Mt 24:2 - Chuj San Sebastian Bible

² Yuj cha, xyaln 'a eb' 'ixtic: —A jun tzo'n̈ niwc n̈a tic, c'uxn 'oj lan̈chjc 'ejm smasnil, yet' jun tzo'n̈ q'uen tusb'il q'ue tic, tzwal 'ayex to man̈x 'a junc 'oj can 'a yib'n̈ yit q'uenal, xchi 'a eb'.

Chuj San Mateo Bible

² Ix yalan d'a eb': —¿Tzam eyil juntzan̈ nivac pat tic smasanil? Val yel sval d'ayex, a juntzan̈ q'uen q'ueen latz'b'ilq'ue tic, man̈xa junoc q'uen ol can d'a yib'an̈ q'uen yetq'ueenal. Ol juchajem smasanil, xchi d'a eb'.

Mt 24:2 Iomraidhean Croise

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Lc 19:44

C'uxn 'oj smac' 'ejm lan̈chjoc eb' jun chon̈b' tic 'a sat lu'um. Ax smilx cham eb' 'anma yuj eb'. A q'uen q'uen tusb'il 'och 'a jun tzo'n̈ n̈a 'a jun chon̈b' tic, toxn man̈x 'a junc 'oj can 'a yib'n̈ yit q'uenal cha. 'Ixta 'oj 'ajcni, yujto a 'a jun tiempoal tic, 'ix snib'j Dios tzch'ox swach'c'ojlal 'ayex, palta matz nachj 'el eyu'uj, xchi Jesús.

A Schab'il Carta San Pedro 3:11

'Ixta 'oj 'aj slajw 'el smasnil tas. Yuj cha, yowlal caw tojln̈ej tzcutjec qui b'eyb'al. Cojxn wal 'a Dios tzca'c 'och qui nab'en.

Apoc 21:22

May junc yatut Dios 'a jun chon̈b' cha, yujto a Dios Cajlil, atn jun tztac' yuj smasnil, yet' jun tzcuch Calnelu, a eb' 'ayc'n̈ej 'a smasnil jun chon̈b' cha.