Mt 26:61 - Chuj San Sebastian Bible

⁶¹ 'ix yaln eb' 'ixtic: —'Ix cab' yaln win 'ixtc on̈: An tic tztac' in satn 'el yatut Dios, ax 'a schab'jial, ax sb'ox sjel wu'uj, xchi winac, xchi eb'.

Chuj San Mateo Bible

⁶¹ Ix yalan eb': —Ix cab' yalani: A in tic, syal in satanel stemplo Dios, axo d'a schab'jial tzin b'oanxiq'uei, xchi, xchi eb'.

Mt 26:61 Iomraidhean Croise

Gn 19:9

Palta xyaln ewin 'ixtc 'a 'a: —'Eln̈ 'a qui sat. ¿Tom ach chuc chon̈b'alch tic tza nib'j cojxn ach tzala? A ticnec, 'ec'b'al xo 'oj ach quixtc 'a yib'n̈ ewinac, xchi eb'. Xlajw cha, snib'n eb' yecl Lot cha, yic tznitzn 'ochch sb'a eb' 'a stz'ey te smac n̈a cha, yic tzma'n poj eb' te snani.

A Ch'an̈ B'ab'el Libro Yic Yab'ixal Eb' Rey 22:27

Tzeyaln 'ixtc 'a winac: A win rey 'ix alni to tz'och jun winc tic 'a preso, man̈ niwnoc tas tz'ajx sc'uxu', jab' wal jac wal tz'ajx 'a 'a. 'Ixta pax tas tzyuq'uej, masnto tzin meltzj pax 'a tzaljc'ojlal 'a owl cha, xchi win rey, xe chi, xchi win rey chi 'a eb' schecb' cha.

A Ch'an̈ Schab'il Libro Yic Yab'ixal Eb' Rey 9:11

A yic 'ix 'elx c'ochx Jehú 'a 'aj yamn eb' yit capitan̈il yic win rey cha, 'ix sc'anb'n eb' 'ixtc 'a 'a: —¿Tas xchi, wach' ama? ¿Tas yuj tzach wul yil jun tzcot 'a sjolm cha? xchi eb'. —Ax tic eyojc winac, eyojc xon tas tzyaln̈j eb' schecb' Dios cha, xchi Jehú.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Mt 12:24

Palta a yic xyab'n ewin fariseo jun tzo'n̈ cha, 'ix yaln ewin 'ixtic: —A jun winc tic, tztac' ton yi'n 'el ewin demonio, yujto a win Beelzebú win syajlil ewin demonio cha, a 'aych yet'oc, xchi ewinac.

Mt 26:62

Ax win sat ya'mal 'och sti eb' 'anma cha, 'ix q'ue wa'an, 'ix yaln win 'ixtc 'a Jesús: —¿Tom matz ach ta'w jab'oc? ¿Tom matz ab' xon jun tzo'n̈ tzya'ch ewin tic 'a eb'an̈? xchi win 'a 'a.

Mt 26:71

Ax yic wan yel'ch Pedro 'a sti n̈a cha, xyiln jun 'ix 'ix yel'chi, xyaln 'ix 'a jun tzo'n̈ xo eb' 'ixtic. —Atn jun winc tic, yitb'eym sb'a yet' Jesús 'aj Galilea, xchi 'ix.

Mt 27:40

tzyaln eb' 'ixtic: —Ach ton tic xal a satl yatut Dios, xa b'on sjel 'a schab'jial. Col a b'a ticnec, toto yel yunnal ach Dios, 'emn̈ta 'a spenc te culs cha, xchi eb' 'a 'a.

Mt 27:5

Yic xyab'n win jun cha, 'ix sjuln can 'och win q'uen tumn chi 'a yol yatut Dios. Xlajwn̈ej cha, x'at winac, 'ix ya'n 'och jun ch'an̈ 'a sjaj, 'ix st'unn̈q'ue sb'a winac, 'ix chami.

Mr 14:58

—'Ix cab' yaln win 'ixtc on̈: 'Oj in satl jun yatut Dios b'ob'il yuj 'anma tic, ax 'a schab'jial, ax in b'on pax sjel, jun man̈ 'anmac tzb'oni, xchi winac, xchi eb'.

Mr 15:29

Ax eb' xlaj 'ec' ta', caw xb'uchwj eb', xlaj pax ch'umnjoc eb' 'a 'a, xyaln eb' 'ixtic: —'A..., ach ton tic xal a satl yatut Dios, ax a b'on pax sjel 'a schab'jial.

Lc 23:2

Ata syamch eb' ya'n 'och jun tzo'n̈ tas 'a yib'an̈. 'Ix yaln eb' 'ixtic: —'Ix quil on̈, to wan ya'n somchjoc 'el win eb' quit chon̈b' on̈. Tzyal winac, to matz tac' ca'n qui tumn tzc'anx 'el yuj win yajl 'a Roma. Tzyaln 'och sb'a win Cristoal, tzyal 'el'chi, rey, xchi eb' 'a winac.

Jn 9:29

Cojc on̈, to yaljnac can Dios spaxti 'a Moisés cha. Palta ax Jesús cha, man̈ cojcoc on̈ mach 'a'jnac yopiso winac, xchi ewin 'aj Judea cha.

A Tas Sc'ulejnac Eb' Schecab' Jesús Hechos 17:18

'Ay jun tzo'n̈ winc caw jelan, yujto tzcuy eb' sjelnal eb' tzcuch epicúreo yet' jun tzo'n̈ eb' tzcuch estoico. 'Ix syamn 'och eb' spaxtin yet' Pablo. Ax nan̈l xo eb', mun xyal eb' 'ixtic: —A win puch yec' paxtinc tic, ¿tas 'oj yal win 'ayn̈ec? xchi eb'. 'Ay jun tzo'n̈ xo eb' xaln 'ixtic: —Al qui nani, to tzwul yal win yab'xil jun tzo'n̈ chuc diosal, xchi eb'. 'Ixta xyutj eb' yalni, yujto x'ec' yal-l Pablo yab'xil Jesucristo. 'Ix yaln paxi, chajtlto 'oj pitzwc pax eb' chamnac.

A Tas Sc'ulejnac Eb' Schecab' Jesús Hechos 18:13

'Ix yaln eb' 'a win 'ixtic: —A win tic, tz'ec' 'a'nc sc'ojloc eb' 'anma', sec tzcob' yal sb'a eb' 'a Dios, palta man̈ 'icha'oc yaj qui ley on̈, xchi eb'.

A Tas Sc'ulejnac Eb' Schecab' Jesús Hechos 22:22

'Ix smaclj eb' 'anma yab'i', tas chi wan yaln Pablo 'a eb'. Palta ax yic xyab'n eb' yaln junx cha, 'ix syamn 'och eb' sq'ue yaw, xyaln eb' 'ixtic: Cham cab' winac. ¿Tas gana pitzn winac? xchi eb'.