Mt 24:3 - Chuj San Sebastian Bible

³ Xlajw cha, 'ix 'at eb' 'a tzaln Olivo, x'at 'em wocn Jesús ta'. Ax eb' scuywum, 'ix jaw eb' sch'ocj 'a 'a, 'ix yaln eb' 'ixtic: —Tzqui nib'j tzal 'ayn̈ on̈, ¿b'a'n̈ 'oj jawc jun chi xal cha? ¿Tas junc senya 'oj sch'ox Dios yic jab'xoj 'oj a japxi, yet' 'a yic 'oj lajwc 'ec' jun tiempoal tic? xchi eb' 'a 'a.

Chuj San Mateo Bible

³ Ix lajvi chi', ix b'at d'a tzalan Olivo. Ix em c'ojan ta'. Axo eb' sc'ayb'um, ix c'och eb' sch'ocoj d'ay, ix yalan eb': —Sco nib'ej tzal d'ayon̈, ¿b'aq'uin̈ ol ja jun ix al chi'? ¿Tas junoc yechel ol ac'an checlajoc to toxo ol ach javoc, to toxo pax ol lajvoquec' jun tiempoal tic? xchi eb' d'ay.

Mt 24:3 Iomraidhean Croise

Mt 13:36

'Ix yaln can sb'a Jesús 'a eb' 'anma cha, 'ix 'ochx 'a yol n̈a. 'Ix 'och pax eb' scuywum yet'oc. Xyaln eb' 'ixtc 'a 'a: —A yab'xil te 'ac trigo 'ix ala, al 'ayn̈ on̈ tas wal tzyal 'el'chi, xchi eb' 'a 'a.

Mt 13:49

'Ixta 'oj 'aj eb' 'anma', yic 'oj lajwc 'ec' yolyib'n̈q'uinl tic, 'oj cot eb' ángel wul yi'l eb' maysch'olnil 'a scal eb' wach'.

Mt 15:12

Yuj cha, xjaw eb' scuywum 'a stz'ey, 'ix yaln eb' 'ixtc 'a 'a: —¿Ojc ama to caw xcot yowl ewin fariseo yuj jun xal tic? xchi eb' 'a 'a.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 16:28

Wal yel tzwal 'ayex, 'ay jun tzo'n̈ ex 'a tic, mantzac ex chami, ax in jaw an 'Ochnc in 'Anmal tic, ax wa'n yajlil, xchi 'a eb'.

Mt 17:19

Ax yic xcan Jesús sch'ocj yet' eb' scuywum, 'ix sc'anb'n eb' 'ixtc 'a 'a: —¿Tasm yuj ma'ix 'el jun demonio chi cuj on̈? xchi eb' 'a 'a.

Mt 21:1

Yic wan sc'och Jesús yet' eb' scuywum 'a sla'nil Jerusalén, 'ix jaw eb' 'a chon̈b' Betfagé 'a yich lum tzaln Olivo. Ax Jesús, 'ix checn 'at chawn̈ eb' scuywum.

Mt 24:27

Yujto 'icha junc raya, c'uxn tzcheclj 'a yolyib'n̈q'uinl tic, tzcheclj 'a 'aj tzq'uel c'u, tzcheclj pax 'a 'aj tz'em c'u, 'ixta 'oj 'aj scheclj in jaw an 'Ochnc in 'Anmal tic.

Mt 24:30

'Ixta to b'i'an, ax scheclj jun senya 'a satcha'an̈, chajtlto an 'Ochnc in 'Anmal tic, an tzin jawi. Ax eb' 'anma 'a junjn chon̈b' 'a yolyib'n̈q'uinl tic, 'oj 'oc' eb', yujto 'oj yil eb' in jaw 'a scal 'asun. Man̈ jantcoc in poder yet' in tzictznial, ax in jawi.

Mt 24:37

'Icha jun tiempoal yic yec' win Noé, 'ixta 'oj 'aj jun tiempoal yic 'oj in jaw an 'Ochnc in 'Anmal tic.

Mt 24:39

Palta ma'ix nachj 'el xon jac yuj eb', masnto xjaw jun yaxn̈ab' cha, ata xcham eb' smasnil. 'Icha 'ajnc eb' 'a jun tiempoal cha, 'ixta 'oj 'aj eb' 'anma', yic 'oj in jaw tza'njoc.

Mt 24:43

Q'uinloc 'ay junc win 'ajn̈a ticnec, toto yojtac janc' tzjaw junc 'elc'm 'a 'ac'wal, caw lista 'oj yutc sb'a, sec ma'oj stac' yoch jun 'elc'm cha.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Lc 21:7

Yuj cha, 'ix sc'anb'n eb' 'ixtc 'a 'a: —Ach qui Cuymal on̈, ¿b'a'n̈ 'oj jawc jun chi 'ix al cha? ¿Tas wal junc senya 'oj sch'ox Dios, yic jab'xoj 'oj jawc jun cha? xchi eb' 'a 'a.

A Tas Sc'ulejnac Eb' Schecab' Jesús Hechos 1:7

Yuj cha, xyaln 'a eb' 'ixtic: —Matz 'ajx eyojcoc 'el sc'ual, stiempoal. Yujto a jun tzo'n̈ cha, cojxn qui Mam Dios 'ay yaln yic 'a 'a.

A Ch'an̈ Carta D'a Eb' Hebreo 9:26

Q'uinloc man̈toc jun 'ejmn̈ej xyac' sb'a Cristo xajmb'alil. Toto 'ixta', tecn yowlal caw niwn 'ejm chamnac, yictax sb'ocn yolyib'n̈q'uinl tic. Yujto a 'a yic jun slajb' tiempoal tic, cojn jun 'ejm wulnc 'eq'ui. Caw a ya'jnac sb'a xajmb'alil, yic yi'n 'el qui mul 'ayn̈ec.