Mt 3:7 - Chuj San Sebastian Bible

⁷ Til wal eb' fariseo yet' eb' saduceo xlaj c'och 'a 'a, sec tz'ajx bautisar eb' yu'uj. Palta xyaln 'a eb' 'ixtic: —Ax tic, caw 'ixtm 'anma 'ex, lajn ex 'icha junc chan. ¿Mach 'ix aln 'ayex, to 'oj stac' e coln 'el e b'a 'a jun niwn yailal 'oj jawoc?

Chuj San Mateo Bible

⁷ Tzijtum eb' fariseo yed' eb' saduceo ix laj c'och b'aj van yac'an bautizar vin̈ chi'. Ix yalan vin̈ d'a eb': —A ex tic, te jelan ex d'a chucal icha noc' chan. ¿Mach ix alan d'ayex to syal e colanel e b'a d'a jun nivan yaelal ol javoc?

Mt 3:7 Iomraidhean Croise

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Pr 28:4

A eb' may yel'ch ley 'a sat, caw wal tzalj eb' yet' eb' tzb'on maysch'olnil, ax eb' yiclum 'a ley cha, tz'och eb' 'ajc'ojlal 'a eb' tzb'on maysch'olnil cha.

Is 59:5

A tas nab'il eyuj cha, lajn wal 'icha sn̈olb' no nun chan. A mach tzlon jun n̈olb' cha, tojln̈ej scham yu'uj. Toto ton̈j tzte'x pax yuj junc mach, a yic tzpoji, tz'elt no cotc chan 'a yojol, atn no man̈x 'a yan̈il. A jun e nab'en cha, lajn pax 'icha ch'alxim.

Jeremías 51:6

'Ixquec 'elc 'a Babilonia tic, sec ma'oj eyamchj c'och e cham yuj smul eb'. Atn wal yorail tic in pacn 'a eb' 'a 'icha wal tas smoj schan eb'.

Jeremías 6:10

In ta'w 'ixtc 'a 'a: ¿Mach 'ajtil 'oj wala', sec 'oj yab' jun 'ab'x 'oj wal 'a tic? Mamin, 'icha wal to macn schicn eb', caw matz yab' eb'. Ton̈j tzb'uchwj eb', matz chaj sc'ojl eb' a paxti'.

Mt 12:24

Palta a yic xyab'n ewin fariseo jun tzo'n̈ cha, 'ix yaln ewin 'ixtic: —A jun winc tic, tztac' ton yi'n 'el ewin demonio, yujto a win Beelzebú win syajlil ewin demonio cha, a 'aych yet'oc, xchi ewinac.

Mt 12:34

Ax tic, caw 'ixtm 'anma 'ex, lajn ex 'icha no chan. Yuj cha, ¿tom 'ay jac tas wach' tz'el eyalni? Yujto an̈j tas 'ay 'a e nab'en, an̈j chi tzeyala.

Mt 15:12

Yuj cha, xjaw eb' scuywum 'a stz'ey, 'ix yaln eb' 'ixtc 'a 'a: —¿Ojc ama to caw xcot yowl ewin fariseo yuj jun xal tic? xchi eb' 'a 'a.

Mt 16:1

'Ay jun tzo'n̈ ewin fariseo yet' ewin saduceo xjaw 'a Jesús, yujto tznib'j ewin tzya'lj prowal. Yuj cha, sc'ann ewin yil junc milagro tzcot 'a Dios.

Mt 16:6

'Ix yaln Jesús 'ixtc 'a eb': —'Ab'ec, tzeyil wal e b'a. A wal yich span ewin fariseo yet' yich span pax ewin saduceo, caw 'ay smay tzex juw 'el yu'uj, xchi 'a eb'.

Mt 22:15

Xlajw cha, 'ix yi'n 'el sb'a ewin fariseo cha, 'ix 'at sc'umnoc sb'a ewin 'a spatc Jesús, chajtl 'oj yutc ewin ya'lni prowal, sec toq'ue 'ay tas 'oj yac' palta yalni, yujto tznib'j ewin yac' queja.

Mt 22:23

An̈jtona 'a jun c'u cha, 'ay jun tzo'n̈ ewin saduceo xjaw 'a Jesús. A ewin chi tzalni, to ma'oj pitzwc pax eb' chamnac. Yuj cha, xyaln ewin 'ixtc 'a 'a:

Mt 22:34

Ax ewin fariseo, 'ix yab'n ewinac chajtlto xcan ewin saduceo chi 'a yaln̈ yuj Jesús. Yuj cha, 'ix syamn sb'a ewin 'a 'a.

Mt 23:33

Ax tic, caw 'ixtm 'anma 'ex, lajn ex 'icha no chan, an̈jtona', 'ixta pax eb' e mam eyicham. ¿Tom 'oj stac' e coln 'el e b'a 'a jun niwn yailal 'a infierno?

Mt 5:20

Yuj cha, tzwal 'ayex, yowlal tojl tzeyutj e b'eyb'al 'a yib'n̈ sb'eyb'al eb' cuywjum 'a ley yic Moisés yet' eb' fariseo. Toto ma'ay, ma'oj eyoch 'a yol sc'ab' jun 'aj satchan̈ chi jun xo.

Mr 12:13

Xlajw cha, xchecx cot jaywn̈ eb' fariseo yet' eb' spartido win rey Herodes, 'ix jaw eb' 'a Jesús, yujto snib'j eb' yac' prowal, sec toq'ue 'ay tas 'oj yac' palta yalni, sec tztac' ya'n queja eb'.

Mr 12:18

Xlajw cha, 'ay jun tzo'n̈ ewin saduceo 'ix jaw 'a Jesús. A ewin chi tzalni to man̈xtoc 'oj pitzwc pax eb' chamnac, yuj cha, xyaln ewin 'ixtc 'a 'a:

Mr 8:15

'Ix yaln Jesús 'ixtc 'a eb': —'Ab'ec, tzeyil wal e b'a, a wal yich span ewin fariseo, yet' yich span win Herodes, caw 'ay smay tzex juw 'el yu'uj, xchi 'a eb'.

Lc 16:14

Ax ewin fariseo cha, c'uxn xyab' ewinac tastc 'ix yal Jesús. Palta cojxn wal tumn 'aj 'aych snab'en ewinac. Yuj cha, ton̈j xb'uchwj ewin 'a 'a.

Lc 18:11

Ax yic xc'och win fariseo cha, 'ix 'och lin̈an. 'Ix leslwi 'ixtic: Ach in Diosal, tzwac' yuj diosal 'ayach, yujto an tic man̈ in lajnoc 'icha jun tzo'n̈ xo 'anma'. A eb' cha, caw 'elc'm eb', man̈ tojloc snab'en eb', caw tzmuln pax eb'. Yet' pax win tecm 'el tumn tic, yuj wal dios, man̈ in lajnoc yet' winac.

Lc 7:30

Palta ax ewin fariseo yet' ewin cuywjum 'a ley yic Moisés, man̈ schajnac ewin 'ajxc bautisar sb'a yu'uj. 'Ixta xyutj ewin sch'oxni, to a tas tznib'j Dios 'a ewinac, may yel'ch 'a sat eb'.

Jn 1:24

'Ay jun tzo'n̈ xo eb' xitc' 'a Juan cha, atn ewin fariseo checjnac 'at eb'.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

Jn 9:40

'Ay jaywn̈ ewin fariseo 'ayc' ta'. Yic 'ix yab'n ewin jun cha, 'ix yaln ewin 'ixtc 'a 'a: —¿Tom tza na'a, to matz uj quiln yic Dios on̈? xchi ewinac.

A Tas Sc'ulejnac Eb' Schecab' Jesús Hechos 15:5

Palta 'ay jaywn̈ ewin fariseo ya'jnac 'och sc'ojl 'a Cristo. 'Ix q'ue wan lin̈n ewinac, xyaln ewin 'ixtic: —A eb' man̈ israeloc tzya'ch sc'ojl 'a Cristo, yowlal tz'ajx circuncidar eb'. Yowlal tzcalc 'a eb', sec tzyiclj eb' ley yic Moisés, xchi eb'.

A Tas Sc'ulejnac Eb' Schecab' Jesús Hechos 20:31

Yuj cha, caw tzeyac' cuenta e b'a. Nac coti, to yoxl xo ab'il in yamn 'och in cuywj 'ayx junjn ex, 'a c'ual yet' 'a 'ac'wal. Yel 'ay wal 'aj 'o'nc in.

A Tas Sc'ulejnac Eb' Schecab' Jesús Hechos 26:5

An̈jtona yojc eb', comnoc tz'el 'a sc'ojl eb', tztac' yaln eb' 'ayach, chajtlto fariseo in, yictax in cottchi. Ax eb' wit fariseoal, yel xo wal yiclum eb' 'a jun tzo'n̈ b'eyb'al yic qui cuynb'il on̈.

A Tas Sc'ulejnac Eb' Schecab' Jesús Hechos 5:17

Ax win sat ya'mal 'och sti eb' israel 'a Dios, yet' smasnil ewin yitb'eym winac, atn ewin saduceo, caw xchacb' 'el sat ewin yuj schichnc'ojlal.

Ro 1:18

Cojtac a Dios tz'a'n cot yowl sc'ojl 'a satcha'an̈, tzjaw 'a yib'n̈ jantcn̈ej eb' 'anma matz ya'ch snab'en 'a 'a, atn eb' maysch'olnil sb'eyb'al. A eb' cha, maysch'olnil eb'. Yuj cha, matz chaj eb' alxc 'el jun cuynb'il caw yel.

Ro 5:9

Al ticnec, wach'n̈ecx 'a sat Dios, yujn̈ej to xcham Cristo qui jeloc. Yuj cha, yu'uj, ax qui wach' colchjec 'el 'a jun niwn yailal tot 'oj jawc yuj yowl sc'ojl Dios.

1 Ts 1:10

An̈jtona', tzyaln pax eb', chajtlto wan e tan̈wni yemx wul Yunnal Dios 'a satcha'an̈, atn Jesús. A Dios, 'a'jnac pitzwc pax 'a scal eb' chamnac. Atn tzon̈ colnec can 'el 'a yol sc'ab' jun niwn yailal 'oj jawc yuj yowl sc'ojl Dios.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.