Mt 3:1 - Chuj San Sebastian Bible

¹ A 'a jun tiempoal cha, 'ix c'och Juan Bautista 'a jun cusltac lum 'ay 'a yol yic Judea. Ata xyal-l spaxti Dios 'a eb' 'anma tzlaj c'och 'a 'a.

Chuj San Mateo Bible

¹ A d'a jun tiempoal chi', ay jun vin̈ scuchan Juan ix ac'an bautizar d'a tz'inan luum d'a yol yic Judea. Ata' ix yalel slolonel Dios vin̈ d'a eb' anima ix laj c'och d'ay.

Mt 3:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 2:34

Xlajw cha, 'ix 'at Benaía yunnal Joiada, x'at smilnc cham Joab, 'ix mucx can 'a yatut 'a cusltac lu'um.

Mt 11:11

Wal yel tzwal 'ayex, a 'a scal eb' 'anma 'a yolyib'n̈q'uinl tic, may junc mach 'ec'b'al yel'ch 'a yib'n̈ Juan Bautista cha. Palta ax eb' 'aych 'a yol sc'ab' Dios, wach'xam eb' caw may yel'chi, yel xo 'ec'b'al swach'l yic eb' 'a yib'n̈ yic Juan cha.

Mt 11:7

Xlajw xoj spax eb', 'ix yaln Jesús 'ixtc 'a eb' 'anma yuj Juan cha: —Nac coti, tas xit' eyiljnac 'a cusltac lu'um. ¿Tom a junc te 'aj tz'ib'x yuj 'ic' xit' eyiljnac?

Mt 16:14

—'Ay eb' tzalni tolab' Juan Bautista ach. 'Ay pax eb' tzalni tolab' Elías ach. 'Ay pax eb' tzalni tolab' Jeremías ach, mto junc xo schecb' Dios 'e'nc 'a pecti', xchi eb' 'a 'a.

Mt 21:32

Yujto a Juan Bautista wul aljnac 'el 'ayex, chajtl tzeyutj e tojlb'tzan e b'eyb'al, palta ma'ix eya'ch e c'ojl 'a 'a. Ax eb' tecm 'el tumin, yet' eb' 'ix 'ajmul 'ix, 'ay eb' xya'ch sc'ojl 'a 'a. Wach'xam eyiljnac tas yutjnac eb' snan sb'a, palta ma'ix e na e b'a yet' eb', ma'ix eya'ch e c'ojl 'a tas yaljnac Juan cha.

Mt 3:8

Nac e b'a yuj e mul, yowlal wach' tzeyutj e b'eyb'al, sec tzcheclj 'eli, chajtlto yel tzeyala.

Mr 1:15

'Ix yaln 'ixtic: 'Ix c'och stiempoal to jab'xoj 'oj wach' 'och jun 'aj satchan̈ Yajlil, yuj cha, nac e b'a, 'a'c 'och e c'ojl 'a jun wach' 'ab'x yic colnb'il, xchi.

Mr 1:2

A jun schecb' Dios Isaías sb'i, a tz'ib'jnac can 'a Ch'an̈ U'un̈, yic yaln can Dios 'ixtic: 'Oj in b'ab'l checc 'at jun in checb' 'ayach, sec a 'oj b'ab'l b'onc a b'e.

Lc 1:76

Ach xo tic ach wunnal, ach 'oj och schecb'oc Dios jun yel xo niwn yel'chi. Yujto 'oj a b'ab'l 'ec' 'a Cajlil, ax a b'on snab'en eb' 'anma', 'icha tz'aj sb'o junc b'e.

Lc 7:24

Xlajw xoj spax eb', 'ix yaln Jesús 'ixtc 'a eb' 'anma yuj Juan cha: Nac coti, tas xit' eyiljnac 'a cusltac lu'um. ¿Tom a junc te 'aj tz'ib'x yuj 'ic' xit' eyiljnac?

Josué 14:10

A jun tic, 'ayx 45 ab'il yaln can 'ayn yuj Jehová, 'a yic 'ayn̈ec 'ec' 'a lum cusltac lu'um. Yujn̈ej jun alb'il can cha, yuj cha, pitzn in to ticnec. Ax ticnec, 'ayx 85 ab'il in q'uinal.

Jueces 1:16

A eb' yin̈tl Hobab win quenita, sn̈i Moisés, 'ix 'el eb' 'a jun schon̈b' 'aj til wal te palma, atn Jericó. 'Ix q'ue'ch eb' yet' eb' yin̈tl Judá, 'ix c'och cajn eb' 'a scal eb' 'anma cajn 'ec' 'a lum cusltac lum 'ay 'a yol yic Judá, atn lum 'ay 'a Neguev 'a stz'ey Arad.