Mt 4:12 - Chuj San Sebastian Bible

¹² A yic xyab'n Jesús to preso yaj Juan, 'ix 'atxi. Axta xc'och 'a yol yic Galilea.

Chuj San Mateo Bible

¹² Axo yic ix yab'an Jesús to preso yaj vin̈aj Juan, ix b'atxi d'a yol yic Galilea.

Mt 4:12 Iomraidhean Croise

Mt 11:2

A 'a jun tiempoal cha, 'aych Juan Bautista 'a preso. 'Ix yab'ni, tastc wan sb'on Cristo, yuj cha, schecn 'at chawn̈ eb' scuywum 'a 'a.

Mt 14:3

'Ixta xyutj win yalni, yujto chamnc xo Juan chi yu'uj. 'Ixtc 'ajnc scham yu'uj. 'Ay jun yu'tac Herodes cha, Felipe sb'i. Herodías sb'i 'ix yistl Felipe cha. Ax win Herodes chi xmontn 'el 'ix yistl Felipe cha. Ax Juan x'at alnc 'ixtc 'a win Herodes cha: —Caw may sleyl tza montj 'el jun 'ix tic, xchi 'a winac. Yuj cha, xya'n 'ix Herodías chi sc'ojloc win Herodes cha. 'Ix ya'n win yamchjoc Juan cha, 'ix 'och 'a preso, x'och q'uen cadena 'a 'a.

Mr 1:14

'Ayx 'och Juan 'a preso, 'ix c'och Jesús 'a Galilea. Ata xyalcn 'el wach' 'ab'ix, chajtl tz'aj eb' 'anma yoch 'a yol sc'ab' Dios.

Mr 6:17

'Ixtc 'ix 'aj scham Juan chi yuj winac. 'Ay jun yu'tac win Herodes cha, Felipe sb'i. Herodías sb'i 'ix yistzil Felipe cha, ax win Herodes chi xmontn 'el 'ix yistzil Felipe cha. Ax Juan, a x'at alnoc 'a win Herodes chi 'ixtic: Caw may sleyl tza montj 'el yistzil o'tac, xchi 'a winac. Yuj cha, caw xcot yowl 'ix Herodías cha, 'ix ya'n 'ix sc'ojloc win Herodes cha. Yuj cha, 'ix ya'n win yamchjoc Juan chi b'i'an, 'ix 'och 'a preso, 'ix 'och q'uen cadena 'a 'a. Ax 'ix Herodías cha, caw xchichn 'och 'ix 'a Juan. Caw tznib'j 'ix tzyac' milxoc, palta ma'ix stac' yuj 'ix muc'uc,

Lc 23:5

Palta caw yelc'ojlal xyalx eb' jun 'ejm xo 'ixtic: —A win tic, smasnil eb' 'anma 'aj Judea, wan somchj 'el eb' yuj jun tzo'n̈ cuynb'il tzyac' winac. At xo 'a Galilea x'el yich jun tzo'n̈ cuynb'il tic tzyac' winac, masnto xjaw 'a tic, xchi eb' 'a winac.

Lc 3:20

palta a win Herodes cha, toxn ma'ix syiclj xon win jac 'a 'a, ton̈j 'ix swach' b'oj win junx maysch'olnil, yujto xya'ch win Juan chi 'a preso.

Lc 4:14

'Ix paxx Jesús 'a Galilea, caw 'aych Yespíritu Dios yet'oc, c'uxn xpucl yab'xil 'a jun lugar cha.

Lc 4:31

'Ix c'ochx Jesús 'a Capernaum 'a yol yic Galilea, ata xcuywj 'a eb' 'anma 'a sc'ul 'iljelal.

Jn 1:43

Ax 'a junx c'u, 'ix 'at Jesús 'a Galilea. Yic wan sb'eyi, 'ix chan sb'a yet' Felipe, xyaln Jesús 'a 'ixtic: —'Ochn̈ in cuywumoc, xchi 'a 'a.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 3:24

'Ix sb'o Juan jun tzo'n̈ cha, yic mantzac 'ajx 'och 'a preso.

Jn 4:43

Xlajwn̈ej chab' c'u cha, 'ix 'atx Jesús yic tz'at 'a Galilea.

Jn 4:54

A jun tic, schab'l milagro 'ix sch'ox Jesús yic 'ix cot 'a Judea, 'ix c'ochx 'a Galilea.