Mt 26:40 - Chuj San Sebastian Bible

⁴⁰ Xlajw cha, xjab'x 'a eb' 'oxwn̈ cha, palta xyilni to waync eb', yuj cha, xyaln 'a Pedro 'ixtic: —¿Tom matz tac' tze pitzl e wayn̈ wet' junc hora?

Chuj San Mateo Bible

⁴⁰ Ix lajvi chi', ix c'och d'a eb' vin̈ oxvan̈ chi', palta ix yilani, vaynac eb' vin̈. Yuj chi' ix yalan d'a vin̈aj Pedro: —¿Tom max yal pitzan ex junoc hora ved'oc?

Mt 26:40 Iomraidhean Croise

A Ch'an̈ B'ab'el Libro Yic Yab'ixal Eb' Rey 20:11

Xyaln pax 'at win rey Acab 'ixtc 'a eb': Alc yab' winac, to matz comn b'an̈j sb'a win b'el, yujto mantzac yil winac, toto a win x'a'n ganar owal, xchi 'a eb'.

Cantares 5:2

Waync in cob'i', palta pitzn pax in nab'en. Ax xwab'ni, x'awj 'och ni quelm chamc'ojlb'il wuj chi 'a smac watut xyaln ni 'ixtic: Ach cob's 'unn chamc'ojlb'il wu'uj, caw wal wach' elx 'icha no 'uch may spaltail; jacn 'och 'a yol atut, yujto caw xlojx 'el xil in jolm yuj chicb'cha'an̈. Caw wal tz'ujlni xil in jolm yuj yal 'ac'wal, xchi ni 'ayin.

Mt 25:5

Ax win tznupn cha, caw x'ec' hora sjaw winac. Yuj cha, caw xcot swayn̈ eb' 'ix, 'ix way eb' smasnil.

Mt 26:35

—Wach'xam 'oj in milx cham et'oc, toxn ma'oj wala', to man̈ ach wojoc, xchi Pedro cha. An̈jtona', 'ixta xyutj eb' scuywum chi yaln smasnil.

Mt 26:38

Yuj cha, xyaln 'ixtc 'a eb': —'Ijn wal tzin cham yuj cusc'ojlal, cann̈ec 'a tic. Pitzn ex cab' wet'oc, xchi 'a eb'.

Mt 26:41

Pitzc 'el e wayan̈, leslwan̈ec, sec toq'ue ma'oj eyajx prowal. A qui pixan te'n toni, palta ax qui niwnal may ste'nal, xchi 'a eb'.

Mt 26:43

Yic 'ix jab'x jun 'ejm xo, ax xyilni waync pax eb' scuywum cha, yujto matz caw techj wayn̈ yuj eb'.

Mr 14:37

Xlajw cha, xjapx 'a eb' 'oxwn̈ cha, palta ax xyilni wayn̈c eb'. Yuj cha, xyaln 'ixtc 'a Pedro: —Simón, ¿tom wayn̈c ach? ¿Tom matz tac' tza pitzl a wayn̈ wet' junc hora?

Lc 22:45

Ax yic xlajw sleswi, 'ix q'ue wa'an, 'ix meltzj pax 'a eb' scuywum cha. Ax xc'och 'a eb', xyilni wayn̈c eb'. 'Ix 'ocht wayn̈ax eb' yuj cusc'ojlal.

Lc 9:32

Ax Pedro yet' eb' yit cuywumal, caw 'ay swayn̈ eb'. Palta ma'ix way eb', yuj cha, xyiln eb' stzictznil Jesús. Xyiln pax eb' chawn̈ winc chi 'ayc' yet'oc.

Jueces 9:33

Ax 'a yic tzq'uin̈lb'i', 'a yic wanxo sq'uel c'u, tzex jaw eyac' owl 'a junc chon̈b' tic, ax yiln sb'a Gaal 'ayex, ax yel yet' eb' 'anma 'aych yet'oc yic tzya'n eb' owl eyet'oc. Ax xo 'oj eyila' tas 'oj eyutoc, xchi 'at win Zebul cha.