloc xe chi, toto may e chab'c'ojlal, toto tzeya'ch 'a e c'ojol to 'oj 'el'choc 'icha tzeyala, wal yel 'oj b'o eyuj 'icha tzeyal cha.

Mr 12:43

Ax Jesús, 'ix yawtn cot eb' scuywum, 'ix yaln 'ixtc 'a eb': —Wal yel tzwal 'ayex, a jun 'ix chamnc yichmil tic, caw meb'a 'ix, palta a jun yofrenda tic xyac'a, 'ec'b'al xo yel'ch 'a yib'n̈ yofrenda smasnil jun tzo'n̈ xo eb' x'ec' yac' 'ejm yic 'a yol jun chalab' ofrenda tic.

Mr 13:30

Wal yel tzwal 'ayex, ma'oj satl jun tzo'n̈ 'anma tic, masnto 'oj 'e'cn jun tzo'n̈ xwal tic smasnil.

Mr 14:18

Yic wan swa eb' 'a te mexa cha, 'ix yaln Jesús 'ixtic: —Wal yel tzwal 'ayex, 'ay jun 'a qui calc tic, 'oj wa'n 'och 'a yol sc'ab' chamel. A jun cha, wan swa wet'oc, xchi 'a eb'.

Mr 14:25

Wal yel tzwal 'ayex, man̈x 'a junc yal uva 'oj wuc', masnto 'a jun c'u 'oj wuc' jun yal uva 'a't 'a yic 'oj 'och Dios Yajlil, xchi Jesús 'a eb'.

Mr 14:30

—Wal yel tzwal 'ayach, a 'a jun 'ac'wl tic, yic mantzac 'oc' no 'ajtzo 'a scha'ejmal, 'ox 'ejm 'oj e'l 'a eb'an̈, chajtlto man̈ in ojcoc, xchi Jesús.

Mr 14:9

Wal yel tzwal 'ayex, tzann̈j lugar 'a yolyib'n̈q'uinl tic 'aj 'oj alxc 'el wach' 'ab'x yic colnb'il, 'oj alxc pax 'el yab'xil tas 'ix sb'o jun 'ix tic, yic 'oj naxc cot 'ix, xchi 'a eb'.

Mr 3:28

Wal yel tzwal 'ayex, tzann̈j smul eb' 'anma', yet' jantcn̈ej b'uchwal paxti tzyal eb' 'a spatc Dios, 'oj stac' yajx lajwc yuj Dios.

Mr 6:11

Toto 'ay 'aj matz ex schaj eb' 'anma cha, toto matz nib'j eb' tzyab'i, tzex 'el 'a jun lugar cha. Tze ma'cn 'el spoccal eyoc, yic tze ch'oxn 'eli, to man̈x 'a eyaln eyic 'a eb'. [Wal yel tzwal 'ayex, a yic 'oj jawc jun c'ul yic sb'eyc'ojlal Dios, yel xo wal niwn yailal 'oj 'ajxc 'a eb' matz ex chan chi 'a yib'n̈ eb' 'aj Sodoma yet' eb' 'aj Gomorra,] xchi Jesús 'a eb'.

Mr 8:12

Ax Jesús, si'sni sjaw sc'ojol, 'ix yaln 'ixtic: —Ax tic, ¿tas yuj tze c'an eyil junc milagro 'ayin? Wal yel tzwal 'ayex, may junc milagro 'oj ch'oxxoc eyila', xchi Jesús.

Mr 9:1

'Ix yaln pax Jesús 'ixtic: —Wal yel tzwal 'ayex, 'ay jun tzo'n̈ ex 'a tic mantzac ex chami, ax eyiln sch'oxn 'el sb'a Dios to wan ya'n yajlil yet' spoder, xchi 'a eb'.

Mr 9:41

Toto 'ay mach tzcolwj 'ayex, yujto wic ex an Cristo in tic, wach'xam cojn junc waso a tzsiyj eb', yowlal 'oj scha eb' spac.

Lc 11:51

Til wal eb' schecb' Dios milxnac chamoc, yictax smilx cham Abel masnto c'ochnc stiempoal scham Zacarías, atn win milxnac cham 'a snan̈l jun yet'l xajmb'al yet' scajnub' Dios. Palta an tzwal 'ayex, jantcn̈ej eb' milb'il cham cha, 'oj ya'ch Dios 'a eyib'an̈.

Lc 12:37

A wal eb' moso chi pitzan yic tzjaw spatron̈ cha, caw wach' yic eb'. Wal yel tzwal 'ayex, caw a win patron̈ chi 'oj 'a'n 'ejm wocn eb' smoso chi wa'oc, ax ya'n servil win eb'.

Lc 13:35

'Ab'ec, a jun e chon̈b' cha, 'oj cann̈j 'a sictacl sch'ocoj. Tzwal 'ayex, man̈x 'oj in eyila', masnto 'oj eyal 'ixtic: Calc wach' paxti 'a jun xchecx cot yuj Cajlil, 'oj e chioc, xchi Jesús 'a eb'.

Lc 16:17

A satcha'an̈ yet' sat lum tic, may syal 'oj 'aj slajw 'eq'ui. Palta ax jun ley cha, wach'xam junc letra, may wal junc ma'oj 'el'choc.

Lc 18:17

Wal yel tzwal 'ayex, a eb' matz chan Dios Syajlilc 'icha tzchaj junc 'unin, may b'a'n̈ 'oj 'och eb' 'a yol sc'ab', xchi Jesús 'a eb'.

Lc 18:29

Yuj cha, xyaln 'ixtc 'a eb': —Wal yel tzwal 'ayex, a eb' tzyactj can yatut, yistzil, smam snun, yu'tac, yanab', yunnal, yujto cojxn Dios Syajlil eb' tznib'j tzyac' servil,

Lc 23:43

Yuj cha, xyaln Jesús chi 'ixtc 'a winac: —Wal yel tzwal 'ayach, 'a yic jun c'u tic, 'oj a c'och wet' 'a jun paraíso sb'i, schi 'a winac.

Lc 4:24

Wal yel tzwal 'ayex: —May junc schecb' Dios 'ay yel'ch 'a sat eb' yit chon̈ab'.

Jn 1:51

'Ix yaln pax Jesús 'ixtc 'a eb' 'ayc' yet' cha: —Wal yel tzwal 'ayex, 'oj eyila', jacn satcha'an̈. Ax eb' yángel Dios, 'ay eb' tz'eml 'a in tz'ey, 'ay eb' tzpaxx q'ue'i, yujto 'Ochnc in 'Anma'il, xchi Jesús 'a eb'.

Jn 10:1

'Ix yaln Jesús 'ixtic: Q'uinloc 'ay junc col-l calnelu ticnec. 'Ay pax junc winc tz'och 'a yojl te col-l cha. Wal yel tzwal 'ayex, toto man̈oc 'a sti jun col-l chi tz'ochi, toto chuc 'aj tzcomn 'ochi, a jun cha, 'elc'um.

Jn 10:7

'Ix yaln pax Jesús 'ixtc 'a eb': —Wal yel tzwal 'ayex, 'icha sti jun col-l 'aj tz'och no calnelu, 'ixta 'in.

Jn 12:24

Wal yel tzwal 'ayex, q'uinloc 'ay junc 'in̈t trigo tzcan 'a yib'n̈ lu'um. Ton̈j tzcann̈j 'ixta'. Toto tzmucxi, 'icha to tzchami, palta a yic tzpaq'ui, caw niwn sat tzyac'a.

Jn 13:16

Wal yel tzwal 'ayex, may junc moso 'ec'b'al yel'ch 'a yib'n̈ spatron̈. 'Ixta pax eb' checab', may junc eb' 'ec'b'al 'a yib'n̈ jun tzchecn eb' cha.

Jn 13:38

—'A... ¿tom yel lista aj a'n cham a b'a wu'uj? Wal yel tzwal 'ayach, a yic mantzac 'oc' no 'ajtzo 'a jun 'ac'wl tic, 'ox 'ejm 'oj e'l 'a eb'an̈, chajtlto man̈ in ojcoc, xchi Jesús 'a 'a.

Jn 14:12

Wal yel tzwal 'ayex, a eb' tzin 'a'n 'och 'a sc'ojol, 'oj sb'o eb' jun tzo'n̈ tas tzin b'o'o. 'Ay jun tzo'n̈ xo tas 'ec'b'al 'a yib'n̈ jun tzo'n̈ tic 'oj b'o yuj eb', yujto 'oj in pax 'a 'aj 'ay qui Mam Dios.

Jn 16:20

Wal yel tzwal 'ayex, 'oj e cusi, 'oj eyoq'ui. Ax eb' yic yolyib'n̈q'uinl tic, 'oj laj tzaljoc eb'. 'Oj e cus toni, palta a jun e cusc'ojlal cha, 'oj meltzjoc 'och tzaljc'ojlal 'ayex.

Jn 16:23

A 'a jun c'ul cha, man̈x 'a tas 'oj e c'anb'c 'ayin. Wal yel tzwal 'ayex, jantcn̈ej tas 'oj e c'an 'a qui Mam Dios 'a in b'i, 'oj ya'n̈j 'ayex.

Jn 21:18

Wal yel tzwal 'ayach, a 'a yic quelm ach to, mun a pichjnac a b'a. C'uxn 'e'nc ach 'a 'aj tza nib'ej. Palta ax yic 'oj echmaxi, 'oj a jen̈l a c'ab'. Chucx mach 'oj jalnc a nan̈al. Ax ach yi'n 'at 'a 'aj matz a nib'j 'at a b'a, xchi Jesús 'a 'a.

Jn 3:11

Wal yel tzwal 'ayach, a tas cojc on̈, a tzcal on̈. A tas xquil yet' qui sat on̈, a chi tzcal 'ayx on̈. Palta ax tic, matz e chaj eyab' tas tzcal 'ayx on̈.

Jn 3:3

'Ix yaln Jesús 'a win 'ixtic: —Wal yel tzwal 'ayach, a mach matz 'alj pax 'a scha'ejmal, ma'oj stac' yoch 'a yol sc'ab' Dios, xchi.

Jn 3:5

—Wal yel tzwal 'ayach, a mach matz 'alj 'a a a', yet' yuj Yespíritu Dios, ma'oj stac' yoch 'a yol sc'ab' Dios.

Jn 5:19

'Ix yaln pax Jesús 'a ewin 'ixtic: —Wal yel tzwal 'ayex, an Yunnaln Dios tic, may tas tztac' in b'on in ch'ocoj. Cojn tas tzwil sb'on in Mam, an̈j tzin b'o'o. Jantcn̈ej tas tzb'o in Mam cha, a tzin b'o paxi.

Jn 6:26

Xta'w Jesús 'a eb' 'ixtic: —Wal yel tzwal 'ayex, yujn̈ej to xb'ut'j e c'ojl wa'n e wa pan, yuj cha, tzin wul e saync pax 'eq'ui, man̈ yujoc xnachj 'el eyu'uj tas tzyal 'el'ch jun tzo'n̈ milagro xin ch'oxo.

Jn 6:32

Yuj cha, xyaln pax 'a eb' 'ixtic: —Wal yel tzwal 'ayex, man̈oc Moisés 'a'jnac jun wal yic satchan̈ chi 'a eb'. Palta a 'in Mam, a tz'a'n cot jun wal caw yel, ata tzcot 'a satcha'an̈.

Jn 6:47

Wal yel tzwal 'ayex, a mach tzin 'a'n 'och 'a sc'ojol, 'ay sq'uinl 'a jun 'ejmn̈ej.

Jn 6:53

Yuj cha, xyaln pax 'a eb' 'ixtic: —Wal yel tzwal 'ayex, toto ma'oj e chi in chib'jal tic, toto ma'oj eyuc' pax in chic'l tic, to 'ixta', ma'oj stac' e chan pax e q'uinal, yujto an tic, 'Ochnc in 'Anma'il.

Jn 8:34

—Wal yel tzwal 'ayex, tzann̈j eb' an̈ja sayn smul, caw 'aych eb' ya'malc servil maysch'olnil.

Jn 8:51

Wal yel tzwal 'ayex, a eb' tzyiclni tas tzwala, may b'a'n̈ 'oj cham eb', xchi Jesús 'a ewinac.

Jn 8:58

—Wal yel tzwal 'ayex, yic mantzac 'alj Abraham cha, toxn 'ayn xon 'eq'ui, xchi Jesús 'a ewinac.

A Sb'ab'el Carta San Pedro 1:25

Palta ax spaxti Cajlilec, 'ayc'n̈ej 'a jun 'ejmn̈ej, xchi 'a Ch'an̈. A spaxti tic, atn jun wach' 'ab'x yic colnb'il alb'il 'el 'ayex.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.