Mt 3:9 - Chuj San Sebastian Bible

⁹ Man̈ laj eyal 'ixtic: May pena, an̈ec tic yin̈tl on̈ec can Abraham, man̈ xe chioc. Yujto an tzwal 'ayex, toto tznib'j Dios, tztac' tz'och jun tzo'n̈ q'uen q'uen tic yin̈tloc Abraham e jeloc.

Chuj San Mateo Bible

⁹ Man̈ eyal icha tic: Malaj pena, yin̈til on̈ can vin̈aj Abraham. Yuj chi' malaj tas ol javoc d'a quib'an̈, man̈ xe chioc. Yujto a in sval d'ayex, tato sgana Dios, syal yoch juntzan̈ q'uen q'ueen tic yin̈tilaloc vin̈aj Abraham chi' e q'uexuloc.

Mt 3:9 Iomraidhean Croise

Ez 33:24

Ach 'anma', a eb' 'anma cajn 'a jun tzo'n̈ chon̈b' mac'b'il 'ejm 'a yol slugar eb' et israelal, ata tzlaj yal eb' 'ixtic: A win Abraham sch'ocj wal winac, palta smacjnac win yico'oc lum lum tic. An̈ec xo tic, caw niwn qui b'islec, smoj wal quica'anec jun nacion̈ tic, xchi eb'.

Mr 7:21

Yujto a 'a snab'en eb' 'anma tzpitzw jun tzo'n̈ tu nab'enal tic; 'ay eb' 'ayx yistzil tzb'on 'ajmulal, 'ay pax eb' mant 'a yistzil tzb'on eb' 'ajmulal paxi. 'Ay eb' tzmiln cham yit 'anma'il,

Lc 12:17

Yuj cha, snan win 'ixtic: ¿Tasm 'oj wutoc? Yujto man̈x 'a 'aj wach' 'oj in mol sat wawb'en tic, xchi winac.

Lc 16:24

Yuj cha, x'awj chan̈ winac, 'ix yaln 'ixtic: Mamin Abraham, comnoc tz'o' cot a c'ojl 'ayin. Tza chec cot Lázaro 'ayin. Tzyac' 'ejm junc yune sc'ab' 'a scal a a', tzwul ya'nc 'och jac 'a sn̈i wac' tic. Yujto caw matz techj wab'n syal 'a scal c'ac' tic, xchi winac.

Lc 19:40

Yuj cha, xyaln Jesús 'ixtic: —Tzwal 'ayex, toto sictac tz'aj eb', toto man̈x 'a mach tz'awji, ax jun tzo'n̈ q'uen q'uen tic 'oj 'awjc cha'an̈, xchi 'a ewinac.

Lc 3:8

Toto tze na e b'a yuj e mul, yowlal wach' tzeyutj e b'eyb'al, sec tzcheclj 'eli chajtlto caw yel. Man̈ laj eyal 'ixtic: May pena, an̈ tic yin̈tl on̈ can Abraham, man̈ xe chioc, yujto an tzwal 'ayex, toto tzyal sc'ojl Dios, tztac' tz'och jun tzo'n̈ q'uen q'uen tic yin̈tloc Abraham chi e jeloc.

Lc 5:22

Palta ax Jesús, yojtac tas wan snan ewinac, yuj cha, xyaln 'ixtic: —¿Tas yuj wan e nan jun tzo'n̈ tic 'ixtic?

Lc 7:39

Ax yic xyiln win fariseo chi jun cha, snan win 'ixtic: Toto yel schecb' Dios jun winc tic, to 'ixta', xnachj 'el yuj winac, mach jun 'ix tic tzyamn yoc. Xnachj pax 'el am yuj winac, tas yaj 'ix, yujto caw tu sb'eyb'al 'ix, xchi win yet' snab'en.

Jn 8:33

Palta xyaln pax eb' 'ixtc 'a 'a: —An̈ tic on̈, yin̈tl on̈ pax Abraham et' on̈. May jun 'ejmoc on̈ 'och ya'malc servil junc 'anma 'on̈. Yuj cha, ¿tas yuj tzal to 'oj quijx 'el 'a libre chi 'on̈? xchi eb'.

Jn 8:37

An tic, wojc xoni to yin̈tl ex Abraham wet'oc. Palta 'in tze nib'j tzin e mil chamoc, yujto a tas tzwal 'ayex, may yel'ch 'a e sat.

Jn 8:53

¿Tom 'ec'b'al el'ch 'a yib'n̈ qui mam quichmec Abraham cha? Yet' pax 'a ewin schecb' Dios chi pecti', ¿tom 'ec'b'al pax el'ch 'a yib'n̈ ewinac? 'In chamnc ewin chi smasnil. ¿Machch cob' a nanc ticnec? xchi ewin 'a 'a.

A Tas Sc'ulejnac Eb' Schecab' Jesús Hechos 13:26

Ex wit 'anma'il, ex yin̈tl can Abraham wet'oc, yet' ex 'ay e xiwc'ojlal 'a Dios, a jun 'ab'x yic colnb'il tic, eyic wet'oc.

A Tas Sc'ulejnac Eb' Schecab' Jesús Hechos 15:14

'Ix yal Simón Pedro 'ayn̈ec, chajtlto a Dios, wanto sch'oxn swach'l 'a eb' man̈ israeloc. Wanto si'n 'el eb', sec tz'och eb' yico'oc.

Ro 4:1

A qui mam quichmec Abraham, ¿tas 'ajnc 'a sat Dios tze na'a?