Mt 24:6 - Chuj San Sebastian Bible

⁶ 'Oj eyab' yoch jun tzo'n̈ niwc owal, ax eyab'n speclal jun tzon̈ xo 'ijn 'oj 'ochoc. Palta man̈ ex xiwoc, yujto yowlal 'ixta 'oj 'ajoc, palta mantoc a slajb' cha.

Chuj San Mateo Bible

⁶ Ol eyab' yoch juntzan̈ nivac oval. Ol eyab'anpax specal juntzan̈xo ijan ol ochoc. Palta man̈ ex xivoc, yujto yovalil icha chi' ol ujoc elc'ochi. Palta manto ol lajvoc el-laj yolyib'an̈q'uinal tic ta'.

Mt 24:6 Iomraidhean Croise

Salmos 112:7

Matz xiw eb' 'a junc 'ab'x to 'ay smay, yujto te'nn̈ej yaj snab'en eb' 'a Jehová, a tzya'ch eb' yipc sc'ojol.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 7:4

ata tzal 'a win 'ixtic: Tzel wal a b'a, man̈ ach 'och 'il, man̈ a comn xib'tc a b'a yuj win Rezín yet' eb' 'aj Siria, yet' pax win yunnal Remalías, yujto caw wal tzowx 'och eb' 'ayach. A eb' cha, lajn eb' 'icha chab'oc cuxc'ac' ton̈j tztab'lani.

Jeremías 47:6

¡'Ay, a wal yespada Jehová! ¿B'a'n̈ wal 'oj 'och wan q'ue'en? Comnoc tzmolx 'ejm q'uen 'a yol yatut jun 'ejm xo, sec tz'och wa'an, man̈x 'a tas tzb'o'o.

Ez 21:28

Ach 'anma', al yab' eb' amonita tzb'uchwj 'a chon̈b' Israel, to an Jehová Yajl in, an 'ixtc tzwutj waln 'a eb': 'Iltec wal jun espada, lista xo yaj smilwji, caw wal tzictzni yel sc'a'l 'icha raya.

Mt 2:3

Ax yic 'ix yab'n win rey Herodes speclal jun cha, caw 'ix somchj chan̈ snab'en win yet' smasnil eb' 'aj Jerusalén.

Mt 24:14

Ax jun wach' 'ab'ix, a tzalni chajtl tz'aj eb' 'anma yoch 'a yol sc'ab' Dios, yowlal 'oj alxc 'el 'a smasnil yolyib'n̈q'uinl tic, sec 'oj laj yab' eb' 'a junjn chon̈b'al. 'Ixta to b'i'an ax sjaw jun slajb' cha.

Mt 26:54

Palta toto 'oj in c'an 'ixta', ma'oj 'el'choc tas tz'ib'b'il can 'a Ch'an̈ U'un̈. Yujto tz'ib'b'il can ta', to yowlal 'ixtc 'oj waji, xchi 'a 'a.

Lc 21:19

Toto te'nn̈ej 'oj eyutc e b'a, 'oj e colchji.

Lc 21:9

'Oj eyab' yab'xil jun tzo'n̈ niwc owal, ax ya'n eb' comn 'anma owl yet' eb' yajal. Palta man̈ ex xiwoc, yujto yowlal 'ixta 'oj 'ajoc. Palta man̈oc jun slajwb' tiempoal tic.

Lc 22:37

Yujto tzwal 'ayex, yowlal 'oj 'el'choc tas tz'ib'b'il can 'a Ch'an̈ U'un̈, yic tzyaln 'ixtic: 'Icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo, xchi 'a Ch'an̈. Jantcn̈ej wab'xil tz'ib'b'il can 'a Ch'an̈, yowlal 'oj 'el'choc, xchi Jesús 'a eb'.

Jn 14:1

'Ix yaln Jesús 'a eb' scuywum 'ixtic: —Man̈ eyac' somchjc 'el e nab'en. 'A'c 'och e c'ojl 'a Dios, tzeya'n pax 'och e c'ojl 'ayin.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

2 Ts 2:2

man̈ e comn 'a'c somchjc 'el e nab'en, toto 'ay eb' tzaln 'ayex, to jawnacx Cajlilec. Wach'xam tzyal eb' to a Yespíritu Dios xch'oxn 'a eb', mto mun tzyal eb' sch'ocoj, man̈ ex 'och 'il yuj eb'. Toxn̈ej tzyal eb', to xc'och qui carta 'a eb' on̈, man̈ e cha eyab'i'.

Apoc 6:4

'Ayc' junx chej caw chac, a jun 'ay q'ue 'a yib'an̈, 'ix chan spoder yi'n 'at owl 'a smasnil yolyib'n̈q'uinal, yic tzya'n smil cham sb'a eb' 'anma'. 'Ay jun espada x'ajx 'a 'a, caw niwquil.