Mt 4:11 - Chuj San Sebastian Bible

¹¹ Yuj cha, xyactn can win Jesús, 'ix 'at winac. Ax eb' ángel xwul 'a'nc servil Jesús cha.

Chuj San Mateo Bible

¹¹ Yuj chi', ix actajcan Jesús chi' yuj vin̈. Axo eb' ángel ix ul ac'an servil.

Mt 4:11 Iomraidhean Croise

A Ch'an̈ B'ab'el Libro Yic Yab'ixal Eb' Rey 19:6

Ax xyiln sb'a Elías cha, to a 'a stz'ey 'a sjolmtac, ata 'ayc' jun 'ixm niwquil wal ton̈j b'olb'il 'a stzac'ac' yet' jun xalu a a', yuj cha, 'ix q'ue wa'an, 'ix wa'i xyu'n a a cha, xlajw cha, 'ix wayxi.

Mt 26:53

¿Tom man̈ ojcoc, toto tzin nib'j tzin c'an 'a qui Mam Dios, 'ec'b'al 72 mil eb' ángel 'oj yac' cot in wul colnc muc'uc?

Mt 4:6

'Ix yaln win 'ixtc 'a 'a: —'In yunnal ach Dios, yuj cha, jul 'ejm a b'a 'a sat lum cha, yujto tzyal 'ixtc 'a Ch'an̈ Un̈ tz'ib'b'il cani: 'Oj ya' cot Cajlil eb' yángel ach stan̈woc. 'Oj ach squetz chan̈ eb', sec man̈ comnoc tza tench oc 'a q'uen q'ue'en, xchi 'a Ch'an̈, xchi win diablo cha.

Mr 1:13

Ata x'aj chawinc c'u 'a 'aj 'ay jun tzo'n̈ no noc' 'ay smay, ax win diablo x'a'n prowal. Xlajw cha, ax eb' ángel xwul 'a'nc servil.

Lc 22:43

[Xlajwn̈ej cha, xcot jun ángel 'a satcha'an̈, xwul ya'nc ste'nal.

Lc 22:53

'Aynn̈ej 'ec' eyet' 'a yatut Dios 'a junjn c'u, palta ma'in eyama. Palta atn yorail tic e b'on 'icha tze nib'ej, yujto a win 'aj q'uic'q'uinl 'aych eyet'oc, xchi 'a ewinac.

Lc 4:13

Ax win diablo cha, man̈x 'a junc xo prowal xnachj yu'uj, yuj cha, xyactn can win jun tiempoal.

Jn 14:30

Man̈x niwnoc tas 'oj wal 'ayex, yujto wan sjaw win syajlil yolyib'n̈q'uinl tic. A win cha, may yaln win yic 'ayin.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

A Ch'an̈ Carta D'a Eb' Hebreo 1:6

A yic ya'n cot Dios jun c'otn̈ Yunnal 'a yolyib'n̈q'uinl tic, yaln yuj 'ixtic: Ya' cab' 'ejm sb'a smasnil eb' wángel 'a 'a, xchi.