Mt 3:2 - Chuj San Sebastian Bible

² 'Ix yaln 'a eb' 'ixtic: —Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi.

Chuj San Mateo Bible

² Ix yalan vin̈ icha tic d'a eb': —Naec e b'a yuj e chucal, yujto toxo ol vach' och Dios aj satchaan̈ Yajalil, xchi vin̈.

Mt 3:2 Iomraidhean Croise

A Ch'an̈ B'ab'el Libro Yic Yab'ixal Eb' Rey 8:47

Toto a yic 'ayn̈ 'ec' 'a junc chuc chon̈b'al cha, tznan sb'a qui c'ojl on̈, tzqui c'ann niwnc'ojlal 'aych yuj qui mul tz'och on̈,

Job 39:12

¿Am tza na'a to 'oj stac' a c'ann no', yic 'oj a molnc chan̈ tas tzyac' a munljel, mto 'oj a c'an no te'j trigo 'a a te'lab'?

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Mt 10:7

Tz'at eyal-li, to jab'xoj wal 'oj wach' 'och jun 'aj satchan̈ Yajlil.

Mt 11:20

Xlajw cha, 'ix syamn 'och Jesús yalni, tas smul eb' 'anma 'a jun tzo'n̈ chon̈b' 'aj 'ix sb'o nan̈l milagro. Yujto wach'xam caw niwn milagro 'ix sb'o ta', palta ma'ix sna sb'a eb', 'ix yaln yuj eb' 'ixtic:

Mt 12:41

A yic 'ec' yalnc Jonás yab'xil Dios 'a eb' 'aj Nínive, caw snajnac sb'a eb'. An xo tic, 'ayn 'ec' 'a tic, 'ec'b'al wel'ch 'a yib'n̈ Jonás cha, palta matz e na e b'a. Yuj cha, at 'oj jawc jun c'u yic b'eyc'ojlal, a eb' 'aj Nínive cha, 'oj q'ue wan eb', ax yaln eb' e mul.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Mt 13:24

'Ix yaln Jesús junx 'ab'x tic 'a eb' scuywum: —'Oj wal 'ayex chajtl 'oj 'aj eb' 'anma yic 'oj wach' 'och jun 'aj satchan̈ yajlil. Q'uinloc 'ay junc winc stzic 'ejm yin̈t caw wach' 'a slu'um.

Mt 13:31

Xlajw cha, xyaln pax Jesús junx 'ab'x tic: —'Oj wal 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha sq'uib' junc 'in̈t rechiwo tzyawj junc winc 'a slu'um.

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

Mt 13:47

'Oj wal junx 'ab'x tic 'ayex, chajtl 'oj 'aj eb' 'anma yic 'oj wach' 'och Dios 'aj satcha'an̈ yajlil. Q'uinloc 'ay junc chim yamlab' chay, tz'ajx 'ejm 'a yojl a a', til wal junjn c'aj no chay chi tzcan 'a yojl ch'an̈.

Mt 13:52

—Ax tic, cuyb'ilx xo, chajtl tz'aj eb' 'anma yoch 'a yol sc'ab' Dios 'aj satcha'an̈. Yuj cha, tztac' eya'n cuyxoc jun tzo'n̈ 'ac' cuynb'il yet' jun tzo'n̈ 'icham, xchi 'a eb'.

Mt 18:23

'Oj wal 'ayex, chajtl 'oj 'aj eb' 'ayx 'och 'a yol sc'ab' Dios 'aj satcha'an̈. Q'uinloc 'ay jun rey tzb'o yaj scuenta eb' smoso.

Mt 20:1

'Ix yaln Jesús 'a eb' scuywum 'ixtic: —'Oj wal 'ayex tas tz'aj eb' 'anma yoch 'a yol sc'ab' Dios 'aj satcha'an̈. A 'a jun 'el, 'ay jun patron̈, 'ayt sacb'i sq'ue wa'an, x'at saync jaywn̈ smajn tzch'inn 'el te uva.

Mt 22:2

'Oj wal 'ayex, chajtl tz'aj eb' 'anma yoch 'a yol sc'ab' jun 'aj satcha'an̈. 'Ay jun rey xya'ch sq'uin̈ jun yunnal yic tznupni.

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Mt 25:1

'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay lajn̈wan̈ cob's 'ix, 'ix yij 'at eb' scantil 'a 'ac'wal, x'at eb' 'a jun nupnel, x'at schanc eb' sjaw win tznupn cha.

Mt 25:14

'Oj wal 'ayex chajtl 'oj 'aj eb' 'anma', yic 'oj sch'oxnc 'el sb'a Dios to wan ya'n yajlil. A 'a jun 'el, 'ay jun winc x'at 'a junx chon̈b' 'a najat. Yic mantzac 'ati, 'ix yawtn cot eb' smoso 'a 'a, 'ix ya'n can win jun tzo'n̈ stumn 'a yol sc'ab' eb'.

Mt 4:17

Ax yic xc'och Jesús 'a jun lugar cha, 'ix syamn 'och yaln 'el spaxti Dios 'a eb' 'anma', 'ix yaln 'ixtc 'a eb': Nac e b'a yuj e mul, yujto jab'xoj 'oj wach' 'och jun 'aj satchan̈ Yajlil, xchi 'a eb'.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Mt 5:10

A eb' tz'ab'n syail, yujto tojl tzyutj eb' sb'eyb'al, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Mt 6:10

'Ochn̈ yajlil 'a tic. B'o cab' 'icha tza nib'j 'a yolyib'n̈q'uinl tic, 'icha tzb'o 'a satcha'an̈.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

Mr 1:15

'Ix yaln 'ixtic: 'Ix c'och stiempoal to jab'xoj 'oj wach' 'och jun 'aj satchan̈ Yajlil, yuj cha, nac e b'a, 'a'c 'och e c'ojl 'a jun wach' 'ab'x yic colnb'il, xchi.

Mr 1:4

Yuj cha, a Juan x'a'n bautisar eb' 'anma 'a cusltac lu'um, 'ix yaln 'a eb', to yowlal tzna sb'a eb' yuj smul, sec tz'ajx can lajwc smul eb' yuj Dios, tzya'n pax 'ajxc bautisar sb'a eb'.

Mr 6:12

Ax yic 'ix 'at eb' scuywum cha, 'ix 'ec' yalnc 'el eb' to yowlal tzna sb'a eb' 'anma yuj smul.

Lc 1:16

Yuj wal jun onnal cha, til wal eb' et israelal 'oj ya'x 'och snab'en 'a sDiosal, atn 'a Cajlil.

Lc 11:20

Palta yujn̈ej spoder Dios, tzin pechn 'el ewin demonio chi 'an tic. Yuj cha, tzcheclji, chajtlto tox 'ix syamch Dios ya'n yajlil 'a qui calec.

Lc 13:3

An tzwal 'ayex, caw ma'ay. Palta ax xo tic, toto matz e na e b'a yuj e mul, c'uxn 'oj e cham pax junx 'icha ewin cha.

Lc 13:5

An tzwal 'ayex, caw ma'ay. Palta ax xo tic, toto matz e na e b'a yuj e mul, c'uxn 'oj e cham pax junx 'icha eb' cha, xchi Jesús 'a eb'.

Lc 15:10

Yuj cha, tzwal 'ayex, toto 'ay junc maysch'olnil sb'eyb'al tzna sb'a yuj smul, caw tzalj eb' yángel Dios yu'uj, xchi Jesús.

Lc 15:7

An̈jtona', q'uinloc 'ay junc 99 'anma toxn tojl snab'en, man̈ yowlalc tzna sb'a snani. May tzaljc'ojlal 'a satchan̈ yuj eb'. Palta an tzwal 'ayex, toto 'ay junc maysch'olnil sb'eyb'al tzna sb'a yuj smul, yel xo wal niwn tzaljc'ojlal yuj jun chi 'a satcha'an̈.

Lc 16:30

Yel ton mamin Abraham: Palta toto 'oj yil eb' spitzw pax junc mach 'a scal eb' chamnac, 'oj sna sb'a eb', xchi winac.

Lc 21:31

An̈jtona', a yic 'oj eyil sjaw jun tzo'n̈ xwal tic, nachj cab' 'el eyu'uj, to jab'xoj 'oj wach' 'och Dios Yajlil.

Lc 24:47

An̈jtona', yowlal 'oj alxc 'el wab'xil 'a scal eb' 'anma 'a junjn nacion̈, to yowlal tzna sb'a eb', sec 'oj 'ajxc can lajwc smul eb'. A 'a Jerusalén tic 'oj b'ab'l alxc 'el wab'xil, ax spuc 'a junjn chon̈ab'.

Lc 6:20

Ax Jesús, 'ix 'ec' q'uel-loc 'a eb' scuywum, 'ix yaln 'a eb' 'ixtic: —Ax meb'a ex, caw wach' eyico', yujto 'ayx 'och 'a yol sc'ab' Dios.

Lc 9:2

'Ix schecn 'at eb', yic tz'ec' yalnc 'el eb' chajtl tz'aj eb' 'anma yoch 'a yol sc'ab' Dios, tz'ec' ya'nc can eb' b'oxc sc'ojl eb' ya'ay.

A Tas Sc'ulejnac Eb' Schecab' Jesús Hechos 11:18

Ax eb' creyente 'a Jerusalén cha, yic xyab'n eb' jun tzo'n̈ tic, man̈x 'a tas xyal eb'. Cojxn wach' paxti xyal eb' 'a Dios, 'ix yaln eb' 'ixtic: —An̈jtona eb' man̈ israeloc, 'ay pax eb' 'ix yac' Dios sna sb'a, sec wach' 'oj scha pax eb' sq'uinl quet' 'a jun 'ejmn̈ej, xchi eb'.

A Tas Sc'ulejnac Eb' Schecab' Jesús Hechos 17:30

A 'a yic pecti', man̈ yojcoc eb' 'anma', toto 'ay Dios. Yuj cha, niwn yutjnac sc'ojl 'a eb'. Palta ticnec, a tzalni to yowlal tzna sb'a smasnil 'anma 'a yolyib'n̈q'uinl tic.

A Tas Sc'ulejnac Eb' Schecab' Jesús Hechos 2:38

Yuj cha, 'ix yaln Pedro 'ixtc 'a eb': —Nac e b'a, tzeya'n 'ajxc bautisar e b'a junjn ex 'a sb'i Jesucristo, sec 'oj 'ajxc can lajwc e mul. 'Ixta to b'i'an, ax ya'n 'och Dios Yespíritu 'ayx jun xo.

A Tas Sc'ulejnac Eb' Schecab' Jesús Hechos 20:21

'Ix waln 'el 'a eb' israel, 'ix waln pax 'a eb' man̈ israeloc, chajtlto yowlal tzna sb'a eb' 'a sat Dios, tzya'n 'och eb' sc'ojl 'a Cajlil Jesucristo.

A Tas Sc'ulejnac Eb' Schecab' Jesús Hechos 26:20

Yuj cha, a 'a Damasco chi in b'ab'l aljnac 'el spaxti Dios. Xlajw cha, x'ec' walnc 'el 'a Jerusalén yet' 'a junjn chon̈b' 'a yol yic Judea cha. Xwaln pax 'a eb' man̈ israeloc, chajtlto tzna sb'a eb', tzya'n 'och eb' snab'en 'a Dios. Waln pax 'a eb' to yowlal wach' tzyutj eb' sb'eyb'al, sec chequel to yel tzna sb'a eb'.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

2 Co 7:10

Toto tzon̈ cusc 'icha tznib'j Dios, yuj jun cusc'ojlal cha, tzqui nanec qui b'a, ax qui colchjec. Toto 'ixta', matz on̈ caw cusc yu'uj, palta 'ay junc'aj xo cusc'ojlal. A jun cha, yic yolyib'n̈q'uinl tic. A eb' tzcus 'ixta', ton̈j tz'atcn eb' 'a chaml 'a jun 'ejmn̈ej yu'uj.

A Scarta San Pablo D'a Eb' Aj Colosas 1:13

Yujto a on̈ colnec can 'elt 'a yol sc'ab' q'uic'q'uinal, on̈ yi'nec 'och 'a yol sc'ab' Yunnal, atn jun chamc'ojlb'il yu'uj.

2 Ti 2:25

An̈jtona', 'emmquil tzyutj eb' yaln 'a eb' tzchichn 'och 'a 'a. Toq'ue 'oj yac' Dios sna sb'a eb', ax yojcan 'el eb' jun cuynb'il caw yel.

A Ch'an̈ Carta D'a Eb' Hebreo 6:1

Ax ticnec, coyc 'a cojltac, sec 'oj wach' te'nb'oc qui nab'enec. Can cab' jun tzo'n̈ b'ab'l cuynb'il tzyal yuj Cristo tic. Man̈x cab' qui cuyc jun tzo'n̈ b'ab'l cuynb'il 'oj wal tic. Tzyala, to tzqui na qui b'a yuj jun tzo'n̈ tas tz'i'n cot chaml 'a quib'n̈ec. Tzyalni, tas tzcutj ca'nec 'och qui c'ojl 'a Dios.

A Schab'il Carta San Pedro 3:9

'Ay eb' tznani, to caw tz'ec' tiempo yuj Cajlilec cha. Ma'ix 'el'ch 'icha yaj ya'n can sti snan eb'. Palta man̈ 'ichcta tz'aj 'icha tzna eb' cha. Mantzac jawi, yujto caw 'ay sniwnc'ojlal 'ayn̈ec 'a yolyib'n̈q'uinl tic. Tznib'j to may junc 'oj satcn 'eli. Tznib'j to tzna sb'a eb' 'anma smasnil.

Apoc 2:21

Niwn xwutj in c'ojl 'a 'ix, toq'ue tzna sb'a 'ix yuj yajmulal, palta toxn matz na sb'a 'ix jab'oc.

Apoc 2:5

Yuj cha, nac coti chajtl eyaj 'a yic mantzac juw 'el e nab'en. Nac e b'a, b'oc e b'eyb'al 'icha 'a yic yalan̈. Toto matz e na e b'a, 'oj in c'och 'ayx muc'uc, ax wi'n 'el e cantil 'a yet'ul.