Mt 27:40 - Chuj San Sebastian Bible

⁴⁰ tzyaln eb' 'ixtic: —Ach ton tic xal a satl yatut Dios, xa b'on sjel 'a schab'jial. Col a b'a ticnec, toto yel yunnal ach Dios, 'emn̈ta 'a spenc te culs cha, xchi eb' 'a 'a.

Chuj San Mateo Bible

⁴⁰ Ix yalan eb': —A ach ton tic, ix ala' to tza satel stemplo Dios, axo d'a schab'jial tza b'oanxiq'ue sq'uexul. Col a b'a ticnaic. Tato yel Yuninal ach Dios, eman̈cot d'a te' culus chi', xchi eb' d'ay.

Mt 27:40 Iomraidhean Croise

Mt 16:4

A wal ax 'anmax 'a jun tiempoal tic, caw may e ch'olnil, man̈oc wal 'a Dios tzeya'ch e nab'en. Yuj cha, ton̈j tze c'an eyil junc milagro, junc tzch'oxn spoder Dios. Palta cojn jun milagro 'oj 'ajxoc eyila', atn jun 'icha sch'oxjnac Dios yet' win Jonás, xchi 'a eb'. Xlajw cha, xyactn can eb', 'ix 'atxi.

Mt 26:61

'ix yaln eb' 'ixtic: —'Ix cab' yaln win 'ixtc on̈: An tic tztac' in satn 'el yatut Dios, ax 'a schab'jial, ax sb'ox sjel wu'uj, xchi winac, xchi eb'.

Mt 27:41

'Ixta pax ewin sat ya'mal 'och sti eb' 'anma 'a Dios, yet' ewin cuywum 'a ley yic Moisés yet' ewin fariseo, yet' ewin 'ichmtac winc 'ay yopiso, 'ix laj b'uchwj ewin 'a 'a, 'ix laj yal-lanc ewin 'ixtic:

Mt 27:42

—'Ix cob' colchjoc jun tzo'n̈ eb' yu'uj, palta 'in matz tac' scoln sb'a ticnec. A jun tic cob' qui Reyl an̈ israel on̈ec tic: a ticnec, 'emt cab' 'a te culs chi quila', 'ixta to b'i'an, ax ca'nec 'och qui c'ojl 'a 'a.

Mt 27:54

Ax ewin soldado tztan̈wni cha, yet' win syajlil ewinac, 'ix yab' ewin yec' jun quixcab' cha. 'Ix yiln pax ewin jun tzo'n̈ xo tas 'ix uji, yuj cha, caw xiw ewinac, 'ix yaln ewin 'ixtic: A jun win xcham tic, caw yel yunnal Dios, xchi ewinac.

Mt 4:3

'Ix c'och win 'a'm prowal chi 'a 'a, 'ix yaln win 'ixtc 'a 'a: —'In yunnal ach Dios, yuj cha, al 'a jun tzo'n̈ q'uen tic, 'och cab' panil, xchi win 'a 'a.

Mt 4:6

'Ix yaln win 'ixtc 'a 'a: —'In yunnal ach Dios, yuj cha, jul 'ejm a b'a 'a sat lum cha, yujto tzyal 'ixtc 'a Ch'an̈ Un̈ tz'ib'b'il cani: 'Oj ya' cot Cajlil eb' yángel ach stan̈woc. 'Oj ach squetz chan̈ eb', sec man̈ comnoc tza tench oc 'a q'uen q'ue'en, xchi 'a Ch'an̈, xchi win diablo cha.

Lc 16:31

Toto matz ya'ch eb' schicn 'a tas stz'ib'jnac can Moisés, yet' eb' schecb' Dios, wach'xam 'ay junc mach tzpitzw pax 'a scal eb' chamnac, an̈jtona ma'oj ya'ch pax eb' 'a sc'ojol, xchi Abraham chi 'a winac. 'Ixta tzyal jun 'ab'x tic, xchi Jesús.

Apoc 11:10

C'uxn 'oj laj tzaljc eb' 'anma 'a yolyib'n̈q'uinal, yujto 'ix cham eb'. 'Oj laj ya'lac eb' siylab' 'a scal. Caw 'oj tzaljc eb', yujto caw tzyab' eb' syal yuj chawn̈ eb' schecb' Dios cha.