Mt 3:12 - Chuj San Sebastian Bible

¹² A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Chuj San Mateo Bible

¹² A jun chi', lajan icha junoc vin̈ sluchanq'ue vaan strigo yed' sluchlab', yic tz'el smatz'il ixim. Smesanxiq'ue vaan d'a stec'lab'. Sic'anxib'at ixim trigo chi' d'a yed'tal. Axo yoc ixim chi', sn̈ustz'a d'a yol jun c'ac' malaj b'aq'uin̈ stupi, xchi vin̈aj Juan chi' d'a eb'.

Mt 3:12 Iomraidhean Croise

Job 21:18

¿Tom comn xoj tzsactzic eb' 'icha tzyac' te 'ac tzma' chan̈ chacxuxm'ic'?

Salmos 1:4

Palta ax eb' tu sb'eyb'al, man̈ 'ichcta 'oj 'aj 'el'ch eb'. A eb' cha, lajn eb' 'icha solcal trigo, tz'ijx 'at yuj 'ic'.

Salmos 35:5

Pechx cab' 'at eb' yuj jun a sat ángel. Lajn cab' tz'aj eb' 'icha solcal 'ixm trigo tz'ijx 'at yuj 'ic'.

Is 1:31

A junc 'anma caw te'n yaj 'a tzyutj snani, 'icha xoj te 'ac 'ixta 'oj 'ajoc; ax jun tzo'n̈ yechl xlaj sb'o cha, 'oj 'och n̈ilnjoc sc'aq'uil, lajn 'oj 'aj scan sc'ac'l eb' 'a schac'ajil, man̈x 'a mach 'oj stac' stupn jun c'ac' cha, xchi Dios.

Is 17:13

Palta ax yic 'oj tenxoc 'och wan eb' yuj Dios, wach'xam tzc'an̈ yec' eb', palta ma'oj yil eb' s'at 'eloc, lajn 'oj 'aj eb' 'icha tz'aj yutz'x 'at solcal trigo yuj 'ic' 'a caltc te', mto 'icha tz'aj yutz'x chan̈ pococ yuj chacxuxm'ic', 'ixta 'oj 'aj eb'.

Is 27:4

May wowl 'ay cot 'a 'a. Toto 'ay te q'ui'ix, mto te comn c'ultc tu 'ay 'a scal, tzin satli, tzwa'n tz'a 'a jun 'ejmn̈ej.

Is 28:28

A 'ixm trigo tzte'xi, tztac' yec' junc careta 'a yib'n̈ 'ixim, palta toto 'elnc xo 'ixm sat cha, 'an̈ja yec' jun careta chi 'a yib'an̈, to 'ixta', tzpoj 'ixm sat cha.

Is 30:24

A no e wacax yet' e no e b'uru tzmunlji, a wal 'ixm cebada caw wach' a 'oj eyac' sc'ux e no'.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Is 5:24

Yuj cha, 'icha wal tz'aj stz'a 'ejm te 'ac yuj c'ac', c'uxn tz'a te xil chi smasnil, 'ixta 'oj 'aj slajw 'el eb' tic, 'oj tacjoc 'el eb' 'icha te te c'al xo sch'an̈lyib', munxoj tzpucl snich, 'icha xoj pococ tz'ajcni. Yujto tzpatquiljcan 'el eb' sley Jehová tztac' yuj smasnil, atn qui Diosal to Cojxni.

Is 66:24

Ax yic 'oj meltzjoc eb' 'anma cha, 'oj yil eb' sniwnal eb' chamnac, atn eb' meltzjnac 'och 'ajc'ojlal 'ayin. Ax no a'ay, a no tzchin 'ejm sniwnal eb' chamnc cha, may xon tz'aj no ay chi schami; 'ixta pax jun c'ac' tzn̈usntz'a eb' cha, may xon tz'aj stupi. Caw wal yajb'entac yilx eb' 'a sat smasnil 'anma', xchi Jehová Dios.

Jeremías 15:7

'Oj ex wic' 'elt 'a e chon̈b' 'a yol e nacion̈, 'oj ex wa' sactzic can 'at 'icha tz'aj yutz'x 'at solcal trigo yuj 'ic'. 'Oj wac' satl in chon̈ab'. Man̈x 'a xon junc eyunnal 'oj wactc cani, yujto matz eyactj can e b'on maysch'olnil.

Jeremías 17:27

Palta toto an̈ja eyi'n 'oxt eyictz 'a spuertail chon̈b' tic 'a jun c'ul cha, 'icha to may yel'ch jun c'ul chi 'a e sat. To 'ixta', 'oj wa'ch c'ac' 'a spuertail chon̈b' tic. A jun c'ac' chi 'oj satnc 'el smasnil yatut eb' rey 'ay 'a Jerusalén tic, man̈x 'a mach 'oj stac' sma'n tupoc, xchi Dios, xa chi, xchi 'ayin.

Jeremías 4:11

A wal 'a yic jun tiempoal cha, 'oj yal Dios 'a eb' 'anma 'aj Jerusalén 'ixtic: 'Ay jun tacn̈ 'ic' tzcot 'a lum jolmctac witz 'ay 'a lum cusltac lu'um. A 'a stojlal in chon̈b' tzcot jommoc, a jun 'ic' cha, man̈ lajnoc 'icha junc 'ic' tzc'anlb'ax 'a yic tzchayx 'ixm trigo.

Jeremías 51:2

'Icha wal tz'aj schayx 'ixm trigo 'a 'ic', 'ixta wal 'oj 'aj eb' 'aj Babilonia yuj eb' 'ajc'ojol, man̈x 'a junc mach 'oj can cajn 'a slum yuj eb'. A wal yic 'oj c'och sc'ul slajw 'el eb', tzanxn̈ej lugaril 'aj 'oj cot eb' chuc chon̈b'al wul yac' owl yet' eb'.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Os 13:3

Yuj cha, lajn 'oj eyaj 'icha 'asn 'ay 'ejm 'a sq'uin̈b'ial, 'icha pax chicb'chan̈ tz'em 'a 'ac'wal, to yajn̈ej tzsatcha'an̈. Lajn ex pax 'icha te tzab' tz'ijx 'at yuj 'ic', mto 'icha te tab' tz'el 'a swentnul cusnu.

Am 9:9

'Oj wac' chayxoc eb' yin̈tl Israel tic 'a scal smasnil nacion̈, 'icha wal tz'aj schayx 'ixm trigo 'a junc chaylab', may junc yol sat 'ixm tzcan 'a sat lu'um.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Mt 13:30

Can cab'n̈ej 'ixta', masnto 'oj polxc 'el 'ixm trigo cha. Atta 'oj wal 'a eb' in majan, to tzto'cn 'el eb' te 'ac trigo cha. Junjn yuchn̈ 'oj yutc eb' spixni, ax sn̈usn eb'. 'Oj lajwc cha, ax spoln 'el eb' 'ixm trigo chi b'i'an, ax smoln eb' 'a yet'ul, xchi win 'a eb', xchi Jesucristo.

Mt 13:41

An 'Ochnc in 'Anmal tic, 'oj in chec cot eb' wángel. C'uxn 'oj 'ec' smolb'tzoc eb' jun tzo'n̈ eb' tz'a'n juwc 'el snab'en eb' yit 'anma'il, yet' jun tzo'n̈ xo eb' tzb'on maysch'olnil. C'uxn 'oj 'ijxc 'el eb' 'a 'aj 'oj woch Yajlil.

Mt 13:42

Ax sjulx can 'at eb' 'a yol jun 'icha jorna 'aj 'aych c'ac'. Caw 'oj 'oc' eb' ta', 'oj juch'ch'oc ye eb' yoq'ui.

Mt 13:43

Ax eb' tojl sb'eyb'al, 'icha wal yilx c'u, 'ixta 'oj 'aj yilx eb' 'a yol sc'ab' qui Mam Dios. A wal jun tzo'n̈ tzeyab' tic, nac wal si'mb'il.

Lc 3:16

Palta xyaln Juan chi 'ixtc 'a eb' smasnil: —An tic, wal yel tzex wac' bautisar 'a a a', palta 'ay jun tot 'oj jawoc, a 'oj 'a'nc Yespíritu Dios 'ayex, mto a c'ac' 'oj yac' 'ayex, 'icha to 'oj eyajx bautisar yu'uj. A jun 'oj jawc cha, yel xo wal niwn yel'ch 'a wib'n̈ an tic. Yuj cha, man̈ in mojc wa'n servil, wach'xam ton̈j tzin jiy jac sc'ab' xan̈ab'.

Lc 3:17

A jun cha, lajn 'icha junc winc tzchayj strigo, tz'el yoc 'a scal. Tzlajw schayni, tzmoln strigo chi 'a yet'ul, ax stzapil chi tzchayj can 'el cha, tzlan̈cn 'at 'a yib'n̈ jun c'ac' may b'a'n̈ tztupi, xchi Juan chi 'a eb'.

Jn 15:2

Toto 'ay te sc'ab' matz laj satni, ax win 'aych stzu'n 'eli. Toto 'ay te sc'ab' wach' satni, ax win 'aych laj swach' mesn 'el te', sec tzwach' satni. 'Icha tzyutj win sb'on te', 'ixta tzyutj in Mam sb'on eb' 'aych snab'en 'ayin.