Mt 24:4 - Chuj San Sebastian Bible

⁴ Yuj cha, xyaln pax 'a eb' 'ixtic: —Caw tzeyil wal e b'a, sec may junc mach 'oj eyixtn paxti'.

Chuj San Mateo Bible

⁴ Yuj chi' ix yalanxi Jesús chi' d'a eb': —Te lista tzeyutej e b'a, yic malaj junoc mach ol ex ac'an musansatil.

Mt 24:4 Iomraidhean Croise

Jeremías 29:8

Yujto an Jehová in, tztac' wuj smasnil, e Diosal in, an tzwal jun tzo'n̈ tic: Man̈ eyac' 'ixtxoc paxti e b'a yuj jun tzo'n̈ eb' tzyalch sb'a in checb'oc, ticni yes eb', yet' eb' tzcob' alnoc to tztac' snan 'el junc paxti'. Man̈ e cha eyab' swaych eb' tzyal 'ayex.

Jeremías 37:9

A Jehová tzaln 'ixtic: Man̈ eyixtc paxti e b'a, yic tzeyalni to tox 'ix 'el eb' soldado 'aj Babilonia 'a e cal, yujto man̈ 'ixta'oc yaji.

Mr 13:22

Yujto 'ay eb' 'oj pitzwc cha'an̈, ax cob' yaln 'och sb'a eb' Cristoal. 'Ay pax eb' 'oj cob' yalch sb'a schecb'oc Dios, 'oj cob' sch'ox eb' jun tzo'n̈ senya, yet' jun tzo'n̈ milagro, sec tzsomchj 'el eb' 'anma yuj eb'. 'Oj ya'lc eb' ya'n somchjoc pax 'el eb' sic'b'il 'el yuj Dios, toto 'oj stac' yuj eb'.

Lc 21:8

Yuj cha, xyaln Jesús 'a eb' 'ixtic: Caw lista tzeyutj e b'a, sec may mach 'oj eyixtn paxti'. Yujto til wal mach 'oj jawoc, ax yesn 'el eb' in b'i. An ton tic Cristo in, 'oj xchic eb'. 'Ix jaw stiempoal jun slajb' tic, 'oj schic cob' eb'. Palta caw man̈ eya'ch e nab'en 'a eb'.

Gl 6:3

Toto 'ay mach caw 'ay yel'ch cob' snani, palta toto may pax yel'chi, mun tzcob' yixtc sb'a snani.

Ef 4:14

Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

Ef 5:6

Man̈ e cha 'ixtxoc paxti e b'a yuj eb' tzalni, to may yowlal qui b'onec jun tzo'n̈ tzwal tic. Caw wal may yel'ch tas tzyal eb', yujto atn 'a yib'n̈ eb' tzb'on jun tzo'n̈ tic, 'oj cot jun niwn yailal yuj yowl sc'ojl Dios, yujto matz yiclj eb' tas tzyala.

A Scarta San Pablo D'a Eb' Aj Colosas 2:18

'Ay eb' tznib'j 'oj 'i'nc 'ec' jun spac eyic 'oj yac' Dios, palta man̈ e cha tas tzyal eb' 'ayex. Caw 'emmquilal tzcob' yutc sb'a eb', tzya'n 'ejm sb'a eb' 'a jun tzo'n̈ ángel. Tzcomn 'a'n 'och sb'a eb' 'a scal jun tzo'n̈ tas man̈ yojcoc. Ton̈j tzcomn b'an̈j sb'a eb', yujto caw jeln eb' snani.

A Scarta San Pablo D'a Eb' Aj Colosas 2:8

Tzeyil wal e b'a. Man̈ e cha juwc 'el e nab'en yuj jun tzo'n̈ eb' jeln tzyutj yaln yico'. Caw jeln eb' ya'n 'es, palta may jac yel'ch tas tzyal eb' cha, yujto man̈oc 'a Cristo tzcot jun yic eb' cha. An̈j sb'eyb'al yic smam yichm eb' tzyala, yet' jun tzo'n̈ xo cuynb'il yic yolyib'n̈q'uinl tic.

2 Ts 2:3

Caw man̈ e cha 'ixtxoc paxti e b'a. Yujto a 'a yic mantzac jaw Cajlilec, 'ay jun tiempoal, til wal mach 'oj sutmj pax 'och 'ajc'ojlal 'a Dios. Atta 'oj checljoc 'el jun win syajlil maysch'olnil. A win cha, yowlal 'oj 'ajxc can 'at 'a yailal.

1 Jn 4:1

Ex chamc'ojlb'il wu'uj, toto 'ay eb' tzalni to yic Dios jun tzo'n̈ tas tz'ec' yal eb', man̈ e comn chac eyab' mu'c 'a eb'. Yowlal tze b'ab'l 'a'j prowal eb', toto yel a Dios 'aych yet' eb'. Yujto til wal eb' 'a'm 'es 'ay 'a yolyib'n̈q'uinl tic. Tzcob' yalch sb'a eb' schecb'oc Dios.