Mt 4:8 - Chuj San Sebastian Bible

⁸ Ax win diablo cha, 'ix yi'n 'at win jun 'ejm xo. 'Ix c'och eb' 'a jun niwquil tzalan, 'ix sch'oxn win smasnil jun tzo'n̈ niwc chon̈b' 'ay 'a yolyib'n̈q'uinl tic 'a 'a, chajtlto caw niwn yel'ch eb'.

Chuj San Mateo Bible

⁸ Ix yic'anxib'at Jesús chi' vin̈ diablo, ix c'och eb' d'a jun nivan tzalan. Ix sch'oxan masanil nación vin̈ d'a yolyib'an̈q'uinal tic d'ay. Ix sch'oxan vin̈ to te nivan yelc'och svach'il.

Mt 4:8 Iomraidhean Croise

Ester 1:4

Nan̈l ab'il 'ix yac' jun q'uin̈ cha, yuj sch'oxn 'el win sricoal, yet' sniwquil-l yel'ch yopiso 'a eb' 'anma cha.

Ester 5:11

'Ix syamn 'och sb'an̈n sb'a 'a sat eb', yujto caw wal rico win si'mb'il, caw niwn pax yunnal winac. 'Ix yaln paxi to 'ix si'x 'elt yuj win rey 'a scal jun tzo'n̈ xo eb' 'aych yajlil yet'oc, 'ix 'ajx 'och wal yopiso sat yajlil 'a yib'n̈ jun tzo'n̈ xo eb' cha.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Nm 23:3

Xlajw sb'o yuj eb', 'ix yaln Balaam 'ixtc 'a Balac: —Wach' ajcn 'a stz'ey jun tzo'n̈ xajmb'al tic, ya' sb'a 'oj 'at wila', toto 'oj jawc Jehová paxtinc wet'oc, ax waln 'aych muc'uc tas 'oj yutc yaln 'ayin, xchi 'a 'a. Xlajw cha, 'ix 'at Balaam 'a sjolm jun lum witz may ste'al.

Mt 16:26

Q'uinloc tzquique'ej smasnil tas 'ay 'a yolyib'n̈q'uinl tic, palta toto tzsatcn 'el qui pixn 'a jun 'ejmn̈ej, ¿tast wal qui ganar 'ixta'? ¿Tast wal 'oj cac' smannb'ilc colchjoc qui pixan?

Mt 4:5

Xlajw cha, x'ijx 'at yuj win 'a jun chon̈b' yicn̈ej Dios yaji, atn Jerusalén. 'Ix yi'n q'ue win 'a schon yatut Dios.

Jn 5:20

A 'in Mam cha, tzin schamc'ojlej an Yunnaln tic. Jantcn̈ej tas tzb'o'o, tzch'oxn̈j pax 'ayin. 'Ayt wal jun tzo'n̈ xo tas 'oj sch'oxo', sec 'oj sat e c'ojl eyilni.

A Sb'ab'el Carta San Pedro 1:24

'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.