Mt 27:2 - Chuj San Sebastian Bible

² Yuj cha, 'ix sjaln ewinac, xyi'n 'at ewin 'a win Poncio Pilato, atn win gobernador 'aj Roma.

Chuj San Mateo Bible

² Yuj chi', ix stzec' eb', ix yic'anb'at eb', xid' yac'anoch eb' d'a yol sc'ab' vin̈aj Poncio Pilato, aton vin̈ gobernador.

Mt 27:2 Iomraidhean Croise

Gn 22:9

Ax yic xc'och eb' 'a 'aj 'ix yal Dios cha, 'ix sb'on Abraham jun yet'l xajmb'al, 'ix sb'on q'ue te c'atztz 'a yib'an̈. Xlajw cha, sjaln jun yunnal cha, 'ix ya'n q'ue 'a yib'n̈ te c'atztz 'ay q'ue 'a yib'n̈ yet'l xajmb'al cha.

Mt 20:19

'Oj wajx 'och 'a yol sc'ab' eb' man̈ israeloc. 'Oj in sb'uch eb'. 'Oj in smac' eb'. 'Oj in yac' q'ue eb' 'a spenc culus. Palta ax 'a schab'jial, ax in pitzw paxi, xchi 'a eb'.

Mt 28:14

Toto tzyab' win gobernador speclal jun tic, man̈ e na', 'oj 'at qui b'oyaj yet' win on̈, xchi ewinac.

Lc 13:1

A 'a jun tiempoal cha, 'ay jun tzo'n̈ eb' xjaw 'a Jesús. 'Ix yaln eb' yab'xil jun tzo'n̈ ewin 'aj Galilea, chajtl xyutj win Pilato smiln ewinac, yic wan ya'n ewin jun tzo'n̈ xajmb'al 'a Dios.

Lc 20:20

Yuj cha, schecn 'at ewin jaywn̈ schecab', x'at smaclnoc eb' yila', checl to matz 'och smul. Ax 'ix c'och eb', caw tojl xcob' yutc eb' snab'en yila'. 'Ix cob' slocnc eb' sc'umoc, sec toq'ue 'ay tas tzyac' palta yalni, sec tz'at ya'ch eb' 'a yol sc'ab' win yajal.

Lc 23:1

'Ix q'ue lin̈n eb' smasnil. 'Ix yi'n 'at eb' Jesús 'a yojltac win Pilato.

Lc 23:12

A wal 'a jun c'u cha, 'ix swach'c'ojlej sb'a win Pilato chi yet' win Herodes. Yujto a 'a yic yalan̈, caw wal matz nib'j eb' yil sb'a.

Lc 3:1

A Juan win yunnal Zacarías, cajn 'a jun cusltac lu'um. 'Ay jun c'ual xyal Dios 'a 'a, tas 'oj yal 'a eb' 'anma'. 'Ix uj jun tic 'a yic yolajn̈il xo ab'il yoch win Tiberio sat yajlil 'a yib'n̈ eb' yajl 'a smasnil chon̈b' 'aych 'a yaln̈ sley Roma. 'Aych win Poncio Pilato gobernadoral 'a Judea. Ax win Herodes 'aych gobernadoral pax 'a Galilea. A jun yu'tac win Felipe sb'i, a 'aych gobernadoral 'a Iturea, yet' 'a Traconite. Ax win Lisanias, gobernador yaj 'a Abilinia.

Jn 18:12

Ax ewin soldado yet' win scomandanteal ewinac, yet' ewin stan̈mal yatut Dios, 'ix syamn ewin Jesús, 'ix sjaln ewinac.

Jn 18:24

Xlajw cha, ax win Anás, 'ix 'a'n 'ijxc 'at Jesús 'a win Caifás, win sat ya'mal 'och sti eb' israel 'a Dios. An̈ja jalb'il yuj ewinac, 'ix yi'n 'at ewinac.

Jn 18:28

Ax yic sacb'i, 'ix yi'n 'elt ewin Jesús 'a yol yatut win Caifás. Xyi'n 'at ewin 'a 'aj 'ay sdespacho win yajal. A sley eb' 'aj Judea cha, matz tac' yoch eb' 'a yol sdespacho win cha. Tzna eb', toq'ue tzjuw 'el eb' 'a sat Dios. Toq'ue man̈xtzac stac' swa eb' 'a jun yemc'ul yic q'uin̈ cha.

A Tas Sc'ulejnac Eb' Schecab' Jesús Hechos 12:6

Ax 'a jun 'ac'wal, q'ui'noc xoj sch'oxx 'elt Pedro 'a sat eb' 'anma yuj win Herodes snani, waync Pedro 'a snan̈l chawn̈ eb' soldado, jalb'il yet' chab' cadena. Ax 'a sti', 'ayc' pax eb' soldado tztan̈wni te preso cha.

A Tas Sc'ulejnac Eb' Schecab' Jesús Hechos 21:33

Ax xc'och winac, 'ix syamn cot win Pablo cha. 'Ix ya'n win 'ajxc 'och chab' cadena 'a 'a. Xlajw cha, 'ix sc'anb'n win 'ixtc 'a eb' 'anma': —¿Mach jun winc tic? ¿Tas smul win tzeyila? xchi winac.

A Tas Sc'ulejnac Eb' Schecab' Jesús Hechos 22:25

Ax yic tox 'ix sjal eb' Pablo, yic tzma'xi, 'ix yaln Pablo 'a jun win capitan̈ 'ayc' ta': —¿Tom 'ay sleyl tzin e comn maq'uej? 'In 'aj Roma in, an̈jtona', may jac in mul xcheclji, xchi.

A Tas Sc'ulejnac Eb' Schecab' Jesús Hechos 22:29

Yuj cha, ax eb' soldado 'ijn xma'n cha, xyactj 'el eb'. Yic 'ix yab'n win comandante cha, to 'aj Roma Pablo, caw 'ix xiw winac, yujto 'ix scomn 'a'j win jalxoc.

A Tas Sc'ulejnac Eb' Schecab' Jesús Hechos 24:27

Chab' ab'il xyac' win 'ixta yet' Pablo cha, xlajw cha, x'el win 'a yopiso, ax win Porcio Festo x'ochx can sjelc winac. Ax yic x'el win Félix chi 'a yopiso, 'ix wach' 'atcn Pablo 'a preso yu'uj, sec tzalj eb' israel yet' winac.

A Tas Sc'ulejnac Eb' Schecab' Jesús Hechos 28:20

Yuj cha, ex wawtn coti. Yujto tzin nib'j tzex wila, tzex in c'umn jab'oc. Yujto 'ay jun mach tan̈b'il xon sjaw cuj an̈ israel on̈c tic. Yujn̈ej to tzwa'ch in nab'en 'a jun cha, yuj cha, 'aych q'uen cadena tic 'ayin, xchi Pablo 'a eb'.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

A Tas Sc'ulejnac Eb' Schecab' Jesús Hechos 4:27

Wal yel, a win Herodes, win Poncio Pilato, eb' man̈ israeloc, yet' pax eb' quit israelal on̈, 'ix syam sb'a eb' 'a yol chon̈b' tic. 'Ix sc'umj sb'a eb' 'a spatc Onnal, atn jun sic'b'il 'el o'oj. Palta ach a'jnac can yopiso.

A Tas Sc'ulejnac Eb' Schecab' Jesús Hechos 9:2

'Ix sc'ann win jun tzo'n̈ ch'an̈ carta, yic tzyi'n 'at 'a jun tzo'n̈ scapiya eb' yit israelal 'ay 'a chon̈b' Damasco. A jun tzo'n̈ carta chi tz'a'n yopiso win syamn jantcn̈ej eb' tzya'ch snab'en 'a Jesús, eb' winac, yet' eb' 'ix. Tznib'j win tzyij 'at eb' 'a preso 'a Jerusalén.

1 Ti 6:13

Yuj Dios, pitzn on̈ qui masnil 'a yolyib'n̈q'uinl tic, yet' te te', yet' no noc'. A Jesucristo, caw wach' xyutj ya'n testigoal sb'a 'a Poncio Pilato. A 'a sat Dios yet' 'a sat Jesucristo, tzcham wal waln 'at 'ayach.

2 Ti 2:9

Yujn̈ej to tzwal-l jun wach' 'ab'x tic, wan wab'n syal ticnec. Yu'uj 'aych q'uen cadena 'ayin, 'icha to caw 'ajmul in 'a sat ley. Palta ax spaxti Dios, man̈ 'ayc 'och cadena 'a 'icha waj tic.

A Ch'an̈ Carta D'a Eb' Hebreo 13:3

Qui nac cot eb' 'aych 'a preso, 'icha cab' to preso cajc yet' eb'. Qui nac cot pax eb' tz'ajx syailal, yujto an̈ec tic, lajn on̈ yet' eb'. Lemb'il 'oj 'ajxc pax qui yailal yet' eb' jun xo.

Jueces 15:12

—An̈ tic on̈, tzon̈ jaw wul ach qui jal on̈, ax ach ca'n 'och 'a yol sc'ab' eb', xchi eb' 'a winac. 'Ix yaln Sansón 'a eb' 'ixtic: —'A'c e ti 'ayn 'an, toto yel matz in e mil chamoc, xchi 'a eb':