Mt 3:6 - Chuj San Sebastian Bible

⁶ 'Ix laj yal q'uet eb' smul 'a Dios. Xlajw cha, xya'n 'ajxc bautisar sb'a eb' yuj Juan 'a yojl a Jordán cha.

Chuj San Mateo Bible

⁶ ix laj yalanq'ueta smul eb'. Ix lajvi chi', ix yac'an ac'joc bautizar sb'a eb' yuj vin̈ d'a a' Jordán chi'.

Mt 3:6 Iomraidhean Croise

Esdras 10:1

Ya' sb'a wan sleslwi Esdras, caw wal tz'oq'ui tzyaln smasnil jun tzo'n̈ tic, cumn 'ejm 'a sti yatut Dios, caw niwn eb' yit israelal 'ix 'och 'oyn 'a stz'ey, eb' winac, eb' 'ix 'ix, yet' eb' 'unin. Caw wal ji'jmtac yoc' eb' 'anma chi yet'oc.

Salmos 32:5

Mamin Jehová, 'ix wojquej 'eli to x'och in mul 'ayach. 'Ix yaln in c'ojl waln q'uet in mul cha, may tas xin c'ub'j can 'eli. Ach xo, 'ix ac' lajwc in mul chi 'a wib'an̈.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Dn 9:4

In leslwi wal 'a Jehová in Diosal, xwaln in b'a 'a 'ixtic: Ach Wajlil, in Diosal ach, caw niwn el'chi, 'ay 'a poder. Tzac' 'el'choc tas aljnac cani, caw tza chamc'ojlej eb' tzach chamc'ojlani, atn eb' tzyiclni a checnb'il.

Lv 16:21

Tzya'n q'ue sc'ab' schab'l 'a sjolm no', tzyamn 'och yaln 'ejm smul yet' stenmtacl eb' eyit israelal 'a yib'n̈ no'. 'Ixta tzyutj ya'n can 'och jun tzo'n̈ mul chi 'a yib'n̈ no', sic'b'ilx cab' pax junc winc tz'at 'a'noc can no 'a lum cusltac lum 'a najat.

Lv 26:40

Yujto 'ix 'och stenmtacl eb' 'ayin, yuj cha, 'oj woch 'ajc'ojlal 'a eb', ax wa'n can 'at eb' 'a schon̈b' eb' 'ajc'ojl yajch 'a eb' cha. Toto 'oj sna sb'a sc'ojl eb' 'aj pit 'oj yutc sb'a 'ayin, ax yi'n 'ejm sb'a eb' 'a wojltac yuj yaln q'uet' eb' smul yet' e mul ax tic, tzyactn can eb' sb'on masych'olnilal,

Nm 5:7

Yowlal tzyojquej 'el tas 'aj tz'och smul cha. An̈jtona', yowlal pax tzyac' sjel jun 'aj tzsay smulc cha, tzya'n pax junc xo yomacn̈il 'a yib'n̈ 'icha 'aj tz'och smul cha.

Mt 3:11

An tic, wal yel tzex wac' bautisar 'a a a', sec chequel to xe na e b'a. Palta 'ay wal junx tza'n to sjaw wu'uj, a 'oj eya'n bautisar yet' Yespíritu Dios mto pax c'ac'. A jun 'oj jawc cha, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzwij 'el xan̈b' 'a yoc.

Mr 1:5

Smasnil eb' 'anma 'a junjn chon̈b' 'a yol yic Judea yet' eb' 'aj Jerusalén, xit' eb' 'ab'xnoc 'a Juan cha, xlaj yaln q'uet eb' smul 'a Dios. 'Ix ya'n eb' 'ajxc bautisar sb'a yuj Juan 'a a niwn a Jordán.

Lc 1:16

Yuj wal jun onnal cha, til wal eb' et israelal 'oj ya'x 'och snab'en 'a sDiosal, atn 'a Cajlil.

Lc 3:16

Palta xyaln Juan chi 'ixtc 'a eb' smasnil: —An tic, wal yel tzex wac' bautisar 'a a a', palta 'ay jun tot 'oj jawoc, a 'oj 'a'nc Yespíritu Dios 'ayex, mto a c'ac' 'oj yac' 'ayex, 'icha to 'oj eyajx bautisar yu'uj. A jun 'oj jawc cha, yel xo wal niwn yel'ch 'a wib'n̈ an tic. Yuj cha, man̈ in mojc wa'n servil, wach'xam ton̈j tzin jiy jac sc'ab' xan̈ab'.

A Tas Sc'ulejnac Eb' Schecab' Jesús Hechos 1:5

Yel toni, a win Juan 'a'jnac bautisar eb' 'anma 'a a a'. Palta yic to jaye c'u, 'oj 'ajxoc Yespíritu Dios 'ayex. 'Icha to 'oj eyajx bautisar yu'uj, xchi Jesús.

A Tas Sc'ulejnac Eb' Schecab' Jesús Hechos 11:16

Yuj cha, xin nan cot tas alb'il can yuj Cajlilec, yic yaln 'ixtic: Yel toni, a win Juan x'a'n bautisar eb' 'anma 'a a a'. Palta ax tic, 'oj 'ajxoc Yespíritu Dios 'ayex, 'icha to 'oj eyajx bautisar yu'uj, xchi.

A Tas Sc'ulejnac Eb' Schecab' Jesús Hechos 19:18

An̈jtona', niwn eb' 'aych sc'ojl 'a Cristo 'ix c'ochi. 'Ix yaln q'uet eb' jantcn̈ej jun tzo'n̈ maysch'olnil xlaj sb'o'.

A Tas Sc'ulejnac Eb' Schecab' Jesús Hechos 22:16

A ticnec, ¿tas tza tan̈wej? Q'uen̈ wa'an, 'ac' 'ajxc bautisar a b'a. Al a b'a 'a Jesucristo, sec 'oj 'ajxc can lajwc a mul, xchi win Ananías chi 'ayin.

1 Co 10:2

'Icha to 'ajxnac bautisar eb' 'a jun 'asn cha, yet' 'a a mar cha. 'Icha to 'ajxnac 'och eb' yico'oc Moisés 'a jun tiempoal cha.

A Scarta San Pablo D'a Eb' Aj Colosas 2:12

A yic on̈ 'ajxec bautisar, junn̈j on̈ 'ajc qui mucx yet' Cristo 'a sat Dios. An̈jtona', pitzwnacn̈ec pax yet'oc, yujto tzca'c 'och qui c'ojl 'a spoder Dios. Yuj spoder cha, 'ix pitzw pax Cristo 'a scal eb' chamnac.

A Ch'an̈ Carta D'a Eb' Hebreo 6:2

Tzyaln yuj bautismo. Tzyaln yuj eb' tzya't sc'ab' 'a qui jolmec, yic tz'och copisoec. Tzyalni, to 'oj qui pitzwec pax 'a scal eb' chamnac. Tzyaln paxi, to 'oj 'ajxc syailal eb' 'anma 'a jun 'ejmn̈ej. A jun tzo'n̈ cuynb'il tic 'och cab' wan qui cuynec.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.

Josué 7:19

Xlajw cha, xyaln Josué 'a win Acán chi 'ixtic: —Ach 'un, 'a sat Jehová qui Diosalec an̈ israel on̈c tic, tza jacn a ti'oc, tas wal jun maysch'olnil chi 'ix a b'o'o, man̈ a c'ub'c 'eli, xchi 'a winac.

A Sb'ab'el Carta San Pedro 3:21

A jun a cha, ch'oxnb'il yaji. Yujto a jun a yic bautismo, tzon̈ colchjec yuj ticnec. A jun bautismo tic, man̈ yopisooc yi'n 'el slumal qui niwnal. Palta yu'uj, tzqui c'annec 'a Dios to tzwach' b'o qui nab'en. Tzon̈ colchjec, yujto pitzwnac pax Jesucristo,

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.