Mt 25:41 - Chuj San Sebastian Bible

⁴¹ 'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Chuj San Mateo Bible

⁴¹ Ichato chi', ol valan d'a eb' ay d'a in q'uexan̈: Elan̈ec a ex tic d'a in tz'ey, yujto aycot yoval sc'ool Dios d'a eyib'an̈. Ixiquec d'a jun c'ac' malaj b'aq'uin̈ stupi, d'a jun lugar sb'onac Dios yicoc vin̈ diablo yed' eb' yángel.

Mt 25:41 Iomraidhean Croise

Salmos 119:115

'El cab' eb' maysch'olnil snab'en tic 'a in tz'ey, yujto tzin nib'j in yicl a checnb'il ach in Diosal.

Salmos 119:21

Ach xa tench wan eb' 'e'nc 'a yib'an̈, yet' eb' maysch'olnil snab'en, atn eb' xyij 'el snab'en 'a a checnb'il.

Salmos 139:19

Ach in Diosal, mil cham eb' tzb'on maysch'olnil, ax eb' milm cham 'anma', najt cab' tzej can 'el eb' 'a in tz'ey,

Salmos 6:8

'Eln̈ec 'a in tz'ey ex tze b'o maysch'olnil, tox 'ix yab' Jehová woq'ui.

Is 66:24

Ax yic 'oj meltzjoc eb' 'anma cha, 'oj yil eb' sniwnal eb' chamnac, atn eb' meltzjnac 'och 'ajc'ojlal 'ayin. Ax no a'ay, a no tzchin 'ejm sniwnal eb' chamnc cha, may xon tz'aj no ay chi schami; 'ixta pax jun c'ac' tzn̈usntz'a eb' cha, may xon tz'aj stupi. Caw wal yajb'entac yilx eb' 'a sat smasnil 'anma', xchi Jehová Dios.

Jeremías 17:5

'Ix yal Jehová 'ixtic: 'Oltac wal eb' tzin 'i'n 'el 'a sc'ojol, ax eb' 'anma tzya'ch eb' yipc sc'ojol, yic tzcolwj eb' yet' eb' snani.

Mt 13:40

'Icha sto'x 'el jun tzo'n̈ 'ac trigo cha, tzn̈usx tz'a'oc, 'ixta 'oj 'aj eb' 'anma', yic 'oj lajwc 'ec' yolyib'n̈q'uinl tic.

Mt 13:42

Ax sjulx can 'at eb' 'a yol jun 'icha jorna 'aj 'aych c'ac'. Caw 'oj 'oc' eb' ta', 'oj juch'ch'oc ye eb' yoq'ui.

Mt 13:50

Ax sjulx can 'at eb' 'a yol jun 'icha jorna 'aj 'aych c'ac'. Caw 'oj 'oc' eb' ta', 'oj juch'ch'oc ye eb' yoq'ui, xchi Jesucristo.

Mt 18:8

Toto yuj junc e c'ab' mto yuj junc eyoc tzjuw 'el e nab'en, yel xo wach' tze tzu'li, tze juln can 'eli, sec ma'oj juwc 'el e nab'en 'a jun 'ejmn̈ej. Yujto wach'xam man̈x ex tz'acnoc, toto 'oj e cha e q'uinl 'a jun 'ejmn̈ej, caw wach' eyico'. Palta wach'xam tz'acn e c'ab' yet' eyoc, toto 'oj e 'atcn 'a scal jun c'ac' may b'a'n̈ tztupi, toto 'ixta', caw maysch'olnil eyico'.

Mt 25:42

Yujto yic yoch in wejel, ma'ix in eyac' wa jab'oc, yic yoch pax in tacn̈ti'al, ma'ix eyac' jac tas xwuq'uej.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Mt 7:23

Palta 'oj wal 'ixtc 'a eb': Toxn man̈ ex wojcoc. 'Eln̈ec 'a in tz'ey, yujto cojn maysch'olnil xlaj e b'o', 'oj in chic 'a eb'.

Lc 13:27

Palta 'oj yalnc pax 'ayex: 'In tox xwal 'ayex, man̈ ex wojcoc, 'ajm 'ay ex. 'Eln̈ec e masnil ex tze b'o maysch'olnil, 'oj schic 'ayex.

Lc 16:24

Yuj cha, x'awj chan̈ winac, 'ix yaln 'ixtic: Mamin Abraham, comnoc tz'o' cot a c'ojl 'ayin. Tza chec cot Lázaro 'ayin. Tzyac' 'ejm junc yune sc'ab' 'a scal a a', tzwul ya'nc 'och jac 'a sn̈i wac' tic. Yujto caw matz techj wab'n syal 'a scal c'ac' tic, xchi winac.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

2 Ts 1:7

Wan eyab'n syal quet' on̈. Palta at 'oj jawc pax Cajlil Jesús, ax ya'n Dios sniwnal qui c'ojlec. 'Oj cot Cajlilec yet' eb' yángel 'a satcha'an̈, atn eb' caw niwn spoder. A yic 'oj 'emloc eb', 'aych eb' 'a scal jun c'ac' tzn̈ilchji.

2 Ts 1:9

A eb' cha, 'oj 'atcn eb' 'a yailal 'a jun 'ejmn̈ej. 'Oj xutxoc can 'el eb' 'a stz'ey Cajlilec, sec man̈x 'oj yil eb' swach'il yet' spoder.

A Ch'an̈ Carta D'a Eb' Hebreo 6:8

Palta 'ay pax lum nab'a q'ui'ix, nab'a c'ultc tzpac' 'a 'a, may jac yopiso. Yuj cha, 'oj jawc yowl sc'ojl Dios 'a yib'an̈, c'uxn 'oj tz'a'oc.

A Schab'il Carta San Pedro 2:4

Qui nac cot tas 'ajnc eb' ángel 'ochnc smul 'a Dios. Toxn ma'ix yac' niwnc'ojlal 'a eb'. Ton̈j xya'cn 'at eb' 'a infierno. Jalb'il can eb' ta yet' q'uen cadena. Preso yajcn eb' 'a q'uic'q'uinl ticnec, masnto 'oj b'eyc'ojlaxc eb'.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.