Mt 26:55 - Chuj San Sebastian Bible

⁵⁵ Xlajw cha, xyaln pax 'ixtc 'a ewin xc'och cha: —¿Tom 'elc'm in tzeyila, yuj cha, eyet' e machit, eyet' e te', tzex jaw wul in eyama'? Junjn c'u tzin 'em wocn cuywjoc 'ayx 'a yamq'uil yatut Dios, palta ma'in eyam ta'.

Chuj San Mateo Bible

⁵⁵ Ix lajvi chi', ix yalanpax d'a eb' vin̈ ix c'och chi': —¿Tom yajal in d'a scal eb' tz'ac'an oval yed' eb' yajal tzeyila', yuj chi' eyed' eyespada yed' e te', tzex ja in eyama'? Junjun c'u tzex in c'ayb'an d'a yol yamaq'uil stemplo Dios, palta maj in eyam ta'.

Mt 26:55 Iomraidhean Croise

Mt 21:23

Xlajw cha, x'ochx Jesús 'a yamq'uil yatut Dios, 'ix cuywj 'a eb' 'anma ta'. Ax ewin sat ya'mal 'och sti eb' israel 'a Dios, yet' ewin 'ichmtac winac, 'ix jaw ewinac, sc'anb'n ewin 'ixtc 'a 'a: —¿Tas opiso, yuj cha a comn b'on jun tzo'n̈ chi 'ewi? ¿Mach wal 'a'jnac opiso cha? xchi ewinac.

Mt 26:47

Wanto yaln jun cha, 'ix jaw win Judas. A win cha, yit cuywumal sb'a cob' yet' eb' uxlchwa'an̈, til wal 'anma xjaw yet' winac, yet' eb' smachit, yet' eb' ste'. 'Ix checx 'at eb' yuj ewin sat ya'mal 'och sti eb' 'anma 'a Dios, yet' ewin 'ichmtac winc 'ay yopiso.

Mr 10:1

'Ix 'atx Jesús 'a Capernaum 'a 'aj 'ayc' cha, 'ix 'ec' 'a yol yic Judea, 'ix c'och 'a junx lugar 'ay 'a sc'axpil a Jordán. Ata 'ix syam sb'a eb' 'anma jun 'ejm xo, 'ix cuywj 'a eb' 'icha xon sley.

Mr 12:35

Ya' sb'a wan scuywj Jesús 'a yamq'uil yatut Dios, 'ix yaln 'ixtic: —A eb' cuywjum 'a ley yic Moisés, tzyal eb' 'ixtic: A Cristo, yin̈tln̈ej David, xchi eb', palta man̈ yelc tzyal eb'.

Lc 19:47

Junjn c'u, 'ix c'och'c Jesús cuywjoc 'a yamq'uil yatut Dios cha. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' ewin yajl chon̈b' cha, 'ix sayn ewin tas tzyutj smilni.

Lc 20:1

'Ay jun c'u 'ix cuywj Jesús 'a eb' 'anma 'a yamq'uil yatut Dios, 'ix yaln 'el wach' 'ab'x yic colnb'il 'a scal eb'. Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, yet' ewin 'ichmtac winc 'ay yopiso, 'ix c'och ewin 'a 'a,

Lc 4:20

Xlajw cha, smacn pax Ch'an̈, 'ix ya'n pax 'a jun win 'ay yopiso 'a jun capiya cha. Xlajw cha, x'em wocan yic tzcuywj 'a eb'; ax eb' 'ayc' 'a yol jun n̈a, cha, c'uxn x'at q'ueln eb' 'a 'a.

Jn 7:14

Spaclto yaj jun q'uin̈ cha, 'ix c'och Jesús 'a yamq'uil yatut Dios. 'Ix cuywj 'a eb' 'anma'.

Jn 7:28

Yic 'ix yab'n Jesús jun tzo'n̈ cha, 'ix yaln jun tzo'n̈ xo cuynb'il tic 'a eb' 'ay 'a yamq'uil yatut Dios cha, 'ix yaln 'elt 'ixtc 'a scal eb': —Yel ton jun, eyojc in. Eyojc ton pax 'aj cotnc in. Palta man̈ munoc in jaw 'a yol wico'. To a Dios, atn jun caw yel, a checjnacn coti. Palta a jun cha, man̈ eyojcoc.

Jn 8:2

Ax yic sacb'i, 'ix 'atx 'a yatut Dios jun 'ejm xo. Yic 'ix c'och ta', c'uxn xlaj c'och eb' 'anma 'a stz'ey. Ax Jesús, 'ix 'em wocan, syamn 'och scuywj 'a eb'.

Jn 8:20

A 'a yamq'uil yatut Dios 'a stz'ey jun chalab' ofrenda, ata xyal Jesús jun tzo'n̈ tic. Ata 'ix cuywj 'a eb' 'anma'. May junc mach 'ix yamni, yujto mantzac jaw stiempoal schami.